Македонија

Живковиќ : ВМРО-ДПМНЕ крадеше од пензионерите, со СДСМ просечната пензија за 2,5 години порасна за 1.746 денари

Христијан Мицкоски денеска со нов обид да ги оспори успешните политики кои даваат резултати, рече на прес конференција, Милан Живковиќ, претседател на Комисија за труд и социјална политика на СДСМ.

Никола Груевски крадеше од граѓаните и од пензионерите, а Мицкоски сака да го прави истото. Денес Мицкоски е против раст на минималната плата и е против раст на пензиите.

Денеска Мицкоски излажа дека не само што пензиите не растат, туку тие се крателе. Тоа не е точно.

Факт е дека во последните две и пол години пензиите растат постојано и ќе продолжат да растат.

Во 2020 година просечната пензија со последното покачување ќе изнесува околу 15.500 денари, или од доаѓањето на власт до почетокот на идната година просечната пензија расте за вкупно 1.746 денари.

Владата предводена за 2020 година предвиде покачување од 700 денари и дополнително усогласување од околу 200 денари, што значи дека пензиите ќе пораснат за околу 900 денари.

Ако се врати стариот модел којшто го предлага Мицковски и ВМРО ДПМНЕ пензионерите ќе добијат зголемување од само 400 денари.

Што значи ВМРО ДПМНЕ и Мицкоски предлагаат за 500 денари пониска просечна пензија за 2020 година.

Истовремено, моделот што денеска го предлага Мицкоски, ВМРО-ДПМНЕ имаше можност да го применува додека беше на власт, но одлучуваше секоја година да им го оспори правото на законско зголемување на пензиите. Како пример ќе ја наведеме 2016 година кога ад хок паушалното зголемување го правеа на крајот на годината или поделено на 12 месеци - само 60 денари месечно. Ние, со покачувањето, за цела година даваме околу 10.000 денари или околу 850 денари месечно.

Додека ВМРО ДПМНЕ и Мицкоски дрско манипулираат со граѓаните во врска со покачувањето на пензиите, СДСМ покажа и докажа дека може да стабилизира пензиски систем и истовремено пензиите да продолжат да растат.

Со пензиската реформа обезбедивме редовни и повисоки пензии за сегашните и идни генерации. Со неа започнува стабилизацијата на пензискиот фонд, каде токму лошите и неодговорни политики на ВМРО ДПМНЕ оставија долг од 19 милијарди денари.

Јасна е разликата помеѓу неодговорниот расипнички пристап на ВМРО-ДПМНЕ и политиките на СДСМ кои обезбедуваат стабилен пензиски фонд и повисоки пензии.

Го охрабруваме Мицкоски да продолжи да ја чита програмата на СДСМ. На тој начин ќе има можност да научи како се работи домаќински, одговорно и во интерес на државата и граѓаните.

Додека Мицкоски ја чита програмата, ние како одговорна партија продолжуваме да работиме на реализација на мерките што обезбедуваат еконмски раст, повисоки плати и пензии и повеќе пари во секое семејство, рече Живковиќ.

Македонија

Санкционирани 100 возачи во Скопје, 14 возеле без возачка дозвола

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки.

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење и пет санкции за некористење сигурносен појас.

-Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР.

Македонија

Демократски сојуз: Мандат за состав на влада добива кандидатот на партијата која има мнозинство

Демократскиот сојуз ги потсетува партиите, посебно ДУИ, но и сите граѓани, дека соглано член 99 од  Уставот на Република Македонија, мандат за состав на Влада добива кандидатот на партијата/ партиите кои имаат мнозинство (најмалку 61 пратеник).

Влада ја избира Парламентот со мнозинство гласови од 120-те пратеници. Мнозинство се 61 пратеник.

За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса.

Се работи за класична манипулација или непознавање на политичкиот систем и Уставните решенија за избор на Влада.

Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.

Наводната проевропска партија "ги отвори вратите на ЕУ", при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади албанци.

Сите партии се изјаснија дека по изборите нема да коалицираат со ДУИ.

Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ.

Демократски сојуз

Автомобилизам

Претставен е новиот Ферари, вози до 340 км/час (ВИДЕО)

Ferrari 12Cilindri, претставен денеска, го претставува врвот на развојот на моторот на Ферари, смета Џанмарија Фулгензи, главен директор за развој на производи во Ферари.

Дизајниран е од темел за да го слави звукот и перформансите што може да ги испорача само V-12 моторот.

12Cilindri, кој ќе биде достапен како купе или Spider со тврд покрив што се повлекува, го заменува 812 Superfast. Дизајниран да потсети на духот на иконските модели како што се Lusso и 275 GTB/4, автомобили кои беа многу брзи, но и доволно удобни за возење на долги растојанија.

Го има италијанското име за 12 цилиндри. „Концептот е многу едноставен“, вели шефот за маркетинг на Ферари, Енрико Галиера „Сакавме овој автомобил да го прослави најважниот елемент на нашата ДНК. Никогаш не користиме надворешна агенција за да одлучуваме за имињата, а кога беше предложен 12Cilindri, 99 проценти од луѓето овде го прифатија“.

Со кодно име F140HD, 6,5-литарскиот V-12 користи основна архитектура стара повеќе од 20 години. Официјално, F140HD е сеопфатна преработка на F140HC што се користи во 812 Competizione.

Тоа е најмоќниот атмосферски мотор за масовно производство на Ферари. Може да врти до вртоглави 9500 вртежи во минута, развивајќи 818 КС при 9250 вртежи во минута и 500 lb-ft вртежен момент при 7250 вртежи во минута. Тие вртоглави брзини се резултат на титаниумските погонски прачки кои се 40 проценти полесни од челикот, новите клипови кои се 2 проценти полесни од оние што се користат во моторот 812 Competizione и ребалансираното коленесто вратило кое е 3 проценти полесно.

Издувните гасови излегуваат преку нов систем до керамички катализатори и филтри за честички кои му помагаат на големиот V-12 да ги исполни строгите стандарди за емисии на Euro 6E поставени за 2026 година и понатаму.

F140HD ги придвижува задните тркала преку нов осум-брзински менувач со двојна спојка, давајќи му на 12Cilindri дополнителен поттик во однос на 812 Competizione. Ова овозможи да се зголеми вртежниот момент на задните тркала за 12 проценти, додека времето за менување степени на пренос е намалено за 5 проценти.

Од Ferrari велат дека 12-цилиндарецот тежок 1600 килограми ќе забрзува од 0 до 100 km/h за помалку од 2,9 секунди и до 200 km/h за помалку од 7,9 секунди. Максималната брзина е близу 340 km/h.

Голем дел од хардверот за суспензија и сопирање на 12Cilinidri е пренесен од 812 Competizione, како и диференцијалот. Има нова алуминиумска шасија и 0,8 инчи пократко меѓуоскино растојание и 15 проценти подобра торзиона вкочанетост. 12 Cilindri исто така располага со систем за управување со задните тркала кој дебитираше на 812 Competizione, кој може да се контролира независно за дополнително да се подобри агилноста или стабилноста кога е потребно.

Цената за 12Cilindri Coupe во Италија започнува од 395.000 евра, додека пак цената на Spider од 435.000 евра.

притисни ентер