Веб-страницата Class Central посветена за пребарување на онлајн курсеви, спроведе анкета на Инстаграм која ги откри најпопуларните занимања меѓу членовите на генерацијата Z.

Модел, инфлуенсер, личен тренер, уметник...

Според истражувањата, работата од соништата за генерацијата Z е - манекенството. Листата е составена со помош на анализа на користењето „хаштази“ во врска со кариерата на Инстаграм, а манекенството се нашло на врвот на листата со дури 380 милиони објави на социјалната мрежа.

На второ место на скалата е професијата уметник, а потоа фотограф и шминкер, блогер, како и работата во маркетинг.

Пејач, личен тренер, актер, инфлуенсер, стилски блогер, танчар, готвач, писател, „јутјубер“, моден дизајнер, креатор на содржини, спортист, фризер и маникер се занимањата кои влегоа во топ 20=те најбарани меѓу генерацијата Z.

Интересно е што потрадиционалната професија, доктор, е рангирана на 24-тото место со 18,300,000 „хаштази“, работната позиција инженер се најде на 30-тото место со 7,600,000 „хаштази“, занимањето правник е рангирано на 32-тото место со 6,500,000 „хаштази“, а работното место астронаут е на 450-тото место со 2.500.000 „хаштази“.

„Генерацијата Z ја привлекуваат покреативните индустрии“

„Ова истражување покажува дека на генерацијата Z ѝ е попривлечна креативната индустрија, особено онаа што е силно поврзана со социјалните медиуми“, изјави Давал Шах, извршниот директор на Class Central.

Иако генерацијата Z се стекна со репутација дека сака да биде инфлуенсер и јутјубер, оваа студија покажува дека сè уште ѝ се привлечни работните места за кои се потребни практични вештини. На пример, занимањата „стример“ и фудбалер се наведени под занимањата архитект и готвач.

Генерацијата Z ја привлекуваат и традиционалните работни дејности

„Без оглед на вообичаените концепции, истражувањата покажуваат дека генерацијата Z сè уште ја привлекуваат и традиционалните работни дејности. Професиите доктор, медицинска сестра, учител и стоматолог се појавуваат меѓу првите 25“, изјавил извршниот директор на Class central.

„Фасцинантно е да се види како социјалните медиуми влијаеле врз кариерите на помладите генерации и дали традиционални деловни улоги ќе гравитираат пониско на скалата во иднина“, заклучил тој.

Зак Клементс имал само 17 г. кога доживеал страшна незгода на часот по физичко.

Седумнаесетгодишниот тинејџер Зак Клементс доживеал драматичен инцидент за време на часот по физичко. Додека трчал, неговото срце наеднаш застанало и немал пулс цели 20 минути. Тој долг период би значел или дека починал или дека ќе се разбуди со некоја здравствена последица. Сепак, ниту едно од двете сценарија не се случило.

Откако Зак падна, следеле напорни часови, како за лекарите кои се бореле за неговиот живот, така и за неговото семејство кое се надевало дека сè ќе биде во ред.

По цели 20 минути без пулс, лекарскиот тим на крајот некако успеал да го врати. Момчето потоа со хеликоптер било пренесено во болница. Овој исклучително долг период без срцева активност бил предизвик дури и за искусните медицински професионалци. Меѓутоа, по неколку дена поминати во кома, Зак ненадејно се разбудил на одделот за интензивна нега, а она што го кажал ги запрепастило сите.

Зак открил што видел во текот на тешкиот период кога срцето не му работело. Имено, тинејџерот тврди дека за време на клиничката смрт доживеал средба со Исус и дека токму Тој му помогнал да се врати во живот. Неговата изјава ги изненадила лекарите, а потоа приказната се проширила и сега за неа знае целиот свет. Иако е тешко да се поверува неговото брзо закрепнување, приказната што ја споделува е подеднакво неверојатна.

-Кога бев надвор од реалноста тие 20 минути, видов човек кој имаше долга разбушавена коса и густа брада и не ми требаше многу да сфатам дека тоа е Исус - рекол тинејџерот.

Присутните лекари и членовите на неговото семејство занемеле од шок.

- Му пријдов, а тој ја стави раката на моето рамо и ми рече дека сè ќе биде во ред... Да не се грижам - тврди Зак.

Таткото на момчето, Били Клементс, рече дека знае оти е тешко да се поверува во зборовите на Зак, но тоа е единственото нешто што има смисла бидејќи неговиот син бил во животно загрозувачка состојба.

-Кога се разбуди ни кажа нешто што доживеал. Едноставно, тоа не може да се објасни. Човечки не е можно да се објасни – изјавил неговиот татко Били Клементс, а пишува Fox 43 (Fox43).

Застрашувачкиот инцидент се случил во провинцијата Хејлонгџијанг на крајниот североисток на земјата.

Се сомневаат дека по овој крај се шетаат два крволочни ѕверови, а засега нема информации за нивно заробување. На социјалните мрежи се појави видео од напад врз земјоделец, кој за чудо го избегнал најлошото.

Локалните медиуми јавуваат дека сибирски тигри досега нападнале две лица, меѓу кои и 65-годишен маж на кого морало да му биде извршена операција на раката.

На видеото од вториот напад се гледа како човек излегува на улица, по што се појавува дивиот ѕвер кој ја урива оградата. Исплашената жртва брзо се повлекува, а тигарот исчезнува во маглата.

A wild tiger was spotted in a village in NE China's Heilongjiang Province and injured a local resident on Monday, authorities said. Video shows the tiger was halted by a gate while attempting to charge at another villager. pic.twitter.com/U3DeCHFLwL

— People's Daily, China (@PDChina) November 18, 2024

Се наведува дека синот на мажот ги известил властите за инцидентот, а мештаните биле предупредени да го заштитат својот добиток и да повикаат помош доколку видат диви животни, пренесува Индипендент.

Сибирските тигри се загрозен подвид и ги има многу малку во природата. Може да се најдат во долините на реките Амур и Усури во регионите Приморски и Хабаровск во Русија, како и во помал број во Манџурија (Кина).

Во просек, тие се долги околу три метри, високи околу 112 сантиметри и тежат меѓу 180 и 300 килограми. Тие не се пребирливи животни, јадат сѐ, од кожа со крзно до коски.

Инаку, ова не е прв случај сибирски тигар да залута во урбана средина. Во декември минатата година, див ѕвер нападна и уби човек кој го шетал своето куче во источен Хабаровск, Русија.