Македонија

Вуцис-Димитров: Договорот од Преспа го отвори патот за пријателство и соработка меѓу двете земји

Пред почетокот на состанокот во обраќање до медиумите, Вуцис и Димитров говореа за важноста на Договорот од Преспа, како за двете земји, така и за двата народи. 

Договорот од Преспа го отвори патот кон пријателство, сојузништво и сработка во сите области, пат по кој веќе чекорат двете соседни земји, е пораката што ја испратија Претседателот на грчкиот Парламент, Никос Вуцис и министерот за надворешни работи на Северна Македонија, Никола Димитров на нивната денешна средба, јави дописничката на МИА од Атина.

Пред почетокот на состанокот во обраќање до медиумите, Вуцис и Димитров говореа за важноста на Договорот од Преспа, како за двете земји, така и за двата народи. Претседателот на грчкиот Парламент рече дека договорот има историски карактер "не само затоа што дава можност да свртиме страница, туку е и меѓународен пример за решавање на проблемите", додека, пак, министерот за надворешни работи истакна дека "се наоѓеме на правилната страна од историјата".

-Ратификуваниот Договор од Преспа во содржината и духот ги има сите одредби за да го отвори патот по кој веќе чекориме за да постои пријателство, соработка, сојузништво и партнерство меѓу двете земји и меѓу грчкиот народ и народот од Северна Македонија, рече Вуцис.

Тој се задржа на парламентот како простор во кој се водеа дискусиите за ратификација на Договорот од Преспа и Протоколот за членство во НАТО, место пред кое се одржаа протести, но и место каде што ќе се формираат комисии меѓу парламентите на двете земји.

-Грчкиот Парламент во исто време е и местото каде набрзо може да се направат чекори за формирање парламентарни комисии на пријателство меѓу пратениците од двата парламента, каде, исто така, може да се направат сите чекори што се однесуваат на напорите дали за финализирање на процесот на членство на вашата земја во НАТО, дали за чекорите во следните години што се однесуваат на интеграцијата на сите земји од Западен Балкан, но и на вашата земја во Европската унија. Тоа се вашни чекори, вие ќе с движите, но ние, колку што можеме ќе помогнеме, истакна претседателот на грчкиот Парламент.

Министерот за надворешни работи потенцираше дека со Договорот од Преспа се отвори огромен потенцијал во односите меѓу двете земји и истакна дека е важно да се убеди секој граѓанин, и во Грција и во Северна Македонија, "дека ова беше правилната работа и дека сме природни сојузници".

-Ќе треба време, мудрост и лидерство, но мислам дека гледајќи назад на Договорот од Преспа, сите ќе бидеме горди, дури и противниците на договорот. И ќе ги убедиме сите политички партии и јавното мислење од двете страни и немам никакви сомнежи околу тоа, истакна министерот за надворешни работи, пренесе МИА.

Тој објасни дека промените се тешки по дефиниција, како што е тешка и борбата со табуата, со стереотипите, со предрасудите.

-Но, јас навистина се чувствувам дека сме на вистинската страна од историјата. Мислам дека создадовме дел од Европа, во нашиот дел од Европа, кога Европа се бори за пријателство, за надеж, за оптимизам, против стереотипите, против старите трендови, рече Димитров и додаде дека сите се горди на историјата во регионот, "но немаме доволно иднина".

Министерот за надворешни работи и неговиот домаќин, претседателот на грчкиот Парламент, се осврнаа и на претстојната посета на Алексис Ципрас на Скопје.

-Веќе работиме на посетата на премиерот Алексис Ципрас. Тоа, исто така, ќе биде историски чекор, рече Димитров.

-Сигурен сум дека по контактите и посетата на премиерот и на големата делегација од грчка страна во следниот период, на која работат двете страни, ќе се забрзаат сите аспекти на соработката. Во економската, трговската, туристичката област и поврзувањето, истакна Вуцис, пренесе МИА.

На почетокот од изјавите, пред средбата, Вуцис и Димитров изразија сочувство за масакрот во Нов Зеланд.

Свет

Осигурителна компанија треба да плати милионска сума по уривањето на мостот во Балтимор

Осигурителната компанија Chubb се подготвува да ѝ плати 350 милиони долари на американската сојузна држава Мериленд за уривањето на мостот Френсис Скот Ки во Балтимор во март, објави денеска Wall Street Journal (WSJ).

Весникот наведува дека исплатата на компензацијата се очекува да биде одобрена за неколку недели, пренесе Ројтерс.

Исплатата од 350 милиони долари би можела да биде првата од многуте за уривањето на мостот, а аналитичарите велат дека инцидентот би можел да ги чини осигурениците 4 милијарди долари, што е рекордна исплата за транспорт.

При уривањето на мостот во Балтимор шест лица загинаа кога товарен брод, кој пловел под знамето на Сингапур, удрил во еден од столбовите на мостот долг 2,4 километри, поради што се урнала целата структура.

Осигурителната компанија Чаб, заедно со државата Мериленд и семејствата на жртвите во несреќата, најверојатно ќе го тужат сопственикот на бродот за да ги надомести загубите поради уривањето на мостот, пишува WSJ.

Македонија

Николоски од Гевгелија: Во исто време се градат 10 спортски игралишта, така ќе продолжиме

Навистина е големо задоволство да се присуствува повторно на отворање на проекти кои што ги реализира општина Гевгелија.

Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот.

По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.

Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.

Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија.


Македонија

За Велигден претежно сончево и потопло време

Во недела и понеделник времето во земјава за најголемиот хртистикански празник Велигден ќе биде претежно сончево и потопло, соопшти Управата за хидро - метеоролошки работи.

Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.

Утре времето ќе биде променливо облачно, наместа со повремени врнежи од дожд. Ќе дува умерен, повремено засилен ветер од северен правец. Утринската температурата ќе се движи од 1 до 11 степени Целзиусови, а максималната дневна од 9 до 21 степени. Во Скопје слично време со температура до 19 степени.

притисни ентер