Свет

ВСЈ: Русија им обезбеди на Хутите сателитски снимки за да напаѓаат бродови во Црвеното Море

Контејнерските бродови го избегнуваат Црвеното Море речиси една година, откако јеменските бунтовници Хути почнаа да го бомбардираат преминот со ракети и беспилотни летала камикази.

Најновиот извештај потенцијално открива зошто тие биле во можност да ги одржуваат нападите толку конзистентно и толку прецизно сето ова време.

Како што објави „Волстрит журнал“, Русија им дала податоци за цели на Хутите поддржани од Иран за да им помогнат да ги нападнат западните бродови што минуваат низ Црвеното Море до главната глобална трговска артерија, Суецкиот канал.

Во извештајот се наведува дека Хутите подоцна почнале да користат руски сателитски податоци кога ги интензивирале своите напади. Не е јасно кога ги добиле или кога почнале да ги користат податоците, но тие биле пренесени преку иранската револуционерна гарда, која е тесно поврзана со Хутите во Јемен.

Според извештајот, САД се загрижени дека Русија би можела да им обезбеди на бунтовниците противбродски или противвоздушни ракети кои би ги загрозиле воените операции за заштита на бродовите во регионот.

Заклучно со 24 октомври, во водите околу Арапскиот Полуостров се регистрирани вкупно 128 поморски инциденти, од ноември минатата година кога Хутите го извршија првиот удар, покажуваат податоците на Британската поморска трговска операција (УКМТО).

Честите напади ги принудија контејнерските бродови да го избегнуваат Црвеното Море и соседниот Аденски Залив и да ги пренасочат своите рути околу Ртот Добра Надеж во јужна Африка, продолжувајќи го патувањето за 10 до 14 дена.

Сообраќајот на контејнерски бродови во Црвеното Море до септември е намален за 73 отсто на годишно ниво, покажуваат податоците на поморската аналитичка компанија „Марин Трафик“. Филип Дамас, директор на консултантската фирма „Drewry Supply Chain Advisors“, изјави дека целосно враќање на транзитот низ Суецкиот канал не се очекува пред 2026 година.

Одговарајќи на дискусиите дека САД и нивните сојузници ѝ дозволуваат на Украина да користи донирано оружје за напади длабоко во Русија, претседателот Владимир Путин се закани дека ќе испрати оружје со долг дострел и воена поддршка до „регионите“ ширум светот каде што може да се користи за напад на западни цели.

„Секое запалено место е добредојдена вест за Русија, бидејќи го одвлекува вниманието на светот од Украина“, рече Александар Габујев, директор на Карнеги центарот за Русија и Евроазија, тинк-тенк со седиште во Берлин.

Речиси една десетина од светската трговија со нафта минува низ Баб ел Мандеб, теснецот што го дели Црвеното Море од Индискиот Океан. Сообраќајот на танкери низ таа рута беше за 77 отсто помал во август 2024 година во споредба со октомври 2023 година, според податоците на компанијата Windward, специјализирана за поморска разузнавачка анализа.

На мета на Хутите беа и руски танкери со нафта, но тие се дел од „флотата духови“ создадена за да се заобиколат меѓународните санкции, објави порталот „Воена зона“.

Свет

Најмалку 16 лица, од кои двајца полицајци се убиени во вооружена пресметка на банди во Мексико

Најмалку 16 лица, меѓу кои и двајца полицајци, се убиени во престрелка меѓу членови на две криминални банди во јужниот дел на Мексико, соопшти мексиканското Министерство за одбрана.

Министерството наведува дека во престрелката се повредени четворица полицајци и тројца војници на Националната гарда кои дошле од блиската база, одговарајќи на пукањето од криминалните банди, и дека нивната состојба сега е стабилна.

Поради пукањето, според Министерството, уапсени се 11 лица.

Забележано е дека пукањето се случило во мексиканската држава Гереро во рурален планински регион кога се судриле два картели, борејќи се за превласт, објави Ројтерс.

Живот

Страшна глетка во куќа во Ајова: Пластиката се помести и излегоа десетици змии (ВИДЕО)

Експертката за фаќање диви животни, Кимра Хајнс ја откри „најлудата работа“ што некогаш ја завршила.

Таа добила повик од семеен дом во Ајова. Сопственичката забележала змија која брзо се „изгубила“, па се исплашила и повикала експерти.

„Мојата работа беше да го лоцирам рептилот и да најдам пукнатина или дупка за да го запечатам“, објаснила Кимра.

Таа пристигнала на местото на настанот и почнала со потрагата, за што забележала дупка која води до темелот, односно под семејната куќа.

Немало друг избор освен да исползи под куќата, пренесува People.

„Се најдов во голем простор, а земјата беше покриена со пластика. Потоа слушнав како нешто се движи и сфатив сè“.

Таа по звукот го препознала движењето на змијата.

„Знаев дека на сопственичката ќе ѝ олесни кога ќе слушне дека го најдов непоканетиот гостин. Ја имав опремата со мене и набрзо најдов црн рептил“.

Таа извадила дел од пластиката и видела уште два примероци.

„Не можев да им верувам на очите! Тогаш сфатив дека ползем под куќата со непознат број змии“.

Таа одлучила да го пребара секој сантиметар од просторот, со помош на специјални рачки.

„Адреналинот цело време ми се креваше, но останав смирена и прибрана. Фатив неколку змии, ги ставив во вреќи. Потоа најдов уште неколку… На крајот изброив вкупно 16“.

Кога излегла надвор, нашла друг рептил, со што бројот се искачил на седумнаесет.

@kritter_kim I removed 16 snakes from a crawlspace. #kritterkim #kritterkimwildliferemoval #animaltrapping #girlpower ♬ original sound - Kritter Kim

„За среќа, ниту една од нив не била отровна, а веројатно биле заедно бидејќи се ближи зимата и времето на хибернација. Под пластиката најдоа совршено место за да се изолираат“, заклучила Кимра.

Свет

Иран ја осуди на затвор добитничката на Нобелова награда поради „непослушност“

Иранското правосудство ѝ изрече нова затворска казна од шест месеци за иранската нобеловка Наргес Мохамади, кој веќе е во притвор во Техеран поради „непослушност“ и игнорирање на упатствата на затворската управа.

Новата пресуда е одговор на судството на протестите на Мохамади против егзекуциите во таа земја, се вели во објавата на нејзиниот Инстаграм профил, што го одржуваат нејзиното семејство и пријателите.

И група поддржувачи ја осуди новата затворска казна бидејќи 52-годишната жена е во лоша здравствена состојба. Таа има потреба од медицинска нега, но озлогласениот затвор Евин во Техеран одбива да ѝ ја обезбеди. Мохамади има проблеми со срцето, а нејзиното здравје дополнително се влоши по притворот.

Добитничката на Нобеловата награда за мир би требало да остане во затвор уште две години, пренесува Dpa.

Таа докторка во изминатите години била апсена 13 пати, а секој пат била осудена на затворска казна. Активистката за човекови права минатата година ја доби Нобеловата награда за нејзината борба против угнетувањето на жените и против смртната казна.

притисни ентер