Ова за Канал 5 го потврди претседателката на ДКСК Татјана Димитровска, која рече дека предметот е оформен, распределен и веќе се обезбедува потребната документација.

„ Денеска е пристигната анонимна пријава во која се содржани наводи за незаконско именувае на дир на АНБ. Предметот е оформен во државната комисија распределен кај член за надлежно постапување тоа подразбира доставување на барање за доставување на потребна документација во однос на условите кои законот ги бара. По добивањето на докуметнацијата и анализа на истаат, ќе донесеме одлука на јавна седница. “Татјана Димитровска – Претседателка на ДКСК.

Претставката до Антикорупциска доаѓа откако назначувањето на новиот директор на АНБ изминативе денови беше мета на критики од опозицијата. Од СДСМ побараа тој да биде разрешен бидејќи , како што велат, со назначувањето на Христовски да раководи со Агенцијата се врши нејзина директна партизација, бидејќи како што велат тој бил личен избор на премиерот Христијан Мицкоски.

„Се уште е отворено и прашањето дали Христовски воопшто има 5 години стаж на раководни позиции сигласно законските услови или не? Во неговата објавена биографија недостасуваат прецизни датуми за неговото раководно искуство од 2012 до 2017 година. Не е потврдено ниту дали Христовски има вистински документ за соодветно познавање на Англиски јазик. Затоа што документот што го приложил е од училиште во Пловдив Бугарија а во Пловдив воопшто нема TOEFL центар за тестирање.“- СДСМ.

Канал 5 го контактираше новоназначениот директор на АНБ Христовски кој во телефонски разговор кусо одговори дека доколку до него стигне официјално барање од ДКСК тој ќе им достави одговор со сите информации кои им се потребни.

Од владејачката ВМРО-ДПМНЕ, пак, велат дека партизацијата на службите ја направила токму СДСМ, со назначувањето на претходниот директор на АНБ Виктор Димовски.

„Виктор Димовски беше член на ИО на СДС, долги години беше во голем број партиски комисии и совети. Тој на чело на АНБ дојде како чисто партиско решение. СДС наместо да ја професионализира службата, ја партизираше, дополнително на тоа шиканираа професионалци и избркаа од АНБ се што не е во нивната матрица,- Бране Петрушевски – ВМРО-ДПМНЕ.

Инаку, Христовски во интервју за КОД на ТВ Телма, потврди дека се уште нема безбедносен сертификат “Државна тајна”, кој, како што посочи, не му бил продолжен од 2019 година заради политички монтирана хајка од минатата власт. Штом ја презел функцијата директор на АНБ веднаш аплицирал за сертификат од највисок степен. Тој не смета дека со неговото назначување е прекршен законот за АНБ бидејќи од лани повеќе не бил партиски активен во ВМРО-ДПМНЕ.