Македонија

ВМРО-ДПМНЕ: СДС да и соопштат на јавноста со што толку многу се задолжија кај ДУИ и Груби

СДС наместо секој ден да прави аматерски сценарија и приказни за Груби да го повикаат да се соочи со правдата .

СДС да и соопштат на јавноста со што толку многу се задолжија кај ДУИ и Груби што и покрај сите факти и докази се уште жестоко го бранат Груби.

Врската помеѓу СДС и Груби не е ништо повеќе од класична шема на системски криминал во кој СДС и ДУИ ги искористиле државните институции и ги претвориле во механизам за заштита на соптвените криминали.

И Дуи и СДС и сите знаат дека Лотарија била перална на пари, а Груби правел милионски криминал но молчеле за да не падне владата, молчеле за да опстане коалицијата и да продолжат со криминалот, корупцијата и тендерите во четири очи.

СДС наместо како аматерски сценаристи секојдневно да смислуваат сценарија и приказни за Груби во кој не веруваат ниту малите деца да го повикаат на одговорност.

Зоран Заев, Венко Филипче, и Димитар Ковачевски знаеле за криминалот на Груби но го толерирале и не го гонеле, за да купат ден повеќе, и да продолжат со криминалот на штета на граѓаните.

После 7 години, позади плаштот на реториката која ја проектираа СДС-ДУИ како „гарант за реформи, прогрес и институционална правичност“ на површина излезе грубата вистина за СДС како свесни соучесници со ДУИ во најбруталниот грабеж на Македонија.

Институционалниот хаос кој произлезе од СДС-ДУИ ја доведе Македонија до крајна точка на економска, правна и морална деградација.

СДС поради политички конформизам не само што го амнестирале Груби туку и овозможиле континуитет на грабежот.

СДС и ДУИ се партнери во криминалот.

Груби како десна рака на Ахмети и втор човек во владата на СДС-ДУИ е симбол на аморален субјект толериран од СДС заради личен профит.

Бегството на Груби е очајнички обид и признавање на вина за случувањата во Лотарија.

Одговорност за целосниот колапс на системот мора да има.

Време е за одговорност, работа и посветеност.

Време е да се врати интегритетот на институциите, да се унапреди демократијата и завладее правото и правдата.

Со почит,

Центар за комуникации на ВМРО-ДПМНЕ

Технологија

Сондата „Паркер“ лета кон Сонцето- се очекува рекордот да биде соборен утре попладне (ВИДЕО)

Соларната сонда Паркер утре ќе биде најблиску до „допирање на Сонцето“.

Ќе биде 8 пати поблиску до нашата најблиска ѕвезда од Меркур, а за време на тој лет ќе го собори и сопствениот рекорд на брзина и ќе потврди дека е најбрзиот објект направен од човечка рака.

Сондата Паркер е лансирана во август 2018 година за да го проучува Сонцето одблизу. Оттогаш лета директно низ Сончевата корона, надворешниот дел од атмосферата, а новиот рекорд ќе биде пристигнувањето на растојание од 6,1 милиони километри од површината на ѕвездата, пишува LiveScience.

Во 12:53 часот на 24 декември, Паркер ќе достигне брзина од 700.000 километри на час и ќе се приближи до Сонцето што е можно поблиску. За да успее во тоа, сондата ќе треба да издржи температура од 1.371 степени, а се верува дека ќе успее во тоа благодарение на речиси неуништливиот штит.

- Ова е монументален потфат за целото човештво. Тоа е исто како слетувањето на Месечината во 1969 година - изјави претходно Нур Рауафи, астрофизичар од Универзитетот Џон Хопкинс.

Научниците се надеваат дека конечно ќе откријат зошто Сончевата корона е стотици пати потопла од површината, како и што ги придвижува сончевите ветрови.

Претходниот рекорд за брзина на сондата Паркер беше 635.266 километри на час. Ако вселенското летало на Земјата би имало ваква брзина, би можело да направи 15 кругови околу планетата за еден час или да лета од Њујорк до Лос Анџелес за нешто повеќе од 20 секунди.

Свет

Се зголемува бројот на загинати во уривањето на мостот во Бразил, и деца меѓу исчезнатите

Најмалку две лица загинале, а осум лица се водат како исчезнати откако вчера во Бразил се урна мостот Јуселино Кубичек де Оливеира, долг 533 метри, кој ги поврзува државите Токантинс и Марањао.

Вчера мостот попуштил во раните попладневни часови, а се урнал откако дел од структурата паднал на територијата на државата Маранџао, пренесува порталот Метрополис.

"Националната агенција за транспортна инфраструктура предупредува на целосна блокада на мостот на реката Токантинс. Централниот дел на мостот долг 533 метри се урна напладне", изјави министерот за транспорт Ренан Фиљо.

Противпожарната служба на Маранџао и воената полиција на Токантинс ја потврдија смртта на две лица во уривањето на мостот меѓу двете држави. Меѓу загинатите има 25-годишна жена и 42-годишен маж.

36-годишен маж е спасен со скршена нога и пренесен во болница во Естреито, државата Маранџао.

Според Воената полиција на Токантис (ПМТО), осум лица, меѓу кои две деца на возраст од три и 11 години, се водат како исчезнати. Меѓу возрасните исчезнати има две жени, двајца возачи на камион кои превезувале опасни производи како сулфурна киселина, возач на камион кој превезувал земјоделски пестициди и уште еден возач на камион.

„Истрагата во врска со несреќата на мостот е привремено прекината откако припадници на Противпожарната служба утврдиле дека два камиони што превезувале опасни производи паднале во реката“, соопшти ПМТО.

Гувернерот на Токантис, Вандерлеј Барбоза, на социјалната мрежа изјави дека државната администрација започнала напори за санирање на штетите и пружање помош на повредените.

Мостот е отворен во 1960 година, а структурата на мостот е дел од важен сообраќаен коридор, бидејќи го поврзува Белем со Бразилија, патот Трансамазон, како и железницата Норте-Сул.

Регион

Вучиќ телефонски разговарал со Лавров за „три важни теми“

Претседателот на Република Србија, Александар Вучиќ, телефонски разговарал со министерот за надворешни работи на Руската Федерација, Сергеј Лавров.

- Многу добар и содржаен разговор со министерот за надворешни работи на Руската Федерација, Сергеј Лавров.

1. Од министерот Лавров, како претставник на земја-членка на ОН, дознав дека Приштина, кршејќи ги сите акти на меѓународното јавно право, се обидува да ѝ забрани на Српската листа да учествува на претстојните избори.

2. Разговаравме и заеднички изразивме загриженост за ситуацијата во Босна и Херцеговина и Република Српска и се согласивме дека целосното почитување на Дејтонскиот мировен договор е најдобриот начин за зачувување на мирот и стабилноста.

3. Теми на разговорот беа најавените санкции за НИС и беше договорен состанок на експерти од Србија и Русија веднаш штом бидат обелоденети американските санкции. Разговаравме и за сите други важни прашања од нашата билатерална соработка, го потврдивме пријателството меѓу нашите земји и изразивме уверување дека со наш поголем ангажман можеме да ја зголемиме трговската размена меѓу Србија и Русија - нагласи претседателот Вучиќ во соопштението, пренесе Курир.

притисни ентер