Култура

Вечер на ЕУ на „Охридско лето“ со уметниците Ками Тома на виолончело и Жулиен Брокал на пијано

 Последната содржина на музичкиот дел од програмата на Фестивалот „Охридско лето“ е Вечерта на Европската унија, со концертот на виолончелистката Ками Тома и пијанистот Жулиен Брокал.

Ками Тома е возбудлива челистка чија што ведра личност излегува на површина преку музиката што ја изведува. Ками верува дека музиката има моќ да ги спојува луѓето и да ги инспирира независно од нивните културни различности.

Сезоната 2023/2024 за неа е интензивна со концерти на Фестивалот „Шлевиг-Холштајн“, настапи со рецитали во Душники, Биариц и на фестивалот „Кронберг“. Ќе настапува со Националниот оркестар во САД и диригентот Густаво Гимено, а како резидентен артист со Еременскиот државен оркестар ќе има четири настапи под диригентската палка на Сергеј Смбатјан. Ќе биде солист со Симфонискиот оркестар во Портланд, оркестрите во Ахен и Штутгарт, како и со Филхармониајта на Јужна Холандија.

Како ексклузивен уметник на издавачката куќа „Дојче Грамофон“, во март 2023 го издава „Проект Шопен“, трилогија од три компакт-диска посветени на музиката на Шопен, композиторот чиј омилен инструмент било виолончелото.

Ками е родена во 1988 година во Париз и започнува да учи виолончело на четири годишна возраст. Нејзиниот брз напредок во класата на Марсел Бардон резултира со преселба во Берлин каде во 2006 година започнува да студира во класата на Штефан Фрок и Фаранс Халмерсон на Високата школа за музика „Ханс Ајслер“, а постдипломските студии ги завршува на Високата школа „Франц Лист“ во Вајмар. Има соработувано со диригенти како Пааво Јерви, Мико Франк, Марк Сустро, Дарел Анг, Кент Нагано, Стефан Денев и со оркестри меѓу кои Германската камерна филхармонија во Бремен, Академијата „Санта Чечилија“, „Симфониа Варшовија“, Државиниот оркестар во Хамбург, фестивалскиот гудачки оркестар во Луцерн, Националниот оркестар во Бордо и Бриселската филхармонија.

Ками Тома свири на инструментот Страдивари „Фојерман“ од 1730 година кој ѝ е позајмен на користење од фондацијата „Нипон“.

Францускиот пијанист Жулиен Брокал музичкиот магазин „Би-Би-Си“ го прогласува за откритие на годината во 2018 и тој оттогаш настапува во познати концертни сали низ целиот свет. Има издадено неколку албуми, еден посветен на Шопен и еден на Равел и Момпу, како и трилогијата заедно со виолончелистката Тома.

Оваа сезона го очекува промоција на нов албум со наслов „Тука“ кој содржи негова авторска музика и уште едно издание заедно со Ками Тома со која настапува и на бројни концерти. Покрај неа тој соработува со виолинистот Даниел Хоуп, како и со Розан Филипенс. Традиционалната концертна кариера, Брокал ја комбинира со работата во неговото студио наречено „Музичка градина“ кое е креативен еко-систем и ги рефлектира принципите на перма-култура овозможувајќи простор за изведби во живо, снимања и резиденции.

Концертот ќе се одржува во салата на катедралната црква „Света Софија“ со почеток од 21 часот. /МИА

Свет

Страшна смрт: Ја следеле навигацијата, па паднале со автомобилот од недовршен мост (ВИДЕО)

Три лица загинаа во сообраќајна несреќа откако GPS-от на нивниот автомобил ги упатил да преминат преку недовршен мост, поради што излетале од работ на мостот и загинале.

Инцидентот се случил во градот Барили во Индија во саботата, кога жителите на блиското село отишле на брегот на реката и пронашле потопен автомобил заглавен во канал, пишува Метро.

По поблискиот увид мештаните биле шокирани кога ги откриле безживотните тела на тројца патници во возилото и брзо ја известиле полицијата.

По пристигнувањето на местото на несреќата, полициската истрага открила дека жртвите се враќале дома од свадба и го користеле ГПС уредот во своето возило за да се движат по патот.

Но, не знаеле дека ГПС ги упатил на недовршен мост, а поради големата брзина со која се движело возилото не можеле навреме да застанат. Наместо тоа, автомобилот паднал од височина од 7,5 метри во канал на дното на реката Рамганга и сите загинале на лице место.

Телата со брод биле пренесени во блиската мртовечница и испратени на обдукција. Подоцна починатите биле идентификувани како Каушал Кумаи, Вивек Кумар и Амит Кумар.

Сите тројца работеле како обезбедување, а наводно се обидувале да го скратат патот до куќата. Полицијата ги известила семејствата на починатите.

Незавршениот мост станал локално познат како „стапица на смртта“ откако бил уништен за време на поплавите во областа во 2022 година.

Оштетениот дел од мостот е затворен за сообраќај, но лошо поставената сообраќајна сигнализација и потпирањето на застарените дигитални мапи го направиле опасно место за возачите.

Живот

Пилот загина во авионска несреќа додека спасувал кучиња (ВИДЕО)

Пилотот Сеук Ким (49), кој е познат по тоа што волонтирал за транспорт на животни во засолништа, загина во неделата во авионска несреќа во Њујорк.

Во моментот на несреќата тој превезувал три кучиња во прифатилиштето, пишува CNN.

Сеук летал од Мериленд до Олбани, Њујорк, со три кучиња кога авионот се урнал во Виндхам, мал град во планините Кетскил, соопшти Канцеларијата на шерифот на округот Грин. Едно куче загинало, а две ја преживеале несреќата.

Шерифот на округот Грин, Питер Кумински рече дека видливоста била слаба за време на летот и пилотот побарал дозвола да ја промени висината поради турбуленции. Набргу потоа, повик за помош стигнал од мобилниот телефон на Ким. Доцна вечерта спасувачите го пронашле авионот чии крила биле уништени, а кокпитот и опашката тешко оштетени. Спасувачите со часови се бореле низ длабок снег за да го пронајдат авионот.

Ким бил на пат за да испорача кучиња во засолништето за животни во долината Схохари. Тој бил дел од мрежата на волонтери пилоти кои превезувале миленичиња спасени од списоците за евтаназија во засолништата во други засолништа без убиства.

„Со текот на годините, Сеук помогна да се спасат животите на стотици животни кои инаку би биле евтанизирани поради пренатрупаност во засолништата за животни“, рече извршната директорка на Шелтер во долината Схохари, Меги Прајор.

Двете преживеани кучиња се пренесени на соодветна ветеринарна заштита. Виски, кученце од микс Лабрадор, има скрши две нозе, додека Плутон, мешавина од јоркширски териер, се здобил со полесни повреди. Виски е пронајдено во дупка, која ја ископал и покрај тешките повреди, додека Плутон е пронајден на планински гребен. Долината Схохари ќе го надгледува опоравувањето на кучињата пред да ги даде на посвојување.

Бројни засолништа и пријатели на социјалните мрежи се збогуваат со загинатиот пилот. Од него со трогателна објава се прости и организацијата Happily Forever After Rescue од Конектикат.

"Тој помогна да се спасат безброј кучиња и мачки низ годините, сите како волонтер од добрината на неговото срце. Тој го правеше она што го сакаше, сè за доброто на животните. Тој беше несебична душа и ние сме толку среќни што го имавме. Зборовите не можат да ја опишат трагата што ја оставил на толку многу животи, и на две нозе и на четири нозе“, напишаа меѓу другото на Фејсбук.

Свет

Најблиските соработници на Трамп добиле смртни закани, реагирала полицијата

Неколку лица номинирани за функции во новиот кабинет и администрацијата на Доналд Трамп добиле смртни закани, објави портпаролот на новоизбраниот американски претседател.

„Заканите беа упатени во вторникот навечер и во средата наутро, а полицијата реагираше брзо за да се осигура безбедноста на предвидените цели“, рече портпаролката Керолин Левит.

Таа во изјавата рече дека „заканите се движат од закани со бомби до закани со тепање“.

„Синоќа и утринава, неколку од кандидатите за кабинетот на претседателот Трамп и именуваните од администрацијата беа цел на насилни, неамерикански закани против нивните животи и оние што живеат со нив“, рече таа.

Тројца високи службеници за спроведување на законот информирани за инцидентот изјавија за NBC News дека заканите се „не веродостојни“ и дека не се пронајдени уреди или физички закани.

Да потсетиме дека Доналд Трамп ја победи демократската кандидатка Камала Харис на изборите на 5 ноември. На 20 јануари тој ќе ја преземе функцијата претседател на САД во Белата куќа.

притисни ентер