Македонија

Уставните измени условени со правата на Албанците

ДУИ и ДПА измените на Уставот го условија со пакет-предлози за правата на Албанците, со тоа што партијата на Али Ахмети се изјасни дека ќе биде воздржана за предлогот на ВМРО-ДПМНЕ, а партијата на Мендух Тачи е против, пишува „Дневник“.

Како што објави весникот, владејачката ВМРО-ДПМНЕ не доби поддршка од парламентарните партии уставно да се дефинира бракот како заедница единствено меѓу еден маж и една жена. На собраниската уставна комисија вчера овој предлог не доби зелено светло и оттука очекувано е дека Собранието в понеделник ќе го нема потребното двотретинско мнозинство да ја почне постапката за измени на највисокиот правен акт.

Предлогот го поддржаа коалициските партнери на ВМРО-ДПМНЕ, а опозицискиот СДСМ смета дека нема потреба бракот уставно да се дефинира бидејќи тоа прашање веќе е уредено со Законот за семејството. ДУИ и ДПА, пак, измените на Уставот го условија со пакет-предлози за правата на Албанците, со тоа што партијата на Али Ахмети се изјасни дека ќе биде воздржана за предлогот на ВМРО-ДПМНЕ, а партијата на Мендух Тачи е против.

- Потребно е бракот да се дефинира во Уставот за да се заштити бидејќи во Македонија веќе се работи на агендата за хомосексуални бракови, која ќе заврши со посвојување деца од истополови родители. И кај нас е почната работата на оваа агенда. Одредени кругови на СДСМ, вклучително и невладини организации што се дел од СДСМ, работат на агендата за хомосексуални бракови - рече предлагачот на иницијативата Владимир Ѓорчев од ВМРО-ДПМНЕ.

И ставот на СДСМ е дека бракот претставува заедница меѓу еден маж и една жена, но наспроти ВМРО-ДПМНЕ, тоа нема потреба да биде дефинирано во Уставот бидејќи законски е уредено.

- Не гледаме потреба да се отвора Пандорината кутија зашто во општеството нема дилеми за ова прашање - смета Павловска-Данева.

Ѓорчев во ставот на СДСМ препозна задршка наспроти позицијата на ВМРО-ДПМНЕ, која е недвосмислена. Според Ѓорчев, социјалдемократите работат на редефинирање на бракот, теза што Павловска-Данева ја оцени како демагогија.

Од владиниот партнер ДУИ повторија дека се против парцијални измени на Уставот.

- Ќе гласаме воздржано доколку нема суштински измени на Уставот. Ако се отвори Уставот, ќе предложиме рамноправност на албанскиот со македонскиот јазик, да се расчистат дилемите за бинационална држава, дводомен парламент, дефинирање на Уставниот суд, поделбата на најважните функции во државата, пропорционална распределба на буџетот - рече Салиу.

Имер Алиу од ДПА рече дека ќе застане зад сите предлози на ДУИ, но праша зошто досега партијата на Ахмети како дел од извршната и од законодавната власт не иницирала промени за целосна рамноправност на Албанците со Македонците.


И Библијата на помош

За исправноста на иницијативата на ВМРО-ДПМНЕ, Антонио Милошоски, освен што се повика на неколку земји, кои уставно го дефинирале бракот, како што се Полска, Литванија и Црна Гора, поткрепа побара и во Библијата.

- И во Библијата бракот е дефиниран како заедница меѓу Адам и Ева, а не Адам и Стеван -рече тој.

Македонија

Ковачевски: Македонија со раст на индексот на слобода на медиуми

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” .

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” и позиционирањето на Македонија на 36-то место заедно со останатите развиени европски демократии.

„Денешниот Светски ден на слободата на медиумите го одбележуваме како земја која повторно постигнува раст во медиумската слобода. Ние денес сме на 36-то место и сме најдобро позиционирани во регионот, а и пошироко, согласно извештајот на “Репортери без граници”. Ова е директна потврда дека со СДСМ, Македонија чекори по вистинскиот пат, дека ние сме земја во која се почитуваат демократските и европските вредности.” - посочи претседателот Ковачевски во својот пост на социјалните мрежи.

Ковачевски воедно се заблагодари до новинарите и медиумските работници, за нивната посветена работа посочувајќи дека стекнатиот статус беше партнерска и заедничка заложба на СДСМ, граѓаните и медиумите, како и медиумските организации.

„Пред само седум години бевме сведоци дека загорзената слобода на медиумите е вратата кон автократско владеење. Тоа време не смееме да дозволиме да се врати.” - истакна Ковачевски.

Ковачевски истакна дека СДСМ е, секогаш била, е и ќе биде страната на медиумите, на страната на демократијата и го насочи вниманието на важноста на продолжувањето на процесот на евроинтеграции со цел обезбедување подобар квалитет, професионалност и заштита за медиумите и новинарите.

„Единствено со продолжувањето по европскиот пат, ќе се продолжи и подобрувањето на квалитетот, заштитата и професионалноста на медиумите и ќе се продлабочи нашата заедничка борба против дезинформациите.” - порача Ковачевски по повод Светскиот ден на слободата на медиумите, се наведува во партиското соопштение.

Живот

Направано е најголемото тирамису на светот, влезе во Гинисовата книга (ВИДЕО)

Нема некој што не сака тирамису, омилениот италијански десерт, а во чест на Светскиот ден на Тирамису, што се одбележуваа секоја година на 21 март, италијански ресторан во Лондон го направи највисокото тирамису на светот.

Тимот од ресторанот Луси во лондонскиот Ковент Гарден го помина целиот ден градејќи го највисокото тирамису на светот. И кога го „изградиле“, го измериле и бил висок два метри – повисок од просечниот маж – и така влегол во Гинисовата книга на рекорди.

Од страна на персоналот во ресторанот љубезно наречен „Торемису“ (доаѓа од италијанскиот збор „торе“, што значи кула), овој џиновски десерт е направен од сите класични состојки на тирамису и е целосно јадлив. Биле потребни пет часа за да се состави, но дури 24 часа за да се подготват сите состојки.

„Торемису“ стана толкав хит што тимот направил уште една реплика неколку дена подоцна, а тој ден решија сите што вечераат во овој ресторан да ги почестат со бесплатно тирамису.

@viziesfizii #CapCut ♬ suono originale - Viziiesfizii

Инаку, италијанскиот ресторан Luci во Ковент Гарден е познат по широкиот избор на италијански колачи, меѓу кои најмногу се издвојува тирамисуто. Но, освен десерти, овде наутро може да се купи свеж леб и пецива, а од пладне во понудата има фокача, чабата и италијанска пица.

Македонија

Костадиновска-Стојчевска: Покажавме како се почитува слободата на медиумите

Коносителката на ИЕ5 и министерка за култура, Бисера Костадиновска-Стојчевска, честитајќи го Светскиот ден на слободата на медиумите потсети дека СДСМ во целиот свој мандат поттикнува демократска и слобода атмосфера во општеството.

„Направивме законски измени со кои нападот врз новинар се квалификува како напад на службено лице, заради поголема заштита на луѓето кои ја вршат оваа значајна општествена професија“, вели Костадиновска-Стојчевска.

Таа додава дека наспроти децениската репресија и прогон кон медиумите и новинарите, насилното затворање медиуми и користење на институциите за пресметка со новинарите, СДСМ значително го подобри медиумскиот амбиент и критичкото новинарство.

„Не приведуваме новинари за искажан збор, не тужиме редакции за објавени текстови, не затвораме медиуми кои не критикуваат“, вели Костадиновска-Стојчевска на Светскиот ден на слобода на медиумите кога „Репортери без граници“, во својот извештај забележа прогрес за Северна Македонија.

Според овој извештај, државата годинава има напредок и е рангирана на 36 место на Индексот за слобода на медиумите, што е за две места подобор од 38 место лани. Во 2016 бевме на 118 место.

„СДСМ е демократска партија која на дело покажува како се почитува слободата на медиумите и новинарската мисла. Остануваме лидери во регионот по слободата на новинарското изразување“, вели Костадиновска-Стојчевска, додавајќи дека актуелните времиња носат и нови предизвици за медиумите и медиумските работници, а технолошкиот развој носи и бројни ризици за самата професија.

Според Костадиновска-Стојчевска, слободата на новинарската мисла и подобрување на условите за медиумските работници остануваат приоритет на социјалдемократите кои остануваат силни поддржувачи на професионалното и непречено изразување, се наведува во партиското соопштение.

притисни ентер