Македонија

ВМРО-ДПМНЕ: Додека економијата тоне, здравството колабира, земјоделството умира, Заевци се богатат

Амнестираниот Заев повторно покажа дека се плаши од предлогот да прифати забрана за политичка активност на амнестирани политичари, зошто надежта за спас за криминалите му е амнестија.

Ама Заев ќе одговара и нема да избегне одговорноста и овој пат. Заев е свесен и затоа е уплашен.

Заев не кажа ништо за долгот на СДСМ од 2,5 милиони денари. Не кажа ништо за предлогот за испитување на имот за политичари зошто како најбогато политичко семејство стравот им е голем.

Затоа Заев соочен со малиот рејтинг во Битола и во цела Македонија, Зоран Заев наместо со граѓаните организира настани на кои присуствуваат раководството на партијата и најпослушното партиско членство.

Со патетики, популизам, лаги и манипулации се обидува реалноста да ја прикаже розова, иако граѓаните од ден во ден живеат се потешко и посиромашно. Аболицираниот криминалец Зоран Заев не може да се прикажува како чесен. Не напротив. Залудни му се истите лажни ветувања кои ги дава во Битола за чист воздух, поддршка на земјоделците, враќање на младите. Имаше три години власт и не само што не направи нешто, туку состојбите ги доведе до загрижувачки размери.

Розовите очила на Заев не може да ги сокријат криминалот, корупцијата кои владеат во Македонија денес. Додека манипулира со гол популизам, куферите со милиони се шетаат со амин на власта и никој не знае во чии џебови од функционерите на СДСМ завршуваат. Додека економијата тоне, здравството колабира, земјоделството умира, Заевци се богатат со нови и нови милиони.

Центар за комуникации на ВМРО-ДПМНЕ

Свет

Се урна дел од автопат во јужна Кина, при што загинаа најмалку 19 лица, а 30 се повредени

Најмалку 19 лица загинаа денеска при уривање на дел од автопат на југот на Кина, во провинцијата Гуангдонг, јави кинеската државна телевизија CTV.

Дел од патот долг 17,9 метри се урна околу два часот наутро, објавија властите во главниот град на Гуангдонг, Меижоу.

„Околу 11:45 часот по локално време, под урнатините (на патот) се пронајдени 18 автомобили. Властите потврдија 19 смртни случаи, а уште 30 лица се во болница, но нивните животи не се во опасност“, јави телевизијата.

Изминативе денови во областа врнеа обилни дождови./MИА

Свет

Одбележување на Меѓународниот ден на трудот ширум светот

Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден.

На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права.

На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. /МИА

Регион

Шмит: Сериозни закани по територијалниот интегритет на БИХ доаѓаат од лидерите на РС

Високиот претставник во Босна и Херцеговина (БиХ) Кристијан Шмит синоќа истакна дека постојат закани по територијалниот интегритет на БиХ и дека тие доаѓаат од лидерите на Република Српска (РС).

„Постојат закани за Босна и Херцеговина, бидејќи претставниците на РС постојано зборуваат за отцепување, одвојување на ентитетот од државата. Додик неодамна изјави дека Бошњаците можат да имаат 25 отсто од територијата. Некои го сфатија ова како простор за етнички инциденти“, рече Шмит во своето обраќање пред Советот за безбедност на Обединетите нации.

Тој посочи дека неговиот мандат е да го надгледува спроведувањето на Дејтонскиот договор и оти за тоа има поддршка од Советот за безбедност.

„Советот за безбедност повеќе пати искажа поддршка за моето работење. Веќе со нетрпение го очекувам мојот извештај следниот месец“, додаде Шмит.

Тој се осврна на излагањето на српската членка на Претседателството на БиХ, Жељка Цвијановиќ, која упати сериозни обвинувања против Шмит, наведувајќи дека во него „не се почитуваат фактите и правната рамка на БиХ“.

„Се надевам дека разбирате дека ова не е место за разговор за навреди, ова е место за разговор едни со други. Повикувам на поголема точност, единственото нешто што го гледам е злонамерност“, рече Шмит.

Тој посочи дека како висок претставник мора да биде гарант за постоењето на ентитети, кои се делови од БиХ, која има меѓународен субјективитет, додавајќи дека РС е составен дел на БиХ. /МИА