Омиленото дестинација на македонските туристи Солун, ќе биде местото каде што повторно, премиерот Заев ќе се сретне со неговиот грчки колега Мицотакис. Двајцата ќе учествуваат на економски форум, но бизнисот ќе биде само една од темите за дискусија. Премиерот Заев пред да отпатува кажа дека имплементацијата на Преспанскиот договор и претстојниот самит на НАТО во Лондон ќе биде во фокусот на разговорите.
А токму Преспанскиот договори и одлуката на Европскиот Совет да не додели на датум за Македонија беше една од темите, на која поранешниот грчки премиер Ципрас синоќа говореше на локалната телевизија „Флеш“. Ципрас кажа дека според него владата на Мицотакис многу бледо ги следела случувањата во Брисел, а со однесувањето по самитот, ја испуштила шансата да се наметне како регионален лидер.
,,Според мое мислење оваа одлука беше погрешна и историски неточна, сепак, сѐ уште имам надеж дека оваа одлука ќе се промени и требаше грчката Влада да има главна улога за да се смени оваа одлука, но улогата ја имаат други влади, италијанската и други. Во секој случај, не сум загрижен за стабилноста на овој договор. Секако можеби господинот Мицотакис е загрижен, бидејќи ако дојде неговиот истомисленик, господинот Мицковски, ќе трча да го моли да не го оспори договорот, договор кој самиот го карактеризираше како штетен).
Голем дел од неговото гостување на телевизијата Ципрас го посвети токму на Преспанскиот договор. Според него, тој не само што го решава проблемот со името, дополнително има и многу придобивки за локалното население, бидејќи соработката меѓу двете земји сега е на многу повисоко ниво.