ЛДП секогаш водела сметка критиките да бидат конструктивни и врз основа на она што значи програма и идеологија, не врз празни флоскули и обвинувања, лесно е да се омаловажуваме и да кажуваме се' и сешто, но на тој начин граѓаните ги демотивираме и повеќе ги разочаруваме во политиката. Крајно време е да се дискутира за решенија, а не на дневно политичка основа. Во врска со утрешниот „Дуел за Македонија“ очекувам Ковачевски и Мицкоски да понудат концепти за иднината на државата и граѓаните. Моите очекувања се дека во Дуелот ќе се презентира што до сега секој сработил и како понатаму планира да ја движи државата, фактите да говорат, но и јавноста да знае кој каква визија има за иднината.
Кодексот за фер избори секогаш го потпишувале партиите, иако можеби и не секој го почитувал. Надминато ни е времето за изборни нерегуларности, мислам дека ќе имаме фер и демократски изборен процес каде учесниците во изборите ќе ги соочат своите концепти, а не со преку било какви драми кои што можат да предизвикаат краткотрајна реакција вио јавноста, рече Претседателката на ЛДП, Моника Зајкова во Само Вистина.
Партијата Достоинство на Ангелов која ја напушти владината коалиција и како причина го наведе неносењето на законот за бранители и морам да напоменам дека ваков закон не беше усвоен и во таа влада во 2008 година имало ист таков закон и никој јавно не реагирал, дури и ако ги прашате новинарите ќе речат дека на тогашните пратеници им било забрането да дискутираат на темата. Богојески веројатно се враќа во јатото од каде што излегол, а Трајанов кој што 30 години е учесник на политичката сцена и во даден момент има одредени изговори кога треба да премине од една на друга страна, рече Зајкова во Само Вистина.