Македонија

Арсовска: Скопје нема да ја загуби номинацијата европска престолнина на културата

Има ли реална опасност Скопје да ја загуби номинацијата за европска престолнина на културата за 2028 година.

Граѓани, културни работници и луѓе од бизнисот покренаа иницијатива за да не се загуби престижната титула, по извештајот на Европската комисија каде се нотирани забелешки во подготовките за оваа номинарија.

Градоначалничката Данела Арсовска признава дека Европската комисија има забелешки, но дека тие ќе се остранат. Скопје нема да ја загуби номинацијата, вели Арсовска во разговор со Мирјана Мирчевска Јовановиќ, Канал 5.

-Овој мониторинг значи дека сите недоследности треба да се отстранат, ние работиме на тоа!

Oние што предлагаат можност за отповикување градоначалник, нема да го спроведат во иднина

Проектот за сигнализација за крстосницата во Аеродром го поднесовме до СВР Скопје по петти пат

Целиот разговор погледнете го во видеото.

Свет

Две лица загинаа во нападот во центарот на Киев

Две лица загинаа, а шест се повредени денеска во Киев во напад на руската армија, која утринава лансираше бран од 111 беспилотни летала врз Украина.

Тоа е првиот руски напад на првиот ден од 2025 година, додека синоќа украинскиот претседател Володимир Зеленски во својот новогодишен говор рече дека Новата година ќе биде „година на преговори кои треба да стават крај на војната“.

Рускиот претседател Владимир Путин кон крајот на декември се закани дека ќе го нападне центарот на Киев како одговор на употребата на американско и британско оружје со долг дострел врз неговата земја.

-По утринскиот напад, бројот на жртви во Киев се зголеми: двајца загинати, шестмина повредени, четири лица се спасени, објавија украинските служби за итни случаи на Телеграм.

Спасувачите објавија и дека го ставиле под контрола пожарот кој ја оштети станбената и административната зграда во областа Печерск во историскиот центар на главниот град.

Пожарот е предизвикан од паѓање на остатоци од дронови соборени од противвоздушна одбрана.

Зградата и припаѓа на Народната банка на Украина, а се наоѓа на околу 300 метри од претседателските канцеларии.

-Дури и на новогодишната ноќ, Русија се грижи само да и наштети на Украина, рече Зеленски.

Македонија

Жител на кривопаланечко село пријавил физички напад од сопругата

Триесет и седумгодишен маж од кривопаланечко село, пријавил дека ноќеска за време на новогодишната ноќ, во семејниот дом бил физички нападнат од неговата сопруга по претходна расправија, соопшти МВР.

- Денеска (01.01.2025) во 01.36 часот во ОВР Крива Паланка, 37-годишен маж пријавил дека околу 01.00 часот во семејниот дом во кривопаланечко село, по претходна расправија, бил физички нападнат од неговата сопруга Б.С.(34), се наведува во Билтенот на МВР.

По целосно документирање на случајот, од МВР најавуваат соодветен поднесок.

Свет

Во Холандија убиено 14-годишно момче, повеќе од 200 уапсени

Хаотична и насилна новогодишна ноќ низ Холандија доведе до трагична смрт на 14-годишно момче и апсење на повеќе од 200 лица за немири и напади врз полицајци, а има и повредени од подметнување пожар и пиротехнички несреќи.

Локалните медиуми јавуваат дека употребата на пиротехнички средства довела до трагична смрт на 14-годишно момче во експлозија во Ротердам.

Неколку лица низ државата се тешко повредени од употреба на пиротехнички средства.

Полициските службеници ја опишаа ноќта како „полна со уништување и насилство“, со значителни инциденти во градовите низ земјата.

Во неколку градови, вклучувајќи ги Харлем, Заандам, Ротердам, Хаг, Амстердам, Бреда и Гронинген, полицијата беше принудена да одговори на насилните немири.