Технологија

Вештачката интелигенција создава убедливи лажни фотографии на луѓе , зошто ?

Неколку стартапи што се занимаваат со вештачка интелигенција започнаа да нудат фотографии на луѓе кои воопшто не постојат, лица замислени од машини ,темелно обучени да препознаваат и создаваат привлечни човечки лица.

Покрај тоа што е импресивно технолошко достигнување, тоа подразбира и бројни безбедносни и етички проблеми.

Стари, млади, бели, црни, момчиња и девојчиња ... толку убедливи , а сепак не се реални. Ниту еден од нив не бил зачнат или роден. Тоа е последниот производ на нервните мрежи Generative Adversarial Network (ГАН), кои својот занает го испекоа на илјадници или стотици илјади фотографии на вистински луѓе, до моментот кога научија како да создаваат фотографии што скоро никој не може да ги разликува од фотографиите на реалните луѓе.

Колку е поголема разновидноста на лицата на кои може да се научи алгоритмот, толку поразновиден ќе биде финалниот производ. Базите засновани на мал број модели произведуваат релативно слични, прилично хомогени лица, но со доволно податоци сè е можно. Ова е исто така една од причините зошто вашето лице не треба да биде прекумерно изложено на Интернет - социјалните мрежи како Фејсбук, Гугл или апликациите како FaceApp собираат големи количини податоци што може да ги користи вештачката интелигенција за различни намени, без ваше знаење.

Генеративните ривалски мрежи првенствено се состојат од три компоненти. Првиот е генератор, вештачка интелигенција задолжена за производство на лажни фотографии. Втората е база на податоци со вистински фотографии, а третата е дискриминатор, вештачка интелигенција која има задача да препознае дали е вистинска фотографијата или лажна. Генераторот и дискриминаторот се ривали - целта на генераторот е да го измами дискриминаторот. Откако дискриминаторот ќе ја донесе својата одлука, тој е информиран дали погодил или не, и врз основа на тоа учи за следниот пат.

Компјутерот ги доживува истите овие фотографии многу поапстрастрактивно, на ниво на дигитални информации. Вештачката интелигенција ги препознава индивидуалните пиксели на фотографијата, нивните бои и нивната позиција во однос на едни со други. Од овие односи, нервната мрежа за учење мора да научи да ги препознава клучните елементи на лицето – форми и бои кои претставуваат усни, заби, очи и сите други детали.

Поточно, секој пат кога дискриминаторот признава лажна фотографија, му открива на генераторот на каков критериум го изложил. Генераторот потоа додава дополнителни услови во своето производство.

Неколку стартапи започнаа со продажба на фотографии од непостоечки луѓе, на компании кои сакаат брзо и евтино да ја „зголемат расната разновидност“ на нивните фотографии, во нивните каталози и проспекти.

Rosebud.ai продава илустративни фотографии кои можат автоматски да се монтираат на разни лажни лица кои припаѓаат на посакуваните етнички групи. Истиот модел во иста поза може, со само еден клик , да стане азиски или црн, кавкаски или јужноамериканец. Icon8 нуди фотографии по многу критериуми, млади, стари, деца, возрасни, од сите раси и изрази на лицето, од насмевки, тага, замисленост, досада и многу други. Тоа е невидена количина на фотографии кои едноставно би било непрактично да се фотографираат со вистински луѓе.

Но, истата технологија има своја темна страна. Некои апликации за дружење започнаа да користат лажни фотографии од девојчиња за да остават впечаток дека на нивните платформи има поатрактивни млади жени. Интернет-измамниците и агентите почнаа да користат фотографии на лажни луѓе за да отворат лажни профили на социјалните мрежи како „Фејсбук“ и „Линкдин“.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер