Здравје

СЗО: Најголемата болница во Газа успеа да продолжи со работа во некои одделенија

Светската здравствена организација (СЗО) објави дека најголемата болница во Појасот Газа, тешко погодена од војната меѓу Израел и Хамас, успеала да ја врати работата во некои одделенија.

Како што изјави синоќа генералниот секретар на СЗО Тедрос Аданом Гебрејесус на платформата X, тимот на организацијата, заедно со своите партнери, успеал да стигне до болницата Ал-Шифа на северот на Газа и да испорача 9.300 литри гориво и медицински материјали, со цел лекување на околу 1.000 ранети луѓе и пациенти на дијализа.

Тимот на агенцијата на ОН увиде дека болницата повторно може да лекува пациенти благодарение на медицинскиот тим од 60 лица.

Ал-Шифа повторно има 40 кревети во одделот за хирургија и општа медицина, одделение за итни случаи и четири операциски сали, прецизираше шефот на СЗО, чија организација кон средината на декември соопшти дека се пружа помош на стотици повредени и дека најтешките случаи се евакуираат во друга болница, покрај опасноста.

Исто така, беше констатирано дека болницата Ал-Шифа повторно има гинеколошко-акушерско-радиолошки оддел, ограничен капацитет за хемодијализа и минимални капацитети за анализа.

„Повторно инсистираме дека здравството мора да биде заштитено и никогаш да не биде напаѓано, ниту милитаризирано“, нагласи генералниот директор на СЗО.

Болницата Ал-Шифа се најде во центарот на интензивно бомбардирање, а потоа и копнени борби во првите недели од војната меѓу Израел и исламската организација Хамас.

Израелската војска веруваше дека Ал-Шифа е главниот команден центар за операциите на Хамас во Појасот Газа, од каде потекнува екстремистичката организација.

Здравствениот систем во Газа е на работ на колапс, според СЗО. „Хуманитарната состојба на таа мала територија е неопислива и испораката на помош се соочува со речиси непремостливи пречки“, предупреди неделава шефот на СЗО.

Свет

Видео: Најмалку пет лица загинаа во торнадо во јужна Кина

Пет лица загинаа вчера во торнадо во јужната кинеска метропола Гуангжу, јави ДПА.Новинската агенција Синхуа денеска јави дека 33 лица се повредени во невремето.

Според официјалните податоци, торнадото предизвикало штета на 141 производствени капацитети, но ниту една станбена зграда не е урната.

Според Синхуа, работата на спасувачите сега е главно завршена. За време на торнадото, метеоролошката станица во областа Баијун во Гуангжу забележа брзина на ветер од над 20 метри во секунда.

Пред само една недела, Гуангжу и околната провинција Гуангдонг беа погодени од пороен дожд, при што загинаа најмалку четири лица, а повеќе од 100.000 жители беа евакуирани.

Гуангжу има население од над 18 милиони луѓе. Главниот град на провинцијата Гуангдонг е еден од најважните економски центри во Кина.

Фудбал

ЛШ: Тројца фудбалери на Баерн неизвесни за дуелот со Реал

Фудбалерите од средниот ред Џамал Мусиала и Конрад Лајмер, како и дефанзивецот Матијас де Лихт се под знак прашалник за првиот натпревар од полуфиналната пресметка на Баерн Минхен во Лигата на шампионите против Реал Мадрид

Фудбалерите од средниот ред Џамал Мусиала и Конрад Лајмер, како и дефанзивецот Матијас де Лихт се под знак прашалник за првиот натпревар од полуфиналната пресметка на Баерн Минхен во Лигата на шампионите против Реал Мадрид идниот вторник, објави германскиот клуб.

Мусиала вчера не настапи во победата на Баерн во Бундеслигата над Ајнтрахт Франкфурт поради воспаление на тетивата.

„Тој навистина сакаше да игра, а и ние. Имаше два дена кога не чувствуваше никаква болка, но тоа повторно се врати вчера“, објасни тренерот на Баварците, Томас Тухел.

Лајмер го истегна зглобот на натпреварот со Ајнтрахт, додека Де Лихт има повреда на лигаментите на коленото.

„Ќе видиме дали и двајцата ќе бидат подготвени за натпреварот во вторник. Ќе треба да почекаме да видиме што ќе покажат дополнителните тестови“, додаде Тухел.

Македонија

Во Скопје санкционирани 142 возачи, 52 за брзо возење

Вкупно 142 мерки, меѓу кои  52 за непочитување на брзината на движење се изречени во контролите на сообраќајот што вчера ги спроведе Секторот за внатрешни работи Скопје на територија на град Скопје.

Како што информира МВР, при тоа се изречени и 15 мерки за возење без возачка дозвола, шест за користење мобилен телефон при возење, шест за управување под дејство на алкохол,...

Од МВР најавуваат дека и во наредните денови ќе продолжат сообраќајните контроли и апелираат граѓаните да ги почитуваат сообраќајните правила и прописи за, какао што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер