Регион

Анкета: Шест од десет Грци негативно ја оценуваат Владата

Шест од десет анкетирани негативно или веројатно негативно ги оценуваат првите осум месеци од вториот мандат на грчката Влада, додека пак поскапувањето на цените останува главен проблем за Грците.

Шест од десет анкетирани негативно или веројатно негативно ги оценуваат првите осум месеци од вториот мандат на грчката Влада, додека пак поскапувањето на цените останува главен проблем за Грците, согласно резултатите од истражувањето на јавното мислење спроведено од агенцијата „Marc“ за весникот „Прото тема“, јави дописничката на МИА од Атина.

Во однос на тоа во кој сектор Владата треба да посвети поголемо внимание, 75 отсто од испитаниците рекле дека тоа се високите цени, 67,1 процент го одбрале здравството, речиси половина од анкетираните го одбрале образованието, а потоа следат криминалот и појавите на насилство, економијата и инвестициите, судството итн.

Седум од десет анкетирани рекле дека владините мерки за справување со инфлацијата и поскапувањата не носат некаков ефект.

За европските избори што ќе се одржат на 9 јуни, 63,4 отсто сметаат дека се „доста“ или „многу“ важни, 62,9 проценти ќе гласаат врз основа на внатрешно политичките теми и текот на земјата, а во однос на тоа која партија може да ги зајакне интересите на Грција во Европа, прва е владејачката Нова демократија.

На прашањето доколку евроизборите се следната недела, за која партија би гласале анкетираните, 29,6 процени одговориле Нова демократија, 11 отсто СИРИЗА, а 10,3 проценти ПАСОК.

Истражувањето на јавното мислење на агенцијата „Marc“ за весникот „Прото тема“ било спроведено во периодот од 11 до 14 март 2024 година со анкетирани 1.086 лица.

Фудбал

Реал се откажа од трансферот на Дејвис

Лидерот во шпанското првенство Реал Мадрид ги прекина преговорите за потписот на дефанзивецот на Баерн Минхен, Алфонсо Дејвис во претстојниот летен преоден рок, објавија денеска шпанските медиуми.

Според „Релево“, Реал ги променил приоритетите во плановите за засилување на одбранбената линија пред почетокот на следната сезона.

Реал постигна вербален договор со левиот бек Дејвис, но приоритетна трансфер цел на Кралскиот клуб во дефанзивата сега е централниот бек на францускиот Лил, Лени Јоро.

Според медиуми, Дејвис би можел да му се приклучи на Реал, но по крајот на следната сезона, кога му истекува договорот со Баерн.

Македонија

Трипуновски: Извршивме порибување на рекреативната зона акумулацијата Градче со 185кг крап

Извршивме порибување на рекреативната зона акумулацијата Градче со 185кг подмладок на крап.

Дополнителниот заменик министер за земјоделство, шумарство и водостопанство Цветан Трипуновски денеска е во работна посета на Кочанскиот регион и општина Чешиново-Облешево каде што оствари повеќе средби со земјоделците од овој регион, но исто така изврши и порибување на акумулацијата Градче.

Денеска заедно со пратениците, градоначалникот и концесионерот извршивме порибување на акумулацијата Градче со 185 килограми подмладок на крап. Подмладокот е обезбеден од репро центарот Акватика и истиот поседува здравствен сертификат, порибувањето се изврши во присуство на инспектор од Државниот инспекторат за земјоделство. - изјави Трипуновски.

Порибувањето се врши се со цел одржување на рибниот фонд во акумулациите ширум територијата на Република Македонија и овозможува одржување на водниот свет како и можност за рекреативен риболов.

Зачувување на рибниот фонд во Република Македонија е еден од приоритетите на ВМРО-ДПМНЕ и во иднина ќе извршиме порибување и на останатите акумулации за да го зачуваме еко системот и рибниот фонд во Република Македонија.

Свет

Шпански новинари потпишаа манифест во одбрана на премиерот Санчез и неговата сопруга

Шпански новинари потпишаа манифест во одбрана на премиерот Санчез и неговата сопруга, која е под истрага за корупција.

Илјадници шпански новинари јавно изразија поддршка на премиерот на земјата Педро Санчез, кој објави дека ги суспендира своите јавни активности поради истрагата против неговата сопруга Бегоња Гомез за трговија со влијание и корупција.

Санчез, кој в понеделник треба да ја соопшти одлуката за тоа дали ќе остане на функцијата, ги обвини истражителите за неосновани напади под влијание на десничарските и екстремно десничарските политички противници.

Како поддршка на Санчез, неколку илјади новинари потпишаа онлајн-манифест во кој се вели дека „нападот на медиумите и екстремно десничарските функционери во судството против сопругата на премиерот е нов обид да се поткопа со незаконски средства народната волја изразена на изборите“.

„Долупотпишаните новинари го повикуваат граѓанското општество да се приклучи на овој манифест и да се мобилизира на социјалните мрежи и на улиците против ова антидемократско безобразие“, се вели во манифестот.