Други спортови

Усеин Болт го отвори новиот Олимписки стадион во Токио (ВИДЕО)

Седум месеци и два дена остануваат до отворањето на Олимписките игри во Токио.

Новиот Национален стадион, каде ќе се одржи церемонијата, како и атлетските натпревари, беше завршен минатиот месец а вчера беше официјално отворен.

Изградбата чинеше 1,44 милијарди долари.

Настанот, наречен „Здраво, за нашиот стадион“, собра 59.500 гледачи на трибините, а многу познати тркачи, обични и параолимписки, се собраа на тартанската патека. Најголема sвезда на манифестацијата беше Усаин Болт, светски рекордер на 100 и 200 метри. .

Легендарниот спринтер од Јамајка денес има 33 години и ја заврши кариерата на СП 2017 со повреда на тетивата во финалето на штафетата 4х100м. Потоа, тој се посвети на фудбалот и се обиде да започне професионална кариера во неговиот омилен спорт, но по неуспешните проби низ целиот свет се откажа од тој сон во јануари годинава.

Болт ја испроба патеката во Токио, но нема на неа да трча следната година.

„Беше одлично искуство што трчав тука пред толку многу луѓе“, изјави Болт, отфрлајќи секаква надеж на љубителите на спортот дека ќе го видат на истата патека за седум месеци.

„Бев среќен и возбуден затоа што нема да се натпреварувам на Олимпијадата, така што фактот што ја истрчав оваа патека беше одлично искуство“, додаде Болт, објаснувајќи:

„Ме боли сето ова ...“

На Националниот стадион се одржа и скратена верзија на планираната церемонија на отворањето, на која учествуваа бројни групи за танцување и пеење, како и некои познати локални спортисти, како што е Казујоши Миура, јапонската фудбалска легенда, кој кратко време играше за загребски Динамо и се уште игра за ФК Јокохама , иако е на 52-годишна возраст.

Македонија

Малолетник прегазен во Велес, пренесен во скопските Клиники

 Во СВР Велес синоќа во 21:55 часот било пријавено дека на главната  улица „Благој Ѓорев“ во Велес, патничко возило „цитроен“ со велешки регистарски ознаки, управувано од 35-годишната велешанка М.Р.  удрило во малолетен пешак. 

Во несреќата со тешки телесни повреди се здобил малолетникот, информира денеска портпаролот на СВР Велес, Билјана Ѓаковска.

Таа додава дека по овластување на јавен обвинител извршен бил увид од увидна екипа од СВР Велес.

Како што информира за МИА портпаролот на ЈЗУ Општа болница Велес, Марина Андова, малолетникот бил прегледан на Одделот за Радиодијагностика по што било утврдена скршеница на левата потколеница, и по дадената лекарска помош поради тежината на повредата малолетникот бил препратен на Клиниките во Скопје на понатамошно лекување.

Македонија

Бензините поевтинуваат за денар ипол, а дизелот за еден денар по литар

Со одлуката се врши намалување на малопродажните цени на нафтените деривати во просек за 1,70 отсто.

Бензините и Екстра лесното масло за домаќинство од ноќеска на полноќ поевтинуваат за 1,5 денари за литар, а цената на дизелот се намалува за еден денар по литар, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши намалување на малопродажните цени на нафтените деривати во просек за 1,70 отсто.

Новата малопродажна цена на ЕУРОСУПЕР БС – 95 ќе изнесува 86 денари за литар, ЕУРОСУПЕР БС - 98 ќе се продава за 88, ЕУРОДИЗЕЛ БС (Д-Е V) за 74,5, а Екстра лесното масло за домаќинство (ЕЛ-1) за 74 денари за литар.

Со одлуката на РКЕ за 0,829 денари за килограм се намалува и малопродажната цена на Мазутот М-1 НС и ќе изнесува 45,832 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 2,438 отсто, кај дизелот за 2,100, кај екстра лесното масло за 2,605 и кај мазутот за 1,907 отсто. Курсот на денарот во однос на доларот по кој беа формирани цените со претходната пресметка е понизок за 0,407 отсто.

Свет

На Агенцијата за хуманитарна помош на ОН и бил забранет пристап до преминот Рафа во Газа

Агенцијата за хуманитарна помош на ОН денеска соопшти дека израелските власти ѝ забраниле пристап до граничниот премин Рафа меѓу Газа и Египет, кој сега е под контрола на израелската армија.

- Рафа е на нишан, рече Јенс Лаерке, портпарол на Канцеларијата на ОН за координација на хуманитарни прашања, на редовен брифинг во Женева.

- Израелските одбранбени сили ги игнорираат сите предупредувања што тоа би можело да значи за цивилите и хуманитарните операции низ Појасот Газа. Мислам дека е фер да се каже дека извештаите што ги добивме од колегите на терен се дека завладеала паника и очај, луѓето се преплашени, истакна тој.

Лаерке рече дека 76 отсто од Газа е под наредба за евакуација и на луѓето во Рафа не им е дадено доволно време да ги исполнат тие наредби.

Лаерке предупреди дека ОН и нивните партнери во Газа имаат гориво за еден ден, главно дизел за да управуваат со камиони и генератори.

Портпаролката на Канцеларијата на ОН за човекови права Равина Шамдасани изјави дека Израел има обврски врз основа на меѓународното хуманитарно право на цивилите во Газа да им обезбеди пристап до медицинска нега, соодветна храна, вода за пиење и санитарни услови.

Таа го изјави ова неколку часа откако израелските сили ја презедоа контролата на граничниот премин Рафа во јужниот дел на Појасот Газа.

- Неисполнувањето на овие обврски се граничи со принудно раселување, што е воено злосторство, додаде таа.

За израелската операција во Рафа, таа рече дека постојат силни индиции дека таа го прекршува меѓународното хуманитарно право. /МИА

притисни ентер