Формула

Уште еден возач казнет за ГН на САД во недела

Гуанју Жоу е вториот возач кој доби казна за ГН на САД во недела.

Кинескиот возач на Заубер ќе падне за пет места на стартната линија бидејќи ја користи својата четврта од само две дозволени батерии во сезоната за време на петочниот тренинг на патеката во Остин. Бидејќи ова е втор дополнителен број од соодветната компонента, казната за Жоу е пет, а не десет места.

Покрај него, казнет е и Лиам Лосон, кој има целосно нов погонски систем. Поради оваа причина, Новозеланѓанецот ќе биде испратен да стартува од дното на гридот во недела и ќе стартува зад Жоу, без разлика на нивниот резултат во саботните квалификации.

За Жоу оваа казна најверојатно нема да има голем негативен ефект, бидејќи тој и неговиот тимски колега Валтери Ботас речиси секогаш се на последните позиции на квалификацискиот поредок. Сосема е можно суспензијата на Лосон да го однесе Жоу на понапредна позиција на стартот, иако и тој има суспензија, што почна да се случува прилично често во последно време.

Македонија

ВМРО-ДПМНЕ: СДС да се грижеа, немаше институциите да ги остават во девастирана состојба

Неспособните СДС добро е што прогледуваат и што самите констатираат дека државата и институциите ги оставија во лоша состојба.

Од прв момент на снежни врнежи, службите се на терен и ги чистат патиштата низ државата. Нема непрооден пат, дури ни на највисоките планински превои. Патиштата се чистат од снегот и се фрла сол и песок.

ВМРО-ДПМНР работи на сите полиња и ја средува државата од пустошот кој го остави СДС за време на седум годишното владеење.

ВМРО-ДПМНЕ посветено работи за да обезбеди подобар живот за сите во Македонија и тоа е препознаено од граѓаните. Граѓаните препознаваат и за тоа зборува предноста и довербата од 5 спрема 1 во корист на ВМРО-ДПМНЕ.

СДС кои на последните избори добија црвен картон, а со последните анкети се губат од политичкиот од политичката мапа во државата, немаат никаков кредибилитет да зборуваат за функционирање на институциите.

До некаде, добро е што СДС прогледа и што индиректно потврдуваат во каква состојба ВМРО-ДПМНЕ од нив ја наследи државата, но време и да кажат дека тоа е поради нивната седумгодишна неспособност во практикувањето на власта, оставајќи ги институциите во девастирана состојба. И за тоа треба јавно да излезат и за им се извинат на македонската јавност, се наведува во партиската реакција.

Фудбал

Честитка од првиот човек на УЕФА, Чеферин, за изборот на Омерагиќ

Претседателот на УЕФА, Александар Чеферин му го честиташе изборот на Масар Омерагиќ за нов претседател на Фудбалската федерација на Македонија.

Чеферин во писмото изразува уверување дека новото раководство ќе продолжи со напредокот.

„Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата Федерација и вашата држава го заслужуваат“, порачува Чеферин во писмото до Омерагиќ.

Живот

Австралија во шок: Во воен камп се пронајдени тела на 98 кенгури

Неименуваниот маж, на возраст од 43 години, е обвинет за суровост кон животните и други злосторства по страшното откритие во долината Хантер, во Нов Јужен Велс во Австралија.

Остатоците на 98 убиени кенгури се пронајдени во кампот каде војската била обучувана да ракува со огнено оружје, соопштија властите.

Телата на убиените животни биле пронајдени во октомври, а полицијата во исто време запленила кутија за муниција и празни патрони, пренесува News.com.au.

После тоа, властите го пребарале имотот во блискиот Вилијамстаун, каде наводно биле пронајдени три огнени оружја.

Неименуваниот маж се очекува да се појави пред локалниот суд на 13 јануари, каде што ќе се изјасни за обвиненијата.

притисни ентер