Скопскиот Кривичен суд го одби барањето на Обвинителството да му определи мерки на претпазливост на поранешниот директор на Електрани Македонија Васко Ковачевски, осомничен во случајот Адитив. Оттаму информираат дека судот го добил известувањето од МВР и предлогот е отфрлен со оглед на тоа дека осомничениот не е достапен за органите на прогон.

„Судија на претходна постапка може да постапува и да донесе решение за прифаќање на предлог на Јавен обвинител, без да биде сослушано осомниченото лице, само доколку за истото е предложена мерка притвор, но не и кога против истото лице се предложени мерки за претпазливост, како во конкретниот случај и истото лице воопшто не е лишено од слобода и спроведено во судот да се произнесе за предлогот како што налагаат одредбите од ЗКП.“...велат од Кривичен.

Министерот за внатрешни Панче Тошковски претходно рече дека е вчудовиден што обвинителството не барало притвор и за него, прашан околу тоа дали МВР го известило Обвинителството Ковачевски е недостапен за органите на прогонот.

„Од наша страна се преземени сите дејствија за информирање на јавното обвинителство, известено е писмено и усмено за лицето. Јавниот обвинител од ОЈО-ГОКК сметал дека не треба да бара таква мерка согласно одредбите од ЗКП. Иако мене ако ме прашате лично, малку сум вчудоневиден, како лице за кое се сомневаме дека е вклучен во криминал д околу 6,5 милиони евра, само за тоа лице – Обвинителството не побара најстрога мерка. Јавното обвинителство имало право, а и ако ме прашате мене – морало, да побара притвор. Зошто не го сториле не знам. Судот не можел да изрече најстрога мерка, ако не било побарано.“

Но од обвинителството одговорија дека од МВР вчера го добиле известувањето дека осомничениот во моментот на претресот не бил пронајден на домашната адреса.

„Законот за кривична постапка е јасен и дециден во вакви случаи – МВР треба најпрво да го извести судот кој ќе побара од полицијата да ја утврди достапноста на лицето. Доколку притоа се утврди дека лицето е недостапно, судот известувањето на МВР ќе го достави на запознавање во случајов до Основното јавно обвинителство за гонење на организиран криминал и корупција и ќе побара обвинителството да се произнесе во однос на предлогот за определување на мерките на обезбедување.“

До денес, велат од обвинителството, не добиле документ од судот и обвинителите не можат да прескокнуваат постапки и институции и да носат предлози надвор од нивните овластувања. Кога ќе го добијат известувањето ќе се произнесат околу мерката за обезбедување.

И за случајот Државна лотарија откако во рамки на истрагата вчера беше уапсен сопственикот на кумановската компанија „Ритрон копи“, Тошковски вели дека се истражуваат и други сомненија за сторен криминал. Тој денеска ги презентираше резултатите за сработеното на МВР откако е на министерската позиција.

„Начекавме хаос. Ситуацијата беше на работ на колапс, но со натчовечко залагање на сите вклучени успеавме да воведеме ред во издавањето личните документи. Никогаш повеќе македонскиот граѓанин нема да биде понижуван со бескрајни редици и изгубени часови. Воведовме одржливи решенија преку дигитализација и автоматизација на процесите.“

На презентацијата присуствуваше и државниот обвинител Љупчо Коцевски како и директорот на АНБ Бојан Христовски, а по завршувањето на настанот беа презентирани и реквизити што ги користи полицијата.

Обвинителството по допрен глас отвори предмет по вчерашната изјава на претеседателот на владата на Христијан Мицкоски кој посочи од собраниска говорница дека „една од разузнавачките институции го следеле и него и неговото семејство. Како причина за следењто е дека тој бил „нарачател и финансиер на пара-полициско воено-вооружена формација на македонски радикални екстремни и националистички настроени елементи“.

„Обвинителство веќе има оформено предмет по допрен глас врз основа на вчерашната изјава на претседателот на Владата, за што јавниот обвинител денешната средба веќе го информираше и премиерот. Предметот веќе е даден на постапување на надлежно обвинителство за да ги испита наводите. Обвинителство ќе ги преземе сите неопходни активности за да ги испита својства на можни инволвирани лица и евентуални инкриминарни дејствија, велат од Јавното Обвинителство.“

Мицкоски и вчера посочи дека една од безбедносните агенции располагала со наводни информации дека е организатор на вооружени терористички структури, а оти за тоа не го информирала. Затоа според него се поставува прашањето зошто безбедносната агенција не го информирала МВР.

„Одговорот е јасен. Затоа што тогаш имаше техничка влада, а технички министер за внатрешни работи беше господинот Наќе Чулев. Ова било само начин, преку монтажа, да се обезбеди физичко покривање на лидерот на најголемата политичка партија во тој момент, ВМРО-ДПМНЕ. За останатото, оставам на Обвинителството, а за тоа зборувавме и со обвинителот сега на настанот, да допре гласот до ЈО, па да видиме дали ЈО понатаму ќе преземе некакви мерки.“ – рече Мицкоски.

„Цилиндар“ и „Џокер“ се кодните имиња на измислените лица кои, според премиерот, се креирани од разузнавачките служби, во пресрет на изборите во 2020 година, кога беше во опозиција, со цел да создадат алиби за негово следење.

Паркер се приближи на најблиската ѕвезда на само 6,1 милиони километри, летајќи низ надворешната атмосфера наречена корона на 24 декември, а денес конечно испрати сигнал дека го преживеала тој лет, објави американската вселенска агенција НАСА.

Сондата Паркер постави и нов брзински рекорд (кој и самата го држеше) - се движеше со брзина до 692.000 километри на час. Ова го потврди статусот на најбрзиот објект направен од човек.

За време на летот низ короната, сондата издржала температури до 982 Целзиусови степени, се вели во соопштението на НАСА.

– По рекордно приближување до Сонцето, сондата Паркер Солар на НАСА испрати сигнал до Земјата што укажува дека е во добра состојба и нормално функционира – објави американската агенција.

Parker Solar Probe has phoned home!

After passing just 3.8 million miles from the solar surface on Dec. 24 — the closest solar flyby in history — we have received Parker Solar Probe’s beacon tone confirming the spacecraft is safe. https://t.co/zbWT7iDVtP

— NASA Sun & Space (@NASASun) December 27, 2024

Сондата летала во автономен режим и била надвор од зоната за комуникација со Земјата, а дури на полноќ Паркер испратил сигнал за контрола кој го потврдил успехот на мисијата. Научните податоци собрани за време на летот ќе пристигнат на Земјата во наредните денови и ќе биде потребно време да се анализираат.

Паркер Солар беше лансирана во август 2018 година како дел од седумгодишната мисија за понатамошно проучување на Сонцето и предвидување на временските настани во вселената кои би можеле да влијаат на животот на Земјата. Името го носи по Јуџин Паркер, американски соларен физичар, кој почина во 2022 година на 95-годишна возраст.

Како што велат некои научници, кога растојанието помеѓу Сонцето и Земјата би било како фудбалско игралиште, сондата Паркер би била во просторот од пет метри на ѕвездата најблиску до нас.

Научниците се надеваат дека конечно ќе откријат зошто Сончевата корона е стотици пати потопла од површината, како и што ги придвижува сончевите ветрови.

Претходниот рекорд за брзина на сондата Паркер беше 635.266 километри на час. Ако вселенското летало на Земјата би имало ваква брзина, би можело да направи 15 кругови околу планетата за еден час или да лета од Њујорк до Лос Анџелес за нешто повеќе од 20 секунди.