Македонија

ВМРО- ДПМНЕ: за неполни два месеци СДСМ се задолжи 636 милиони евра

Задолжувањето стана основен механизам за функционирање на оваа влада. Помина само еден месец откако власта не задолжи 600 милиони евра. Денес повторно не задолжи за нови над 36 милиони евра, се наведува во реакцијата на ВМРО-ДПМНЕ .

Од почетокот на годинава, за неполни два месеци СДСМ се задолжи 636 милиони евра.
Со ова вкупното задолжување откако СДСМ е дојдена на власт до денес се искачува на близу 1.4 милијарди евра.
Владата се задолжува неконтролирано и без основа. Граѓаните не знаат на што се трошат милијардите кои утре со камати треба да ги враќаат. Нема ниту еден нов инфраструктурен проект, болница, училиште, градинка, не е набавена нова медицинска опрема, не е изграден ни еден километар канализациони мрежа, не се покачени пензиите, ниту социјалната помош, а сепак се задолжуваме. Каде завршуваат стотиците милиони евра?
Ова енормно задолжување е пропратено со огромна нетранспарентност. СДСМ не смее да се однесува со парите на граѓаните како кон своја сопственост. Граѓаните мора да бидат информирани за што и како се трошат нивните пари.
Неодговорниот однос на СДСМ кон парите на граѓаните е не дозволив.
Недозволиво е државата да се задолжува секоја недела, а од тоа да нема реален бенефит за граѓаните. Не само што не се отпочанати нови проекти, туку и проектите почнати од ВМРО-ДПМНЕ подолг период беа во застој. Поминаа месеци за власта да продолжи со изградбата на автопатиштата Миладиновци - Штип и Кичево - Охрид, кои се во напредна фаза на реализација. Додека скоро година дена со банални изговори се влече пуштањето во употреба на автопатот Демир Капија - Смоквица.
Ова е недозволиво. Недозволиво е државата да се задолжува за стотици милиони, а притоа да нема ниту еден капитален проект. Недозволиво е да се задолжуваме за огромни суми на пари, а да нема покачување ниту на платите, ниту на пензиите, ниту на социјалната помош.
ВМРО-ДПМНЕ ја повикува власта веднаш да запре со ова расипничко трошење на народните пари. Транспарентно да каже на што и како ги потроши стотиците милиони евра.
ВМРО-ДПМНЕ апелира секое наредно задолжување да биде неопходно и реално поткрепено со план за реализација на капитални инвестиции. Буџетот не е приватна своина на СДСМ. Буџетот го полнат граѓаните и тие мора да знаат на што, како и колку пари се потрошени, реагираат од ВМРО - ДПМНЕ.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер