Култура

Тони Гламчевски на чело на филмскиот фестивал во Нанси

Меѓународниот филмски фестивал Нанси-Лорен, кој се одржува во градот Нанси на истокот од Франција и кој важи за еден од најголемите филмски фестивали во овој дел на Франција, годинава одбележува јубилејни 20 години од основањето.

На свеченото отворање на фестивалот во Нанси присуствуваше и амабасадорот на Република Македонија при Советот на Европа во Стразбур, Петар-Поп Арсов, со оглед дека фестивалот е претседаван и координиран од Тони Гламчевски, Македонец кој живее и работи во Франција како дописник на Македонската информативна агенција.

По отворањето на фестивалот, амбасадорот Петар Поп-Арсов имаше кратки средби и разговори со градоначалникот на Нанси Лоран Хенар, кој е новиот претседател на Радикалната партија – партија од центарот на десницата и најстара политичка партија во Франција. Потоа тој оствари средба и со заменик-претседателот на регионот Лорен во Жан-Пјер Муано, пред кои тој ја афирмираше нашата земја, како и за блиските пријателски односи кои се градат преку културата, чиј составен дел е филмот.

Филмската уметност ги има своите светски познати неодминливи станици на кои се претставува секоја година, како: Берлин, Кан или Венеција. Тука се и оние помалку познати за пошироката јавност фестивали, но кои имаат исто така големо значење за ширењето и претставувањето на разноликоста на филмската култура. Еден од тие фестивали е и Меѓународниот филмски фестивал Нанси-Лорен, кој годинава го доживува своето дваесетто издание од 29 август до 6 септември. Фестивалот е познат и под името „Ај Ај Филм Фестивал“, но од минатата година го преомени името со цел да стекне поголема афирмација на меѓународен план.

Ај Ај е мал лемуриан кој живее на Мадагаскар и кој поради своите големи љубопитни очи и ноќниот живот се покажа како најпогоден амблем за асоцијацијата која го доби неговото име „Ај Ај В.О.“ (организатор на фестивалот), која ја покажува својата љубопитност во откривањето на филмските бисери од целиот свет.

Меѓународниот филмски фестивал Нанси-Лорен е еден од најмакедонските и најбалканските филмски фестивали во Франција, а можеби и во светот. Во изминатите дваесетина години редовно се селектирани македонски филмови или македонски копрудукции кои се претставувани пред француската публика.

Со асоцијацијата Ај Ај В.О. организатор на фестивалот и со тоа воедно претседател-координатор на фестивалот претседава Тони Гламчевски, македонскиот новинар дописник на МИА од Франција.

- Фестивалот е вистинска среќа за љубителите на филмот, прекрасен и фасцинирачки прозорец отворен кон филмската уметност. И истовремно кон светот. Светот, во кој филмот фрла светлина врз неговите сенки и рани. Филмот и нашиот фестивал ни дозволува да ги укинеме границите меѓу реалноста и фикцијата. Да заборавиме на се, барем додека трае филмот. Изборот на филмовите се однесува на секојдневниот живот, на обичните или необичните нешта, пишува Гламчевски во каталагот на фестивалот.

- Уредувачката политика при селекцијата на филмовите, всушност, е во насока на одбрана а разноликоста, секогаш во насока на квалитетот, со ангажирани, смешни, емотивни, вознемирувачки или изненадувачки филмови, додава тој.

Годинава тој жали што во селекцијата на 9 долгометражни играни филмови и во натпреварувачката селекција од 9 документарни и 32 краткометражни филмови не се најде ниту еден македонски филм.

- Се обидовме да ги добиеме двата најнови македонски филма „До Балчак“ и копрудкцијата „Споменикот на Мајкал Џексон“, за првиот нашето барање не доби одговор, додека за другиот неговиот дистрибутор ни побара преголема сума, која не беше во капацитетите на нашиот фестивал, вели Гламчевски, кој ја потенцира многу добрата соработка со Агенцијата за филм на Република Македонија, откривајќи дека се размислува за одржување на недела на македонскиот филм во Нанси.

Инаку, на фестивалот во многу тешката конкуренција за селекцијата на краткометражни филмови беше пријавен краткометражниот филм „Мал дисконтинуитет во времепросторот“ на Гоце Цветановски, кој беше во потесниот избор на филмови, открива претседателот на Фестивалот Тони Гламчевски.

Во натпреварувачката селекција на краткометраќни филмови беа избрани само 32, од вкупно 1400 пријавени краткометражни филмови произведени меѓу февруари 2013 и април 2014 година.

Лани на фестивалот во Нанси беа прикажани филмовите „Панкот не е мртов“ на Владимир Блажевски, „Мајки“ на Милчо Манчевски.

За време на фестивалот, од 29 август до 6 септември, организаторите на публиката и предлагаат над 150 филмови од над 40 земји, можност за средба со други култури, друг начин на живеење, отворање кон културната разноликост со надминување на уметничките и географските граници.

Филмовите се претставени во шест селекции или вкупно 82 проекции: Меѓународна натпреварувачка селекција на 32 краткометражни филмови, избрани меѓу 1400 филмови направени во текот на 2013-2014 година, Селекција на краткометражни филмови за млади и деца, Зизз - Селекција на интересни или необични фимови, Слободен избор на филмови од партнерите на фестивалот од Палиќ - Србија, Полска, Транскавказијата, Селекција на филмови на баскиски режисери, Селекција на филмови кои се прикажуваат на отворено во дворот на реновираната Мануфактура (монополот за тутун) и натпреварувачка селекција на европски документарни филмови./МИА

Свет

Иран ќе гради ѕид на границата со Авганистан

Иран планира да ја запре илегалната имиграција од Авганистан. Затоа планира да изгради ѕид на границата, пишува Дојче веле.

Бетонскиот ѕид треба да биде долг 74 километри, висок четири метри, а дополнително ќе биде обезбеден со бодликава жица. Предвидено е да се гради на североистокот на Иран, каде што голем број луѓе илегално ја минуваат границата меѓу Иран и Авганистан.

Советот за национална безбедност стави на располагање околу три милијарди евра. Иранската армија треба да го обезбеди тој дел од границата во следните три години. Според иранска државна новинска агенција, задачата е логистички да се подготви ѕид со бодликава жица во провинциите Северен Хорасан, Разави Хорасан и Јужен Хорасан.

Границата на Иран со Авганистан е долга 950 километри. Во дел таа поминува низ непроодни планини и е тешко достапна. Луѓето од Авганистан бегаат од четириесетгодишната војна, сиромаштијата и (сегашните) талибански власти./МИА

Хороскоп

Неделен хороскоп за 20.-27. мај 2024 година

Неделен хороскоп за периодот од понеделник, 20-27. мај 2024 година. 

Близнаци 21.5.-21.6.

Љубов

Пред вас е недела исполнета со интензивни излегувања и бројни шанси за љубов. Вашиот социјален живот ќе оживее и ќе стане толку богат , што во прв момент можеби нема да се снајдете. Прифаќајте ги поканите, дотерајте се и излегувајте меѓу луѓе.

Кариера

Излезете и во пресрет на една личност , која не е сигурна како да ја заврши работата. Бидете отворени , зашто на крајот ќе стане збор за заеднички резултати , што ќе дојдат нешто подоцна. Благодарноста што ќе дојде , ќе ви биде добар мотив за понатамошната работа.

Здравје и совет

Прифатете ги луѓето околу вас.

Рак 22.6-22.7.

Љубов

Малите грижи во приватниот живот ќе ги компензирате со добрите аспекти во другите сфери на животот. Многумина ќе бараат излез во својата работа или во друшттво на пријатели и таму ќе останат додека не најдат нешто што ќе ги привлече емоционално. Многу ќе разговарате со сите.

Кариера

Ќе се замислите над својата иднина , а посебно над своите таленти. Ќе увидите дека тие не се до крај изразени и искористени. Ќе барате начин како да ги вклопите во работата , а некои ќе се впуштат и во дополнителна работа надвор од работното место.

Здравје и совет

Бидете свесни за себе.

Лав 23.7-22.8.

Љубов

Деновиве ќе мешате два приватни стила- едниот е разновиден , атрактивен и со многу луѓе , а другиот е тивок , повлечен , обичен, секојдневен. Некогаш ќе бидете главна цел на додворување , а другиот ден обична личност што ја забележуваат само пријателите. Ќе се чувствувате добро.

Кариера

Можете повеќе отколку што мислите. Угледни луѓе ќе ве поддржат , но не стигнуваат потребните заслуги. Поради сето тоа ќе ви биде потребно трпение. И натаму ќе работите без премногу прашања , зашто наскоро ќе го добиете очекуваното. Бидете професионални и сериозни.

Здравје и совет

Вежбајте ја концентрацијата.

Девица 23.8.-23.9.

Љубов

Во текот на наредните денови ќе знаете да се опуштите. Ќе почнат да ве интересирата најразлични теми , за кои ќе сакате да комуницирате со личности од спротивниот пол. Саканата личност ќе ја забележи оваа дистанца ,а за да не ве сфати погрешно , повеќе разговарајте со неа.

Кариера

Соработката меѓу вас и колегите ќе се обнови со помош на нови информации , кои ги очекувавте. Се ќе биде поставено на нови основи , а вие ќе треба да се најдете во нова улога. Ќе ви треба некое време за да се приспособите. Не треба да брзате.

Здравје и совет

Игнорирајте ги предрасудите и бидете поотворени.

Вага 24.9.-23.10

Љубов

Ќе забележите дека вашите лични односи особено се подобруваат. Секој ден вие ќе станувате поподготвени за да споделувате со другите. Саканата личност повторно ќе биде отворена кон вас. Ќе ве освежи интересен излет или патување.

Кариера

Информациите што ви беа потребни , пристигнуваат. Поради чекањето доволно се нервиравте , па немојте повторно. Едноставно прифатете ги новите насоки и направете се што можете. Бидете реални во очекувањата.Резултатите ќе дојдат.

Здравје и совет

Бидете трпеливи и немојте да ги нервирате луѓето околу вас.

Шкорпија 24.10-22.11.

Љубов

Во текот на оваа недела вашите односи ќе напредуваат во позитивна насока , а вие ќе стануваат поотворени и порасположени за љубов. Саканата личност повторно ќе ве опсипува со нежности , а вие еднакво ќе и враќате. Самците ќе имаат се повеќе додворувачи.

Кариера

Неделава ќе ги добиете потребните информации , па затоа ќе работите со одредено олеснување. Мали напори ќе бидат поврзани со комуникациите , но се полесно ќе излегувате на крај и со овие проблеми. Ќе покажете дека сте дораснати на задачите. На некои ќе им бидете пример.

Здравје и совет

Најдете си ја вистинската мерка во животот.

Стрелец 23.11.-21.12.

Љубов

Фантазијата и реалноста речиси секојдневно ќе ви се мешаат во љубовниот живот. Можеби ќе ја идеализирате саканата личност , припишувајќи и особини , кои ги нема во реалноста или ќе барате нешто невозможно. Треба да се симнете на земја. Тоа е здраво.

Кариера

Ќе ги зацврстите стекнатите позиции и повремено ќе се однесувате како диктатор , иако не сте такви. Гледате дека вредело што сте се потрудиле и сега мирно може да продолжите. Посебно добро ќе им оди на оние кои во работата ја користат својата интуиција или треба да се борат.

Здравје и совет

Задржете некои работи за себе.

Јарец 22.12.-20.1.

Љубов

Ќе ве привлекуваат многу скриени работи. Некои ќе се измачуваат со искушение од тајна љубовна врска. Страста нема да ви даде мир и во себе ќе водите силна битка меѓу разумот и чувствата. Би било подобро да тргнете по разумот. Преиспитајте се.

Кариера

Работата од сенка ќе ви биде најрпријатната опција . Она што го работите, ќе го извршувате мирно без премногу стрес. Ќе уживате да истражувате непознати работи , но и во детали. некои своите амбиции ќе ги сведат на реална мерка и тоа ќе им одговара.

Здравје и совет

Не обрнувајте внимание на кошмарните соништа.

Водолија 21.1.-19.2.

Љубов

Малку е веројатно дека ќе ги отпуштите кочниците. Опуштањето е она што во овој момент добро би ви дошло , но вие цело време сакате нешто по секоја цена , па дури и на сила Кога малку би се олабавиле , се би изгледало поинаку , а и вам би ви било полесно.

Кариера

Утврдени се нови правила за работа и сега постапувате по нив. Тоа што е напорно , е напорно и намате каде.Прифатете ги новите предизвици и носете се со нив со помош на подобра организација. Така ќе бидете поефективни.

Здравје и совет

Добро би ви дошло да повежбате во теретана .

Риби 20.2.- 20.3.

Љубов

Пред вас се убави љубовни денови , во кои ќе има многу шанси за зближување. вашиот социјален живот и натаму ќе биде богат ,а вие среќни и задоволни. Ако сте уште сами, немојте да седите дома. Одете меѓу луѓе , ве очекуваат.

Кариера

Вашите финансии постепено се стабилизираат . Истовремено ќе се отвори нова мрежа за деловна соработка, а некои од нив навистина ќе ви се допаднат. Поврзете се со можните колеги и соработувајте со секого кој за тоа ќе покаже интерес.

Здравје и совет

Опуштете се со добра музика.

Овен 21.3-20.4.

Љубов

Поголем дел од времето ќе се снаоѓате како што знаете . Еден ден ќе биде одлично , а другиот никако. Најдобро е оној другиот ден да останете дома. Не влегувајте во расправии , зашто лошо ќе завршат. Она убаво време меѓу вас и саканата личност , поминете го во љубов.

Кариера

Моментално не сте во најдобра форма за работа. Не само што не ви се работи , туку и ситуацијата не дава поттици. Недостатокот на мотивација ќе биде природна последица на ваквата состојба. Главно ќе го одработувате она што ви е обврска без премногу прашања.

Здравје и совет

Престојувајте во природа за да се освежите.

Бик 21.4- 20.5.

Љубов

Повременета оддалеченост , што ќе ја забележувате во личните односи , понекогаш ќе ве загрижува.Прифатете ја како шанса за да поработите на својата лична анализа. Ова е преодна фаза низ која полесно поминувате со хумор.

Кариера

Работата ќе ви изгледа се полесна. Сепак , тоа е само вашиот агол на гледање. Сега имате доволно причини безгрижно да работите , но напорот ќе ве стигне. Затоа организирајте се подобро. Понекогаш ќе треба да направите пауза.

Здравје и совет

Вежбајте техники за релаксирање.

Свет

Вахиди: Хеликоптерот принудно слета

Иранскиот министер за внатрешни работи Ахмад Вахиди изјави дека еден од хеликоптерите од конвојот со кој патуваше претседателот на Иран, Ебрахим Раиси, „трвдо слета“, а кон местото на инцидентот испратени се спасувачки екипи.

- Хеликоптерот принудно слета поради лошите временски услови. Ќе биде потребно време за спасувачките тимови да стигнат до местото на несреќата. Контактиравме со придружниците на претседателот, но комуникацијата е отежната и немаме точни информации, посочи Вахиди.

Претходно претставник на Иранската Црвена полумесечина, Бабак Махмуди изјави дека се испратени дронови кои ќе помогнат во лоцирање на хеликоптерот.

- Дронови на Црвената полумесечина и спасувачките тимови се распоредени на локацијата. Ние, исто така, истражуваме што се случило. Извештаите укажуваат дека имало несреќа и сите екипи треба да бидат на местото на настанот за да извршат увид, додаде Махмуди.

Во меѓувреме, Иранската државна телевизија почна да емитува молитва за претседателот. Додека иранската новинска агенција Фарс ги повика Иранците да се молат за Раиси.

Конвојот на претседателот се состоеше од три хеликоптери. Во другите две летала се превезувале други ирански функционери, меѓу кои и министерот за надворешни работи Хосеин Амирабдолахиан и гувернерот на иранската провинција Источен Азербејџан.

Раиси патувал во Источен Азербејџан, а инцидентот се случи во близина на градот Џолф, во близина на границата со Азербејџан, на околу 600 километри северозападно од главниот град на Иран, Техеран. /МИА

притисни ентер