Македонија

Заев – Брајовиќ: Црногорското собрание ќе биде меѓу првите што ќе го потпише Протоколот за пристапување на Македонија во НАТО

 Убедени сме дека Црна Гора и понатаму ќе биде наш пријател и сојузник во процесот на пристапување на нашата земја во НАТО.

Црна Гора, нејзините политички лидери и народот на земјата беа и останаа постојано со нас, со поддршка за процесите на затворање на последните отворени прашања со соседите, што ги отпочнавме заради откочување на евро-атлантските аспирации на нашата земја. Убедени сме дека Црна Гора и понатаму ќе биде наш пријател и сојузник во процесот на пристапување на нашата земја во НАТО, и земја партнер од која ќе се инспирираме од нивното искуство од преговорите со ЕУ.

Ова го истакна премиерот Зоран Заев на средбата денеска со претседателот на Собранието на Црна Гора, Иван Брајовиќ, кој е во официјална посета на нашата земја, додавајќи дека и двете земји остануваат посветени на продлабочување на билатералните односи пред кои стои широк спектар на можности, особено во делот на економијата.

Како што соопшти владината прес-служба, претседателот на црногорското Собрание истакна дека неговата земја и народот се радуваат на успесите и напредокот на Република Македонија и нагласи дека собранието што го претставува ќе биде меѓу првите што ќе го потпише Протоколот за пристапување на нашата земја во НАТО.

Двајцата соговорници се согласиле дека и двете земји остануваат доследни на својата посветеност да ги поддржат позитивните процеси во регионот за да се затворат на задоволство на сите преостанати отворени прашања меѓу одделни соседи на Западен Балкан, и на Европа и на светот да му понудат регион подготвен да биде прифатен во европските и атлантските интеграции, стои во соопштението.

Македонија

МВР: Лични документи може да се подигнат и утре

Од 8 до 19 часот утре, на денот на Претседателските и Парламентарните избори, ќе работи Одделот за граѓански работи односно сите отсеци за управни работи на оваа организациска единица при Министерството за внатрешни работи. 

-Исто така, ги известуваме граѓаните дека сите барања за лични карти кои се поднесени до 3 мај 2024 година, се веќе изготвени и граѓаните може да ги подигнат, информира МВР.

Свет

Украинската служба за безбедност спречи обид за атентат врз Зеленски

Украинската служба за безбедност (СБУ) приведе двајца полковници на Управата за државна безбедност (УДО), кои се осомничени дека заедно со уште тројца обвинети дека подготвувале атентат врз претседателот Володимир Зеленски и други функционери.

Според дел од украинските медиуми приведени се полковниците на УДО, Андреј Гук и по инструкции на руските специјални служби.

Тие планирале атентат и врз началникот на СБУ Василиј Маљук, шефот на Главната управа за разузнавање Кирил Буданов. Кај нив е извршен претрес при што е пронајдено и одземено оружје и други предмети.

Осомничените барале воен персонал близок до обезбедувањето на претседателот, „кој би можел да го земе шефот на државата како заложник, а потоа да го убие“.

Од СБУ наведуваат дека сакале да го убијат Буданов пред Велигден со ракетен напад врз куќата во која престојува, за што набавил беспилотни летала и муниција за нападот.

Директорот на СБУ, Васил Маљук, изјави дека нападот требало да биде „подарок на Путин пред инаугурацијата“ што се одржа денеска. /МИА

Регион

Слета првиот авион со кинеска делегација во Белград, со Си ќе пристигнат 400 претставници

Членови на кинеската делегација, министри и претставници на институции пристигнаа во Белград во рамки на дводневната посета на Србија, која денеска ќе ја започне кинескиот претседател Си Џинпинг.

Вицепремиерот и министер за финансии на Србија, Синиша Мали заедно со министерот за трговија Томислав Момировиќ ги чекаа првите гости од Кина и ги пречекаа на аеродромот.

Претседателот Си вечерва ќе го посети Белград, а ќе ја предводи 400-члената кинеска делегација во Србија, објави Курир.

притисни ентер