Македонија

Мицкоски: Правилото победник со победник е прекршено во 2017 година и тоа не важи

Оној кој има 61 пратеник во парламентот ја формира идната влада.

„Жалам што сеуште раководството на ДУИ живее во некои времиња кој се минато во Македонија. Македонија е држава на сите граѓани во нејзе, ниту е федерација, ниту е би, три, четири национална држава. Македонија според Уставот е држава на сите граѓани, според демократијата оној кој има 61 пратеник ја формира идната влада во Македонија или ја формира владата. Јас не знам како тие пресметале дека се претставници на мнозинското не македонско население во Македонија. Мислам дека сите ние сме граѓани на Македонија, Македонци и ценам дека политиката не треба да се гледа како условно кажано шведска маса, па ДУИ малце ќе земе сега од СДСМ, малку од ВМРО, малку од некоја друга политичка партија“, истакна претседателот на ВМРО-ДПМНЕ Христијан Мицкоски одговарајќи на новинарско прашање при денешната посета на Стопанската комора на Северо - Западна Македонија.

Претседателот Мицкоски продолжи и додаде:

„ДУИ беше шест и половина години со СДСМ во владата. Тие се поразени во првиот круг претседателски избори. Очекувам да бидат поразени и после парламентарните избори и очекувам ДУИ да биде опозиција за неколку недели од денес“, истакна Мицкоски.

Претседателот Мицкоски уште еднашка укажа на тоа дека демократијата се темели на принцип врз основа на тоа кој има мнозинство во парламентот ја прави владата.

„Демократијата се темели на принципот кој има мнозинство во парламентот и ја прави владата, не знам за кој мајски договор зборува ДУИ, не знам за кое правило победник со победник. Имаше едно правило во минатото победник со победник кој е резултат од минатото, тој договор и тоа правило за жал самите тие го прекршија уште во 2017 година и повторно би потсетил дека политиката не треба да ја гледаме како шведска маса па малку со едните, другите, третите. Доколку ВМРО-ДПМНЕ освои мнозинство како што се очекува немаме ниту елементарна доверба да соработуваме со ДУИ, така што тие мора да одат во опозиција“, дециден е Мицкоски.

Регион

Албанец си ја убил сопругата среде улица во Грција, ќерката низ солзи: Тато ја уби мама!

Грчката полиција уапсила албански државјанин кој вчераутро среде улица во Менида ѝ нанесе повеќекратни убоди со нож на сопругата која се разведува од неа, поради тоа што бил насилен.

Случајните минувачи шокирани гледале како девојче вика некого, најверојатно нејзиниот брат и вели: „Тато ја уби мама!“

„Едно мало девојче истрча овде и рече: „Можеби е мајка ми“.

Детето потоа на полицијата ѝ покажало фотографија од мајката, врз основа на која го утврдиле идентитетот на несреќната жена, која починала од рацете на насилниот сопруг, кој со години ја малтретирал.

„Таа ѝ даде фотографија на полицијата и рече дека мајка ѝ не дошла на работа денеска и ја прашале дали татко ѝ ја убил“, рекла видно потресена жена.

Мештаните велат дека двојката неодамна купиле куќа во овој град.

Девојчето со неверување зборувало на телефон дека „тато веројатно ја пресретнал мама на пат на работа, мислам дека му се јавуваше на нејзиниот брат“, велат мештаните.

Несреќната жена била пронајдена со нож забоден во стомакот. Полицијата набрзо успеала да го лоцира нејзиниот сопруг, кого во минатото повеќе пати го пријавувала за насилство.

Пријавата првпат ја поднела на 13.04.2013 година, бидејќи поради семејно насилство, прекршил забрана за задржување која му била изречена. Осомничениот потоа бил приведен и одведен кај обвинител.

Со години немало пријави, а потоа на 18.09.2022 година жртвата се јавила во полиција и повторно го пријавила сопругот за закани, нанесување физички повреди и психичко насилство. Повторно бил уапсен и испрашуван. Потоа, при увид во случајот, се дозна дека пред речиси десет години му било забрането да живее со неа, но во 2018 година таа му простила и го пуштила да се врати во нејзиниот живот.

Регион

Хрватска доби нова Влада- Пленковиќ го почна третиот премиерски мандат

Хрватска вечерва ја доби 16-та влада од независноста, парламентот ѝ изгласа доверба на новата, трета влада, која ќе ја предводи актуелниот премиер Андреј Пленковиќ (ХДЗ).

По целодневна, десетчасовна дискусија за поддршка на владата на ХДЗ и ДП, гласаа 79 од присутните 141 пратеник, еден воздржан, а 61 беа против, објави Индекс.

Парламентарното мнозинство го поздрави изразувањето доверба на Владата.

Претседателот и членовите на Владата потоа свечено се заколнаа пред пратениците, се обврзаа дека совесно и чесно ќе ја извршуваат својата должност, ќе ги почитуваат Уставот, законите и правниот поредок и ќе се залагаат за сиот напредок на државата.

Во Собранието денеска беше претставена четиригодишната програма на новата Влада врз основа на пет приоритети: успешна, витална, праведна, одржлива и суверена Хрватска.

Владата на Пленковиќ во новиот мандат најавува просечна нето плата од 1.600 евра, минимална бруто плата од 1.250 евра и отворање на 125.000 нови работни места.

Новата влада наместо досегашните 16, ќе има 18 министерства и седум потпретседатели.

Шоу биз

Пол Макартни стана прв британски музички милијардер со мала помош од Бијонсе

Пол Макартни стана првиот британски музичар- милијардер, според листата на богаташи на Sunday Times објавена денеска.

Богатството на 81-годишниот основач на Битлси се зголеми со „многу турнеи, вреден каталог и мала помош од Бијонсе“ која ја обработи песната Blackbird. Богатството на Макартни се проценува на една милијарда фунти.

Листата на Sunday Times покажа дека бројот на милијардери во Обединетото Кралство паднал на 165, од рекордните 177 во 2022 година. Дел од причината лежи во планот на владата следната година да ја прекине мерката според која жителите на Британија не плаќаат данок на приходите во странство.

Списокот покажа дека и богатството на кралот Чарлс III се зголемило за 10 милиони фунти, на вкупно 610 милиони фунти, благодарение на зголемувањето на вредноста на неговиот недвижен имот. Хемискиот тајкун Џим Ретклиф, кој претходно оваа година купи удел во фудбалскиот клуб Манчестер Јунајтед, пронаоѓачот Џејмс Дајсон и сопственикот на компанијата Вирџин, Ричард Бренсон, поминаа помалку добро.

Нивното богатство од повеќе милијарди фунти се намали. Инвеститорот со индиско потекло Гопи Хиндуџа, вреден 37 милијарди фунти, е на врвот на листата трета година по ред.

притисни ентер