Хамилтон и Ботас за „еден-два“ победа на Мерцедес во Монца

Луис Хамилтон и Валтери Ботас остварија „еден-два“ победа за тимот на Мерцедес на денесшната 13-тата трка во Формула 1 шампионатот која ќе се возеше за Големата награда на Италија.
Британецот, Хамилтон ја искористи пол-позицијата и во текот на целата трка, која се возеше на патеката во Монца, не го препушти првото место.

Зад Хамилтон трката ја заврши неговиот тимски колега Валтери Ботас, а место на пиедесталот имаше и за Себастијан Фетел од Ферари иако трката ја започна од осмата стартна позиција.

Со оваа победа, шеста сезонава, сега Хамилто го превзеде лидерското место во Генералниот пласман со 238 поени, три повеќе од Себастијан Фетел (235 поени).

По нив следуваат: Валтери Ботас со 197, Даниел Рикјардо 144 и Кими Раиконен 138 бодови.

Следна 14-та трка во Формула 1 шампионатот е закажана за 17 септември, а ќе се вози на патаката „Марина Беј“ за Големата награда на Сингапур. /МИА

СП 2018: Пекерман: Не е лесно да играш со 10 фудбалери

Селекторот на колумбиската фудбалска репрезентација, Хозе Пекерман призна дека раниот црвен картон го предодредил исходот на дуелот со Јапонија. 

„Самураите“ ја надиграа Колумбија со 2:1 во првата средба од групата „Х“ на Мундијалот во Русија.

- Не е лесно кога ќе изгубиш играч во првите три минути, но успеавме да се справиме со тоа. Дури го израмнивме резултатот со намален состав. Јапонија успеа да се адаптира кон ситуацијата и успеа да даде гол, бидејќи играше подобро. Ние ќе се справиме со овој пораз и ќе покажеме на што сме способни во следните два натпревари. Ние изгубивме поради замор. Јапонците беа посвежи, изјави Хозе Пекерман по мечот. /МИА

СП 2018: Сенегал ги казни грешките на Полска

Сенегал е првиот африкански тим кој забележа победа на Светското првенство во Русија, откако ја совлада Полска со 2:1 во вториот натпревар од групата „Х“. 

Полскиот дефанзивец Тиаго Чонек си даде авто-гол во 37-та минута по ударот на Идриса Гај, а во 60-тата, Мбае Нијанг ја искористи големата грешка во одбраната на противникот за да реализира за 2:0. 

Во 86-тата минута, Григориј Криховјак врати еден гол, но тоа беше сè што успеаја да направат Полјаците.

Со овој дуел беше ставен крај на првото коло во групната фаза на Мундијалот. /МИА

СП 2018: Јапонија започна со изненадувачка победа над Колумбија

Репрезентацијата на Јапонија постигна многу вредна победа со 2:1 над фаворитот Колумбија во првата средба и за двата тима на Мундијалот во Русија.

Дуелот се одигра на стадионот „Мордовија Арена“ во Саранск, а јужноамериканците го одиграа речиси целиот натпревар со човек помалку, откако уште во четвртата минутам Карлос Санчез беше избркан поради игра со рака во шеснаесетникот.

Тој направи пенал, кој беше реализиран од Кагава, а со генијална изведба од фаул, Кинтеро израмни во 39-тата минута на средбата.

Победата за „самураите“ ја донесе Осака во 72-та минута, кога го постигна победоносниот гол со глава.

По овој натпревар, Јапонија е лидер во групата „Х“, во која се уште Полска и Сенегал, чиј натпревар почнува од 17 часот. /МИА

притисни ентер