Трагедија во Унгарија: Шестмесечно бебе починало откако било одземено од биолошките родители

Шестмесечно момче од Унгарија, кое неодамна од биолошко било префрлено во згрижувачко семејство, во саботата било пронајдено мртво во домот на згрижувачката мајка.

Се верува дека малото момче се задавило од млеко.

Малото момче неодамна било одземено од татко му и мајката бидејќи домот во кој престојуваат бил нехигиенски и дури 16 луѓе живеел под ист покрив. Бебето било сместено во згрижувачко семејство, кое претходно одгледувало бројни деца. Меѓутоа, вчера, како што се сомневаат, згрижувачката мајка накратко го оставила детето без надзор веднаш по хранењето, а не била тука да реагира кога се случило задушувањето.

Како што пишуваат унгарските медиуми, згрижувачката мајка вчера му дала на бебето дополнителна храна на шише и заминала две минути за да испрати гостин кој бил во куќата. Кога се вратила, момчето повеќе не давало знаци на живот.

Медицински и полициски екипи веднаш пристигнале на местото на настанот, но немало начин да се спаси бебето.

Полицијата истражува како се случила трагедијата, а Центарот за социјална работа ги одзел и другите две деца кои биле сместени во тоа згрижувачко семејство.

Девет лица загинаа во сообраќајна несреќа во Јужна Африка, се враќале од партиски митинг

Девет лица загинаа во сообраќајна несреќа во Јужна Африка додека се враќале од митинг на владејачката партија Африкански национален конгрес.

Поддржувачите на партијата на претседателот Кирил Рамафоса се враќале дома со автобус по митингот во градот Дурбан.

Автобусот излетал од патот и се превртел, соопшти полицијата.

Службите за итни случаи објавија дека уште 17 лица се повредени во несреќата кај градот Паулпитерсбург, на околу 360 километри северно од Дурбан.

Африканскиот национален конгрес соопшти дека некои од повредените се во критична состојба.

Партијата официјално ја започна својата изборна кампања на стадионот Мозес Мабхид во Дурбан пред десетици илјади поддржувачи, а изборите се закажани за 29 мај. /МИА

Лев: Не сум заинтересиран да работам во Германија

Поранешниот селектор на германската фудбалска репрезентација, Јоаким Лев ја отфрли можноста за назначување за тренер на Баерн.

-Постојат различни причини за ова. Од една страна, Баерн не е заинтересиран за мене, од друга, јас самиот не сум заинтересиран да работам за Баерн. Долго бев селектор на германската репрезентација, работа тука за мене не доаѓа предвид. Патував низ земјата 17 години, ги посетив сите стадиони и добро ги познавам клубовите. Така што во Германија немам мотивација, изјави 64-годишниот поранешен тренер во интервју за „Билд“.

Лев во текот на својата тренерска кариера од позвучните клубови има работено во Австрија Виена, Карлсруе, Фенербахче и Штутгарт.

Во моментов тренер на Баерн Минхен е Томас Тухел, но по завршувањето на сезоната 2023/24, Баварците ќе имаат нов предводник. /МИА

Почина Славе Сирачевски, познат угостител и сопственик на Аурора

Почина Славе Сирачевски, сопственикот на туристичката агенција Аурора Турс, угостителски објект на езерото Козјак и на еден од најубавите хотелски ресорти во Македонија, Аурора Берово.

Веста на фејсбук ја објави поранешниот директор на Агенцијата за туризам Љупчо Јаневски.

„Македонскиот туристички сектор загуби еден од креаторите и визионерите на македонскиот туризам.

Славе Сирачевски со Аурора Турс и уникатните концепти на Хотел Аурора Берово и Аурора Козјак успеа да докаже дека вложувањата за рурален туризам е голема можност во Македонија и пример за регионот!

Во мое лично име изразувам сочуство на семејството!

Благодарам Славе за многуте совети кои ги сподели со мене и помогна во мојот кариерен развој и развојот на македонскиот туристички сектор.

Почивај во мир Славе“, напиша на својот статус Љупчо Јаневски.

Сочувство до семејството Сирачевски од целиот тим на Канал 5.

притисни ентер