„Жалам што сеуште раководството на ДУИ живее во некои времиња кој се минато во Македонија. Македонија е држава на сите граѓани во нејзе, ниту е федерација, ниту е би, три, четири национална држава. Македонија според Уставот е држава на сите граѓани, според демократијата оној кој има 61 пратеник ја формира идната влада во Македонија или ја формира владата. Јас не знам како тие пресметале дека се претставници на мнозинското не македонско население во Македонија. Мислам дека сите ние сме граѓани на Македонија, Македонци и ценам дека политиката не треба да се гледа како условно кажано шведска маса, па ДУИ малце ќе земе сега од СДСМ, малку од ВМРО, малку од некоја друга политичка партија“, истакна претседателот на ВМРО-ДПМНЕ Христијан Мицкоски одговарајќи на новинарско прашање при денешната посета на Стопанската комора на Северо - Западна Македонија.

Претседателот Мицкоски продолжи и додаде:

„ДУИ беше шест и половина години со СДСМ во владата. Тие се поразени во првиот круг претседателски избори. Очекувам да бидат поразени и после парламентарните избори и очекувам ДУИ да биде опозиција за неколку недели од денес“, истакна Мицкоски.

Претседателот Мицкоски уште еднашка укажа на тоа дека демократијата се темели на принцип врз основа на тоа кој има мнозинство во парламентот ја прави владата.

„Демократијата се темели на принципот кој има мнозинство во парламентот и ја прави владата, не знам за кој мајски договор зборува ДУИ, не знам за кое правило победник со победник. Имаше едно правило во минатото победник со победник кој е резултат од минатото, тој договор и тоа правило за жал самите тие го прекршија уште во 2017 година и повторно би потсетил дека политиката не треба да ја гледаме како шведска маса па малку со едните, другите, третите. Доколку ВМРО-ДПМНЕ освои мнозинство како што се очекува немаме ниту елементарна доверба да соработуваме со ДУИ, така што тие мора да одат во опозиција“, дециден е Мицкоски.

Се товарат за злоупотреба на службената положба и несовесно работење. Обвинителството побара и мерки на претпазливост.

„Постапувајќи по поднесената иницјатива од ДКСК надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост. “-ЈОРМ

Засега од обивнителството не откриваат повеќе информации околу дејствијата што им се ставаат на товар на лицата, ниту пак нивниот идентитет. Со оглед дека се работи за обвинителен предлог, предметот ќе оди пред судот по скратена постапка.

Кога ја поведоа иницатива од антикорупциска лани во февруари, побараа кривично гонење на тогашниот директор на агенцијата Наумче Мојовски и членовите на Централната комисија поради сомнежи за злоупотреби на ваучер системот на финанасирање фондации и спортски клубови во периодот од 2020 – 2022 година..

„Според анализите некаде околу 1 милијарда денари годишно се трошат за спорот, по разни осонови дали преку даночно ослободување, или преку ваучери, или преку програмта 20 – 40, или преку игри на среќа итн итн... големи средства се трошат меѓутоа цениме дека агенцијата за млади и спорт нема никаква отчетност за тоа како ги доделува овие средства, како се трошат и на кој начин бидејќи сепак се работи за буџетски пари. “-Поранешен член на ДКСК Владимир Георгиев

Лани за онјалн платформата „Самопрашај“ сведоштво за тоа како фукнционирал ваучер системот имаше и претседателката на РК Металург, Зорица Блажевска, која тогаш посочи дека наместо добро, овој систем го покажал „грдото лица на спортот“. Раскажа како преку посреднии им биле барани и до 50% од парите што ги добивале од фирмите за да ги реализираат ваучерите..

„Процентот на оние „процент посредувачи“ достигна и до 50 %. Значи 50 посто за клубот, 50 % за фирмата. Грабеж односно мито, корупција, се она што е најлошо што може да му се случи на едно општество се содржеше во тие 50 %. “-Зорица Блажевска - Претседателка на РК „Металург“

Ваучер системот кој беше воведен во 2018 година за финансирање на спортот се најавуваше како систем токму за заштита од финансиски малверзации. Тој подразбира сумата која му е одредена на клубот или федерацијата да може да се реализира преку компнаија која остварила добивка, а за возврат фирмите кои го пмогале спортото да добијат даночно олеснување.

Тие порачаа дека доколку до 15 мај надлежните не преземат ништо во врска со нивните барања, ќе започнат со неколкучасовни протести низ целата држава, а доколку барањата целосно не им се исполнат, од 1 јуни ќе стапат во генерален штрајк.

-Со оглед на тоа дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. После 31.05 немаме бод, немаме плата и не знаеме за што ќе работиме, така е нашиот Закон, така се пресметува платата,- Бранко Аџигогов – претседател на синдикална организација на ФЗО.

Аџигогов објаснува дека станува збор за усогласување на платите од 2400 денари за околу 800 вработени во Фондот. Претседателот на УПОЗ Трпе Дејаноски ги повика надлежните институции што поскоро да ги исполнат барањата на вработените, со оглед на тоа што штрајкот на ФЗО би ги ставил во неизвесност услугите на граѓаните како здравствени осигуреници, како и платите на вработените во јавното здравство.

-Да не дозволиме овие вработени позади нас да ги затворат вратите, бидејки ако ги затворат вратите ќе патат само граѓаните на Република Македонија. Знаете какви услуги се даваат од ФЗО, помагаме и работиме за најлошите случаи во државата,- Трпе Деаноски- претседател на УПОЗ.

Претходно, вработените во Фондот штрајкуваа три дена во февруари и работеа само на итни случаи. Штрајкот беше прекинат откако беше постигнат договор платите да се пресметуваат со истиот бод до крајот на мај, па најавата за штрајк доаѓа токму по истекот на овој договор.