Македонија

Уставниот суд не ја прифати иницијативата поднесена од Хелсиншки, ССМ, Синдикат на градежништво

Уставниот суд не ги прифати иницијативите поднесени од Хелсиншки, ССМ, синдикатот на градежништво и политичката партија „Левица“, со која се оспоруваа три члена од Законот за работни односи.    

Во иницијативите до судот, поднесени минатата година, беше наведено дека постои можност од манипулација со прекувремените часови на работиниците кои ќе работат на изгрдаба на автопатиштата долж коридорите 8 и 10 Д, но и за идни проекти кои државата ќе ги смета стратешки. Според подносителите, спорно било тоа што никаде не била наведена горна граница колку работникот може да работи дополнително, што според нив отвора пат за евентуална злоупотреба на работникот и неговите права. Но од судот велат прекувремените работни часови се избор на работникот и се регулирани со закон, а дополнителна заштита е и писмената согласност на самиот работник.

„Според Уставниот суд не основани се наводите дека не е предвидена горна граница на прекувремената работа бидејќи според судот таа е определена токму во ставот 2 на оспоренеиот член, односно дека работа над 40 часа неделно се смета и се плаќа како прекувремена работа, со задолжително почитување на дневен и неделен одмор а во согласност со членовите 143 и 134 од законот за работни односи. “-Христина Беловска – портпарол на Уставен суд

Измените на законот за работни односи, беа само едни од неколкуте закони кои Собранието по скратена постапка со европско знаменце ги изгласа лани во мај, а беа донесени се со цел амеркиранско- турскиот конзорциум Бехтел и Енка брзо и без отежнати процедури да може да ги гради автопатиштата Тетово – Гостивар – Букојчани, Прилеп – Битола и Струга – Ќафасан од коридорите 8 и 10Д. Според најавите, автопатите треба да бидат завршени за околу 5 години, а проектот за изградба на коридорите ќе чини 1,3 милијарди евра.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер