Регион

Во Албанија ветингот разреши околу 280 судии и обвинители, 130 од нив се пожалиле во Старзбур

Од декември 2018 година кога, во Албанија, почна да се имплементира процесот на проверка, познат како ветинг, Специјалната комисија за проверка донела 802 решенија за лица од правосудството, судии и обвинители.

Од вкупната бројка, околу 280 судии и обвинители биле разрешени, при што 130 од нив незадоволни од одлуката на соодветниот орган за проверка, поднеле жалба до судот во Стразбур. Во досиејата, отпуштените судии и обвинители тврдат дека не е регуларен процесот на проверка.

-За пет години Стразбур објави седум решенија, шест од нив со потврдување на одлуката на албанските органи. Единственото решение за враќање на должноста е донесено за обвинителката Антонета Севдари за која Стразбур ја нарекува „диспропорционален процес“, поради што албанската држава е казнета од Стразбур, објавија албанските медиуми.

Според медиумите, 6.609 албански граѓани доставиле поплаки до комисијата за спроведување на ветингот, кои обвинуваат судии и обвинители дека се корумпирани, пристрасни, а ги наведуваат и непријавените имоти од нивна страна.

Со оглед на тоа што мандатот на Комисијата за проверка завршува до крајот на декември, граѓаните поплаките ќе може да ги упатуваат до Специјалниот одбор за жалби, кој ќе продолжи да ги разгледува жалбите на оние кои не се потврдени на функцијата.

Поради не поминување на проверката за потекло на имотот и вмешаност во криминални активности во земјата се чувствува дефицит од овој кадар.

Уставниот суд на Албанија не функционираше речиси три години бидејќи овој процес не го минаа шестмина од вкупно девет судии, меѓу нив и претседателот, а идентична беше состојбата и со Врховниот суд. И двете високи судски инстанци профнкционираа кон крајот на 2021 година.

Свет

Орбан: Сериозно сфатете ја нуклеарната закана на Путин, тоа не е трик

Унгарскиот премиер Виктор Орбан, еден од ретките европски лидери кој е во добри односи со рускиот претседател Владимир Путин, вели дека Западот треба сериозно да ги сфати заканите на рускиот лидер.

„Сакам само да кажам дека кога Русите ги менуваат правилата за користење на нивниот нуклеарен арсенал, она што се нарекува нуклеарна доктрина, тоа не е комуникациски блеф“, рече тој, мислејќи на промените што Путин ги потпиша неделава, објави Гардијан.

„Тоа не е трик. Доктрината е изменета и ќе има последици“, рече тој.

Унгарија е меѓу неколкуте европски нации кои силно го поддржуваат режимот на Владимир Путин во Русија. Владата на Орбан постојано се противи на санкциите против Русија, со што ги фрустрира Европската унија и НАТО. Унгарија исто така се противи на помагање на Украина и на идејата Украина да се приклучи на ЕУ и НАТО.

Свет

Холандската полиција пронашла џуџе за во градина, направено од екстази (ФОТО)

Холандската полиција пронашла градинарско џуџе направено од два килограми МДМА, синтетичка психоактивна дрога позната и како екстази.

Градинарското џуџе тешко речиси два килограми е пронајден со куп други наркотици, соопшти денеска полицијата на Фејсбук.

„Само по себе е чудно место за чување градинарски гном, поради што решивме да го тестираме за дрога“, се вели во статусот.

Полицијата не објавила каде и кога бил откриен градинарскиот гном, но велат дека станува збор за „специјално“ откритие.

„Овој градинарски гном тежок речиси 2 килограми е направен од МДМА! Самиот гном бил видно шокиран од тоа...“, пишува полицијата.

Холандските медиуми јавуваат дека не се знае дали осомничените се уапсени. Полицијата не открива колку вкупно дрога е откриена.

Живот

Снимка од јапонски келнери го воодушеви сите, работат од дома (ВИДЕО)

Пандемијата на корона донесе бројни промени во светот, а една од нив е работата од дома.

На почетокот, луѓето беа принудени да бидат продуктивни поради безбедноста на нивните четири ѕида, но многумина ја задржаа оваа практика до ден-денес.

Уште порано се зборуваше за професии кои можат да се вршат „од далечина“, како оние од ИТ секторот, но веруваме дека на никој не му паднало на памет кога станува збор за келнери.

А како би реагирале кога би дознале дека е можно да се работи „од далечина“ и во угостителството? Знаеме дека звучи неверојатно, но видео од јапонско кафуле објаснува сѐ.

На страницата на Инстаграм @ksouchh објавено е видео од токиското кафуле „Аватар роботи“ кое нѐ потсетува на научно-фантастични филмови. Младиот човек нарачал пијалок и го послужил робот. Но, тоа не е крајот!

Вработена келнерка која седи дома и ја работи својата работа, зборува преку споменатиот робот. Во разговор со клиентот, таа откри дека живее во блискиот град Саитама.

„Не можам да излезам поради болест, па работам на овој начин“, рекла љубезната жена.

Гледачите беа воодушевени од видеото и истакнаа дека ова е „вистинскиот начин“ да се користи модерната технологија - да се помага, а не да се заменат луѓето.

притисни ентер