Владата на балтичката република одлучи да и обезбеди на Украина различни видови муниција, униформи, уреди за надзор и заштитна опрема, соопшти Министерството.

Не се дадени повеќе детали за обемот или вредноста на пакетот помош од Естонија, која е членка на НАТО и на Европската унија.

Пакетот е составен од резервите, земајќи ги предвид потребите на Украина, без да се загрозат одбранбените способности на Естонија, соопшти Министерството.

-Наскоро ќе поминат 1.000 дена во кои Украина успеа да ја одбрани својата слобода од моќниот агресор, изјави естонскиот министер за одбрана Хано Певкур. На Украина сè уште и е потребна помош од Естонија и слободниот свет за да се заштити.

Украина се бори против целосната инвазија на Русија повеќе од две и пол години со помош на Западот.

Естонија, која граничи со Русија, е еден од најверните поддржувачи на Украина. /МИА

Основниот суд во Приштина денеска го прифати барањето на Специјалното обвинителство за определување мерка притвор за косовскиот државјанин од српска националност, со иницијали М.Д., кој е осомничен за учество во нападот на припадниците на Мисијата на НАТО во Косово, КФОР, на минатогодишните протести во Звечан, во северно Косово, јави дописникот на МИА од Приштина.

Дел од косовските медиуми објавија дека станува збор за лицето Марко Даниќ, жител на селото Бабин Мост во општина Обилиќ, кој беше уапсен вчера во Северна Митровица, во врска со нередите од 29 мај минатата година во Звечан, во кои беа повредени 93 војници на КФОР.

Специјалното обвинителство на Косово соопшти дека тој е осомничен за сторени кривични дела „Здружување поради противуставна дејност“; „Загрозување на лица под меѓународна заштита“; „Учество во толпа која врши кривично дело и хулиганство“; „Напад на службено лице“.

Бранителот на Даниќ, адвокатот Небојша Данчетовиќ, по одлуката на судот во Приштина изјави дека доказите на обвинителството се неосновани.

„Обвинителството нема докази. Ова се некои измислени фотографии - дека е наводно виден во жолт џемпер на протест, дека држи нешто во рака - не е јасно дали е шише со вода. Доказите на обвинителството се недоволни“, изјави Данчетовиќ.

Тој потврди дека неговиот клиент бил на протестот тој ден, но рече дека тоа го направил поради политички несогласувања.

„Не може да се оквалификува како напад на уставниот поредок. Точно е дека бил на протестот, но не е точно дека повредил некој војник, ниту пак учествувал во нападот на меѓународните претставници“, изјави тој.

Данчетовиќ нагласи дека судот одлуката за притворот ќе ја достави на српски јазик дури во понеделник и најави дека ќе бидат поднесени жалбите.

Насилството во Звечан избувна откако локалните Срби се спротивставија на влегувањето на новите градоначалници Албанци во општинските згради во Звечан, Лепосавиќ и Зубин Поток - општини во северно Косово, населени со мнозинско српско население.

Како резултат на насилството беа повредени 93 припадници на КФОР, од кои неколкумина потешко.

КФОР претходно соопшти дека нападот врз неговите војници бил извршен „без никаква провокација“ и дека е „целосно неприфатлив“.

Косово ја обвини Србија за настаните во Звечан, велејќи дека тие биле извршени од „криминални групи блиски до српскиот претседател, Александар Вучиќ“./МИА

По три четвртини Вориорс водеа со 15 поени разлика. Во последните 12 минути Кер доби техничка, Дрејмонд Грин беше исклучен поради два приговора.

- Последната четвртина и целото второ полувреме беа одвратни. Жал ми е за нашите фанови кои мораа да го гледаат ова. Гледајќи што се случи на теренот, призна Кер.

Севкупно, двата тима изведоа 58 слободни фрлања и направија 49 прекршоци.

Со биланс 10-2 (победи-порази) Голден Стејт вориорс се на 2. место во Западната конференција од НБА-лигата. /МИА