Свет

Судот им го продолжи притворот на четворицата терористи, кои направија масакр во Москва (ФОТО)

Московскиот суд денеска соопшти дека до 22 февруари им го продолжиле притворот на четворицата обвинети за вмешаност во терористичкиот напад на концертната сала Крокус во Москва на 22 март годинава, кога загинаа 145 лица.

Судското рочиште се одржало зад затворени врати, а судот им го продолжил притворот на Исроил Исломов, Диловар Исломов, Аминчон Исломов и Алишер Касимов, пренесе РИА Новости.

Исроил Исломов е државјанин на Таџикистан и поседувал автомобил Рено со кој терористите избегале од местото на злосторството, а потоа биле приведени во областа Брјанск. Диловар Исломов и Аминчон Исломов се негови синови и тие се руски државјани.

Касимов е државјанин на Руската Федерација и им изнајмил стан на наводните извршители на терористичкиот напад.

Тој пред судот изјави дека не ја признава вината и дека не знаел за плановите на станарите да извршат терористички напад.

Терористичкиот напад во концертната сала Крокус Сити Хол во Красногорск во близина на Москва се случи на 22 март кога напаѓачите отворија оган од автоматско оружје врз луѓето во зградата и ја запалија салата.

Четворицата извршители на терористичкиот напад биле приведени на 23 март во Брјанска област.

Во врска со овој случај во Москва се уапсени 12 лица.

Четворица од наводните сторители првично биле обвинети дека извршиле терористички напад, а останатите се обвинети за соучесништво во извршувањето на ова кривично дело.

Обвинението потоа е проширено за да вклучи учество во терористичка организација и илегална трговија со оружје во организирана група.

Подоцна, од Дагестан во Москва биле префрлени уште петмина обвинети во тој случај - четворица државјани на Таџикистан и еден Русин.

Тие се обвинети за финансирање и обезбедување средства на сторителите на терористичкиот напад во концертната сала Крокус, како и за нелегално производство на експлозиви.

Уште двајца обвинети во тој случај се уапсени на почетокот на ноември, а се товарат за неовластено тргување со оружје и распрскувачки материи.

Обвинителите сметаат дека тие двајца обвинети им доставиле оружје на терористите.Двајца соучесници на терористичкиот напад се во бегство.

Хороскоп

Дневен хороскоп за 21. ноември 2024 година

Дневен хороскоп за четврток, 21. ноември 2024 година. 

Шкорпија 24.10-22.11.

Љубов

Понекогаш не можете да се препознаете.Се чини дека сакате повеќе од она што ви е дадено.Бидете поскромни , па ќе имате повеќе среќа.

Кариера

Не треба да се споредувате со другите.Секој е единствен и има свој талент.Треба само да се открие.

Здравје и совет

Преиспитајте се.

Стрелец 23.11.-21.12.

Љубов

Пред вас е емотивно напорен ден во кој ќе се појават преодни фрустрации.Немојте премногу да ги зенате при срце.

Кариера

На повидок е успешен договор или одобрување во врка со еден важен проект.Тоа ќе ве израдува.

Здравје и совет

Мали емотивни грижи.

Јарец 22.12.-20.1.

Љубов

Некако ќе се скротите и ќе увидите дека нема некаков напредок , барем за сега.Ќе се посветите на други работи.

Кариера

Би можеле да бидете многу успешни.Свртете се околу себа и ќе видите многу можности што не сте ги забележувале.

Здравје и совет

Бидете будни во секој момент.

Водолија 21.1.-19.2.

Љубов

На моменти ќе бидете целосно отворени и со леснотија ќе комуницирате со другата страна , а на моменти ќе се повлечете и ќе влезете во својот свет на соништата.

Кариера

Работите поврзани со пари или со вашата заработувачка денеска би требало да тргнат кон , нова позитивна насока.

Здравје и совет

Не ги заборавајте паузите .

Риби 20.2.- 20.3.

Љубов

Сигурни сте во себе и знаете што да очекувате од љубовта.Многумина денеска ќе се покажат пред друштвото, било да се сами или во двојка.

Кариера

Вашиот интензивен период ќе покрене многу позитивни аспекти , а ќе дојде и она што до чекавте.

Здравје и совет

Можете да поместите планини.

Овен 21.3-20.4.

Љубов

Ќе ја комбинирате страста со наивност.Ќе им бидете многу интресни на лицата од спротивниот пол , но нема да знаат на што се додека се со вас.

Кариера

Не се чудете доколку ви предложат некои помали промени.Многу се веројатни и ќе ви донесат сигурност и стабилност.

Здравје и совет

Прифатете го она што доаѓа.

Бик 21.4- 20.5.

Љубов

Леснотијата со која денеска ќе ги остварувате контактите денеска ќе биде зачудувачка.Единствено е важно да не зборувате премногу и што било.

Кариера

Сите работи поврзани со луѓе , или комуникации лесно ќе се одвиваат.

Здравје и совет

Прво промислете па потоа кажете.

Близнаци 21.5.-21.6.

Љубов

Денеска ќе посакате повеќе љубов и внимание, па така и ќе се поставите.Саканата личност ќе биде изненадена со вашата нежност.

Кариера

Саботажа е нешто што навреме треба да се открие и да се избегне.Мали детективски активности ќе ги осуетат намерите на противниците.

Здравје и совет

Работете колку што можете.

Рак 22.6-22.7.

Љубов

За вас веќе нема препреки , ниту тешкотии.Љубовниот живот ви е стабилен и она што го сакате-среден.

Кариера

Се повеќе очи се вперени во вас и многу се очекува од вашата работа.Свесни сте за тоа, па подгответе ја вашата програма за работа.

Здравје и совет

Бидете она што сте.

Лав 23.7-22.8.

Љубов

Без оглед што самодовербата ќе ви биде разнишана, излезете и дужете се со луѓе.Се ќе излезе на добро.

Кариера

Постојат уште некои договори кои не се толку важни , но треба да ги доработите до крај.Денеска ќе се занимавате со нив.

Здравје и совет

Мали двоумења.

Девица 23.8.-23.9.

Љубов

Ќе се покажете како вешт организатор на љубовни настани.Ќе успеете да го добиете она што го посакувате.

Кариера

Треба да внимавате со вашето однесување да не ги навредите важните лица или надредените.Тие ќе ве доживуваат како стрес.

Здравје и совет

Ќе ви недостига мир.Повлечете се.

Вага 24.9.-23.10

Љубов

Вашата потреба за љубов и внимание денеска ќе биде зголемена , а надворешната сосотојба нема да ви помага.Од таму и фрустрациите.

Кариера

Се што досега сте преживеале , ќе знаете да го наплатите.Ќе се договарате околу вашата наплата или хонорар.

Здравје и совет

Не мора сѐ да биде по ваше.

Македонија

„Само Интервју“ со Орце Ѓоргиевски

Дами и господа вечерва во Само Интервју ќе гостува Претседателот на ЗЕЛС и Градоначалник на општина Кисела Вода, Орце Ѓорѓиевски.

Сите зборуваат за проблемите во главниот град, никој да ги санира, дали со одземање на дел од ингеренциите на Градот, ќе профункционираат јавните претпријатија?

Како да дишеме чист воздух, има ли јунак што ќе го ослободи Скопје од партиските преписки?

Дали и кој ги става под „тепих“ загадувачите во Метрополата?

Скопјани мака мачат на студеното време, Владата уште не набави автобуси, , се „кршат“ ли политичките копја, врз грбот на граѓаните?

Што е целта на Унгарскиот заем - придвижување на општините или бустирање на рејтинзите на градоначлаиците пред локалните избори?

За кого е, а за кого ЗЕЛС не е, мост меѓу локалната и централната власт, што беше иницијална каписла за незадоволството во заедницата, дали е целосно надминато или е само затишје пред бура?

Вечерва во Само Интервју кај Гоце Михајлоски ќе гостува Орце Ѓорѓиевски., по вестите во 18 часот.

Здравје

Научници откриваат кој вид на кафе се поврзува со канцер, а кое кафе е најздраво

Инстант кафето е најчестиот избор на љубителите на кафе во Европа, но експертите предупредуваат дека прекумерното консумирање на ова кафе може да го зголеми ризикот од некои видови на рак. 

Причината за тоа е што инстант кафето содржи двојно повеќе акриламид од меленото кафе - хемиско соединение кое се формира при готвење на храна и варење кафе на високи температури.

Акриламидот е прогласен за „веројатен канцероген“ од страна на Меѓународната агенција за истражување на ракот (IARC), што значи дека постојат докази дека ова соединение може да предизвика рак кај луѓето. Лабораториските студии покажаа дека акриламидот во исхраната може да предизвика рак на белите дробови и репродуктивните органи кај животните, а научниците се согласуваат дека постои потенцијал акриламидот да предизвика рак и кај луѓето, според Агенцијата за стандарди за храна (FSA).

Едно полско истражување од 2013 година кое анализирало 42 примерока на кафе, вклучително и десет примерока од инстант кафе, покажало дека инстант кафето содржи двојно повеќе акриламид од свежо меленото кафе. Сепак, според истражувачите од Универзитетот Мекгил во Канада, треба да се испие околу десет шолји инстант кафе дневно за количината на внесен акриламид да стане загрижувачка.

Иако инстант кафето содржи акриламид, тоа исто така содржи повеќе антиоксиданси од меленото кафе, што може да ги заштити клетките од оштетување. д-р. Пал Маурович-Хорват, директор за медицинска дијагностика на Универзитетот Семелвајс во Будимпешта, вели дека инстант кафето содржи меланоидин, антиоксиданс кој ја зголемува разновидноста на бактериите во цревата, што може да помогне во заштитата од болести.

Филтер кафето кое се подготвува така што меленото кафе и жешката вода поминуваат низ хартиен или метален филтер, се смета за една од најздравите форми на кафе. Норвешките истражувачи ги проучувале навиките за пиење кафе на 500.000 луѓе во текот на две децении и откриле дека четири шолји филтер кафе дневно може да го намалат ризикот од болести на артериите, кои се главна причина за срцев удар.

Кафето на база на еспресо, како капучино, лате и „флат вајт“ се поврзани со придобивки за мозокот, вклучувајќи го и намалениот ризик од Алцхајмерова болест. Една италијанска студија од 2023 година покажала дека екстрактите од еспресо го намалуваат акумулирањето на токсичниот тау протеин, кој е еден од клучните фактори во развојот на деменција, кога се мешаат со мозочни примероци во Петриеви садови.

Откриено е дека кофеинот го намалува акумулирањето на амилоид, намалува воспаленија и изумирање на клетките во мозокот, што може да го намали ризикот од деменција. Сепак, според Здружението за Алцхајмерова болест, овие тврдења досега се потврдени само кај глувци, но не и кај луѓе, така што врската сè уште не е целосно докажана.

притисни ентер