За жал Македонија со Заев и СДСМ на власт е на погрешен пат. Македонија е пред провалија. Патот по кој Заев ја води Македонија е пат на мизеријата, иселувањето, крахот на економијата, неработата, политизираното судство, неправдата.
Поради погрешните политики на СДСМ 1000 граѓани во само еден ден го напуштиле Делчево и заминале да работат во Италија.
Економијата со СДСМ само тоне. Даноците се покачени, акцизата поголема, придонесите зголемени, тоа само ги цеди граѓаните, а го полни буџетот, за да може Зоран Заев партиски да ја полни администрацијата.
Нерабатата на оваа власт се гледа на секое поле, а најмногу во градежништвото. Реализација на само 28% од предвидените капитални инвестиции за цели 8 месеци е срамота и одлика на неработа.
Зоран Заев вети, Зоран Заев излажа. Нема 600 километри автопат, 550 километри регионални патишта, ниту 1100 километри локални патишта.
Правосудниот систем е под целосна контрола на Зоран Заев. Заев е и обвинител и судија. Се монтираат обвиненија, за потоа да се носат монтирани пресуди врз основа на истите.
Неправда е на секаде, терористи и убијци се на слобода, а патриоти во затвори. Системот е трул. Со Зоран Заев и екипата околу него Македонија само тоне.
СДСМ е на прав пат за заминување во опозиција. Потребно е оваа власт да си замине час поскоро. Потребни се предвремени парламентарни избори. Доаѓа време за обнова на Македонија, се наведува во реакцијата.