Вивијан, која легално поднесе барање за промена на името и полот во 2022 година на 18-годишна возраст, го нарече својот татко лажго во интервју за NBC News.
„Мислам дека тој претпостави дека нема да кажам ништо и дека ќе го оставам ова. Нема да го правам тоа затоа што ако грубо лажеш за мене пред милионска публика, јас нема да го оставам тоа така.“, рече таа.
Вивијан вели дека Маск бил свесен за нејзината транзиција и ги знаел сите нуспојави од нејзиниот третман, за кој вели дека вклучувал блокатори на пубертетот и хормонска заместителна терапија. Сепак, таа додава дека тие двајца речиси и не разговарале во последните четири години, а потсетувајќи се на своето детство, забележува дека бил присутен „можеби 10% од времето“.
„Таа проценка е дури и претерана. Тој имаше заедничко старателство и не беше тука. Тоа е само факт на времето, претходно не сфатив колку е ненормално искуство“, рече таа.
Вивијан е едно од шесте деца што Маск ги дели со поранешната сопруга Џастин Вилсон. Маск претходно ја опиша како „хомосексуалец и малку аутист“ и дека како дете му ја вадела облеката од плакарот, а таа вели дека неговото сеќавање е целосно лажно.
„Целата работа е целосно измислена и има причина за тоа. Тој не знае каков бев како дете затоа што едноставно го немаше, а за кратко време ме малтретираше дека сум женствена и очигледно тој не може да го каже тоа“, рече таа.
Да потсетиме, во интервјуто со Џордан Петерсон, Маск изјави дека му е жал и бесен е затоа што бил измамен да ги потпише документите кои ѝ дале одобрение за промена на полот на неговиот син во ќерка.
„Тоа беше пред да разберам што се случува и имаше ковид, па имаше многу конфузија“, рече Маск и изјави дека оваа ситуација му резултирала со голема загуба. Тој рече дека го загубил својот син од вирусот на будење што го предизвикало неговото дете да го смени полот.