Македонија

Активности на собраниската Делегација, предводена од претседателот Гаши

Активности на собраниската Делегација, предводена од претседателот Гаши, во рамки на 149. Собрание на ИПУ во Женева

На 149. Собрание на Интерпарламентарната унија (ИПУ), што се одржува од 13 до 17 октмври 2024 година во Женева, Швајцарска Конфредерација, учествува Делегацијата на Собранието на Република Македонија во ИПУ во состав: Африм Гаши, претседател на Собранието на Република Македонија и шеф на Делегацијата и пратениците Дафина Стојаноска, Фатмир Битиќи, Арбана Пашоли, Халил Снопче, Бобан Карапејовски и Борислав Крмов, членови на Делегацијата, како и генералната секретарка Марина Димовска.

Денеска седници одржаа Управниот совет и две постојани комисии на Интерпарламентарната унија. На седницата на Управниот совет учествуваа пратениците Дафина Стојаноска, Арбана Пашоли и Бобан Карапејовски.

Комисијата за демократија и човекови права дискутираше по извештајот и предлог резолуцијата на тема: „Влијанието на вештачката интелигенција врз демократијата, човековите права и владеењето на правото“. Во дебатата учествуваше пратеникот Халил Снопче. Тој нагласи дека вештачката интелигенција ќе продолжи да игра сè поцентрална улога во процесите на креирање политики, користејќи напредна анализа на податоци за донесување информирани одлуки за сложени прашања, како што се климатските промени, здравствената заштита и економската нееднаквост. Според Снопче, мора да се воспостават јасни регулаторни рамки за управување со употребата на вештачката интелигенција во политичките процеси, како и да се стави фокус на развивање робусни програми за дигитална писменост, не само за граѓаните, туку и за политичките лидери и институции.

Тој оцени дека носителите на одлуки треба да бидат информирани за технологијата и способни да ги разберат нејзините пошироки општествени импликации. Образованието треба да биде најсилен сојузник во обезбедувањето активно и одговорно учество на сегашните и идните генерации во политичкиот пејзаж, каде што вештачката интелигенција е составен дел.

Пратеникот Фатмир Битиќи учествуваше во работата на Комисијата за мир и меѓународна безбедност, која одржа панел дискусија на тема: „Улогата на парламентарците во спречувањето на конфликти околу природните ресурси“. Тој нагласи дека еден од најголемите предизвици со кои се соочуваат пратениците е обезбедувањето правична и одржлива дистрибуција на природните ресурси. Нивната улога не е само спречување конфликти околу ресурсите, туку и создавање системски можности за правична дистрибуција и пристап до нив. Ова вклучува развој на законодавство и механизми кои обезбедуваат секој граѓанин да има фер пристап до вода, земја и други витални ресурси.

Според Битиќи, еден од најважните чекори што треба да се преземе е унапредување на демократските процеси, бидејќи демократијата е вредносен систем кој вклучува инклузивност, транспарентност и отчетност. Доколку се прифатат овие вредности и се применат во управувањето со ресурсите, можат да се избегнат конфликтите и разликите да станат извор на сила, наместо поделба. Тој, исто така, оцени дека решавањето на климатските предизвици треба да се интегрира во стратегиите за спречување конфликти и да се охрабри трансформација кон зелени технологии и одржливо користење на ресурсите.

Се очекува претседателот на Собранието на Република Македонија, Африм Гаши, да има свое обраќање на генералната дебата на тема: “Искористување на науката, технологијата и иновациите за помирна и оддржлива иднина.“

*Интерпарламентарната унија е светска организација на парламентите. Основана е пред повеќе 130 години како прва мултилатерална политичка организација во светот, со цел за поттикнување на соработката и дијалогот меѓу нациите. Во организацијата денес членуваат 180 национални парламенти и 15 меѓународни парламентарни собранија. ИПУ ја промовира демократијата и им помага на парламентите да станат посилни, порепрезентативни, поиновативни и родово и младиски балансирани. Собранијата на ИПУ се одржуваат двапати годишно, обезбедувајќи на тој начин парламентарна димензија на глобалното управување.

Собрание на Македонија

Регион

Вучиќ: Младите од 20 до 35 години, дури и невработените, ќе можат да земат станбен кредит

 Српскиот претседател Александар Вучиќ денеска објави мерка со која - секој над 20 години, дури и оние кои се невработени, ќе можат да добијат кредит за стан.

„Сакаме да ги направиме младите независни...порано да зависат од нивната работа“, рече Вучиќ во своето обраќање.

Тој додаде дека најголемиот товар ќе падне на Банка Поштанска штедионица, но во тоа мора да учествуваат и други банки.

Според него, вредноста на програмата е 400 милиони евра за 5.500 станбени единици.

Услов за подигање на кредит е да сте државјанин на Србија, на возраст од 20 до 35 години.

Тој изјави и дека сака таа старосна граница да биде укината, „но во овој момент тоа не е можно“.

Највисоката цена за метар квадратен за која државата ќе дава субвенции ќе биде 2.200 евра.

„Би сакале младите да можат да купуваат станови во блок 70 и блок 45, но цената на квадрат таму е меѓу 2.300 и 2.600 евра и затоа сакаме да ја покачиме на 2.500, 2.600 евра во Белград и 2.200 во Нови Сад“.

Тој рече и дека главен услов е станот да може да чини најмногу 100.000 евра, а минималното учество да биде еден процент. Кредитот ќе се доделува за период до 40 години, а последната исплата ќе се врши до 70-годишна возраст. Предвремената отплата на кредитот ќе биде без дополнителен надомест.

Во обраќање до јавноста рече дека таа мерка освен емотивна компонента да се дозволи детето на секој родител да остане во државата, има и рационални корени. Тој додаде дека државата подготвила програма за станбен кредит за млади што е најдобра во цела Европа и нагласи дека тоа не е социјална мерка, туку мерка за иднината на Србија.

Српскиот претседател најави дека програмата за станбен кредит за млади ќе почне да се спроведува најдоцна во првата половина на март, бидејќи се очекува законот да биде завршен во февруари, по што ќе биде доставен до парламентот.

Македонија

Нови врнежи претежно од снег од понеделник и средина на работната недела

 Времето денеска ќе биде претежно облачно со врнежи од дожд, а преодно стабилизирање ќе има утре и потоа преку ноќта, соопштија од УХМР.

Од понеделник под влијание на циклонска активност и студен воздух од северозапад ќе започнат нови врнежи претежно од снег, во делови од Повардарието од дожд, особено во западниот дел и на исток каде што во понеделник врнежите ќе бидат пообилни ќе се зголеми и ќе се прошири и снежната покривка.

Снег ќе има понекаде и во пониските места.

Нови врнежи претежно од снег се очекуваат во средината на работната недела.

Кошарка

Панатинаикос му понуди нов договор и повисока плата на повредениот Лесор

Нов повеќегодишен договор му понуди сопственикот на Панатинаикос, Димитрис Јанакопулос, на францускиот кошаркар Матијас Лесор, кој претходно оваа недела доживеа тешка повреда.

Грчките медиуми јавија денеска дека Лесор е успешно опериран, откако францускиот репрезентативец се здоби со скршеница на фибулата на левата нога на дуелот против Басконија во Евролигата.

Според локалните медиуми, Јанакопулос му понудил на Лесор нов повеќегодишен договор, како и повисоки примања.

Лесор, според пишувањата на медиумите, заработува 1.700.000 евра по сезона.

Не е познато колку изнесува новата понуда на Панатинаикос, но неофицијално, според информациите од Грција, тоа нема да биде помалку од 2.000.000 евра.

притисни ентер