Забава

В недела традиционалното искачување на Титов врв

В недела традиционалното искачување на Титов врв, ден претходно ќе се одржат и повеќе активности

Од утре сабота почнуваат повеќето активности во организација на планинарскиот клуб Љуботен во пресрет на традиционалното 41-во искачување на Титов Врв што ќе се случува во недела, најавија денес организаторите. Во сабота, активностите ќе се одвиваат на Попова Шапка, од каде исто така во недела ќе се тргнува кон највисокиот врв на Шар Планина.

-Програмата предвидува во сабота да има акција за чистење во координација со Национален парк Шар Планина. Потоа околу 15 часот ќе се организира планинарски базар. Од 15:30 до 17:00 има планинарски квиз и забавно едукативни игри, ќе учествуват клубовите. Следува проекција на планинарски филм, додека свечено отворање ќе има во 19 часот. Ќе имаме и координативен состанок со координаторите на клубовите, изјави Јованче Даниловски, член на организацискиот тим.

Во недела искачувањето започнува во 06:30 часот со тргнување на колоната од платото пред хотел Попова Шапка кон Титов Врв по Вакуфска патека. Движењето до Титов врв е веќе обележано.

-Таа патека е веќе маркирана. Се надеваме дека во 11 ќе биде пристигнувањето на врвот, а од 12 да се упатиме назад за да до 16 часот биде завршена планинарската тура. Ние веќе бевме на терен периодов и имавме маркирање и скрининг на самата патека. Имаме два снежни „јазици“ долж патеката, која инаку е во добра состојба. Ќе има пет пункта долж целата тура, каде ќе има и медицински екипи каде што ќе имаме и водичи во самата колона. Сите учесници да се придржуваат до самата програмата, изјави Јованче Даниловски, член на организацискиот тим.

Досега се пријавиле 400 планинари за искачувањето на врвот на 2747 метри надморска височина.

-Очекуваме околу 800 планинари вкупно да бидат дел од искачувањето. Во текот на изминатите 40 искачувања бележиме околу 25000 искачени планинари. Оваа традиција е од 1980 година кога првиот пат е почнато како меморијално искачување, информираше Јован Божиноски, претседател на ПК Љуботен.

Организаторите потсетуваат дека учесниците самите треба да обезбедат храна за време на планинарењето и да имаат опрема како за зимски услови.

Македонија

Протест пред Владата на лицата со попреченост, бараат зголемување на додатокот

Да за правда, не за милосрдие.

Лицата со попреченост денеска ја блокираа Илинденска, барајќи од Владата да ги исполни ветувањата за да го запрат животот на маргините.

Некој со кучиња водници, други во колички, некои со стапови за слепи лица се собраа неколку десетици граѓани со попреченост, велејќи дека и собирањето пред влада им претставувало потешкотија, бидејќи како што посочија не постои соодветна пристапност за овие лица ниту по улиците ниту до институции. Велат, нема да отстапат додека барањата не им се исполнат..

-Јас спиев овде 60 дена во шатори, мислејќи дека општеството ќе тргне кон подобро за сите, а не да биде подобро за 120 политичари. Како можат едногласно да си ја качат нивната плата за 78%, а земаат 1000е плата, а граѓаните не добиваат ништо.. Знаете колку чини да се направи една рампа? 10 евра, а тие си ја покачија плата по 700 евра.

Меѓу главните барања се социјалната правда и рамноправност, па велат, како што си ги покачија функционерите платите за речиси 80%, така може да се покачи и додатокот за попреченост, а меѓу барањата им е и поголема инклузивност, бидејќи се чувствуаат целосно запоставени од системот..

-Лажејќи не дека нема пари во буџетот за покачување од 15 %, лажејќи не, ветувајќи на нивните кампањи дека 50% ќе добиеме покачување на додатокот за попреченост, ни тоа не го добивме за да на крај они, во партнерство со нивните уставни судии да си ги покачат нивните плати за 78%, а притоа се декларираме како социјална држава, дека се грижиме за ранливите категории, а уствари не се грижиме за ранливите категории ние овие категории ги третираме како слепо црево во општеството...

Според најавите, како што кажаа, треба да се сретнат со претставници на СДСМ и ВМРО-ДПМНЕ во Собранието каде ќе ги претстават своите барања и ќе инсистираат веднаш тие да бидат применети...

Македонија

Таравари: Ако не се донесат уставните измени ќе влеземе во изолација како во 2008 година

Ако не се донесат уставните измени ќе влеземе во изолација како во 2008, смета претседателот на Алијанса за Албанците Арбен Таравари.

Тој сепак очекува да има двотретинско мнозинство.

Македонија

Лидерска средба без договор за уставните измени и можноста за заедничка влада

Лидерската средба Ковачевски Мицкоски заврши без договор за уставните измени и можноста за заедничка влада.

Според Мицкоски власта нема двотретинско мнозинство и треба да се оди на предвремени избори. Премиерот Ковачевски пак смета дека ВМРО-ДПМНЕ го смениле ставот и дека денешната лидерска го покажала тоа.Пред клубот на пратениците е Михајло Видимлиски.

Во што се разликите во ставовите на Мицкоски и Ковачевски?

притисни ентер