Македонија

Заев останува лидер на СДСМ (обновено)

Штотуку заврши Конгресот на СДСМ на кој 413 делегати гласаа Зоран Заев да остане лидер на партијата и по изборниот пораз. 176 делегати биле против. Заев изјави дека партијата е посплотена во споредба со периодот пред Конгресот.

СДСМ останува на политиката на бојкот а Зоран Заев на лидерската позиција во партијата. Ова е исходот од десетчасовната бурна расправа на Конгресот на кој противниците на актуелното раководство бараа оставка од Заев.

Од присутните делагати 413 гласале за доверба на Заев , 176 биле против. За Шеќеринска доверба дале 386 делегати а против биле 205. За Надзорниот и Централниот одбор бројот на гласови е ист - доверба дале 445 а 146 делегати биле против.

Заев им се заблагодари за довербата на делегатите и побара единство во натамошната работа на партијата.

Од СДСМ соопштија дека партискиот конгрес ги потврдил одлуките на Централниот и Извршниот одбор за непризнавање на изборниот процес и неприфаќање на мандатите за пратеници.

Со вечерашната одлука Конгресот поддржа продолжување на активностите на СДСМ кон создавање услови за спроведување фер и демократски избори и функционални институции коишто неселективно ќе се справуваат со криминалот и корупцијата во Македонија, посебно кога доаѓаат директно од врвот на власта, се наведува во партиското соопштение.

Извештајот за изборите, одлуката за бојкотот и довербата за актуелното раководство за кои денеска на Конгресот се дебатираше во бурна и мачна атмосфера уште повеќе ја исфрлија на површина поделеноста во опозициската партија.

Противниците на актуелнто раководство бараа од Заев да ја напушти лидерската позиција. Меѓу оние кои бараа оставка беа Есад Рахиќ кој најави и напуштање на Централниот одбор на партијата.

Екс пратеникот Митре Велјановски го критикувал Заев дека води погрешна стратегија од моментот кога лани го урна отпорот.

- Во својот концепт не верува ниту Заев, СДСМ е жив мртовец, рекол поранешниот потпретседател на СДСМ Гордан Георгиев.

Инаку, на конгресот не беше повикан екс лидерот Црвенковски, но според познавачите на приликите на Бихаќка независно од тоа кој е на чело на СДСМ конците и натаму ќе ги влече Црвенковски.

Портпаролот на партијата Шилегов во изјава за медиумите денешната атмосфера на Конгресот ја оквалификува како демократска.

На Конгресот присуствувале 607 од вкупно 707 делегати.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер