Македонија

ССМ: Укината е срамната ревизија донесена од тројцата судии

Укината е срамната ревизија донесена од тројцата судии, новата Влада да не ги следи примерите на претходните кои беа против работниците.

Укината е срамната ревизија донесена од тројцата судии за кои укажувавме на почетокот на годината дека ја направија најголемата штета на синдикалното движење во Македонија, нешто што се нема случено ниту во Европа ниту во светот. Борбата што ја водевме овие осум месеци, ни овозможи да добиеме повторување на постапката и укинување на сите правни акти кои значеа конфискација на Работничкиот дом. Упатувам апел до новата Влада да не ги следи примерите на претходните влади кои беа против работниците и кои сакаа да го одземат Работничкиот дом од работниците, рече денеска претседателот на ССМ, Слободан Трендафилов.

Тој на прес-конференција напомена дека Предлогот на ССМ за повторување на постапката врз основа на доказите со кои Сојузот располага уште од 1948 година, е прифатен од Врховниот суд со насоки да се укинат сите досегашни пресуди, вклучително и ревизијата на Врховниот суд со која се конфискуваше Работничкиот дом од работниците на штета на целокупното работничко движење и на штета на ССМ, со единствена цел, да се уништи ССМ.

-Работниците, правдата и ССМ победија за само осум месеци корумпиран систем составен од корумпирани судии. За наша среќа, не сите судии се во истиот кош. Сакам да се заблагодарам на судијката Оља Крстиќеска во Основниот суд Скопје, која дозволи по брза постапка да се случи повторувањето и да се прифати предлогот за повторување на постапката, како и на претседателката на Врховниот суд, Беса Адеми, која овозможи согласно законските одредби, да даде приоритет на предметот за да може да се случи што е можно побрзо ваквото решение со укинување на срамната пресуда на Врховниот суд, односно, не на Врховниот суд, таму имаме и достоинствени судии, професионалци судии и судии кои работат согласно законите во Македонија, како двете судијки кои беа против уште при носењето на ваквата срамна пресуда од страна на овие тројца судии, како и судиите кои сега овозможија повторување на постапката во Македонија. Сакам да се заблагодарам и на сите судии кои беа вклучени како преку Основниот суд, така и преку Апелациониот суд кои се повеќе од 30 во овие години од 2005-та до денеска, кои судеа на страната на правдата, на страната на вистината, дека Работничкиот дом е граден од работнички плати, од работничка синдикална членарина од ССМ, истакна Трендафилов.

Според него, ССМ минатата година беше изненаден од пресудата во јануари 2024 година која значеше одземање на Работничкот дом од работниците.

-Тоа што сакам да нагласам е дека овој процес почна во 2005 од владата предводена од Владо Бучковски и заврши во 2023 година од страна на владата предводена од Димитар Ковачевски. Упатувам апел до новата Влада да не ги следи примерите на претходните влади кои беа против работниците и кои сакаа да го одземат Работничкиот дом од работниците со единствена цел - да го замолчат ССМ, особено поради една причина. Добивме информација дека е прифатена предлог-апликацијата поднесена до Стразбур и дека е повреден член 1 од Протоколот 1 кој значи право на сопственост. Сопственоста не може да биде предмет на политички и олигарсхиски игри. Сакаме да упатиме порака, Работничкиот дом е на работниците, сами бирате дали ќе бидете пријатели или непријатели на ССМ, подвлече Трендафилов.

Забава

Почна штипската „Пастрмалијада“ со сечење на џиновската пастрмајлија

Со сечење на џиновската пастрамајлија и официјално денеска се отвори манифестацијата штипска „Пастрмалијада“, а воедно денеска се пушти во употреба и прво шеталиште во Штип, на улицата „Ванчо Прќе“. 

По тој повод денеска во посета на Штип беше и претседателот на Владата на Република Северна Македонија Христијан Мицкоски. Градоначалникот на Општина Штип, Иван Јорданов ги покани граѓаните да уживаат во добрата музика овие два дена и да го вкусат штипскиот специјалитет.

-Имаме еден нов изглед на една улица која досега беше сообраќајница, а денес веќе е пуштена во употреба како шеталиште. Општината издвои 11 милиони денари за поплочување на оваа улица, претходно се работеше на прилагодување на сообраќајните решенија. Штип го менува изгледот инфраструктурно, сообраќајно, визуелно благодарение и на централната власт, изјави Јорданов.

На отворањето на „Пастрмалијадата“, премиерот Мицкоски рече дека е задоволен и од програмата, но и од проектите во градот и посочи дека продолжуваат со поддршката за сите општини.

-Сите оние кои имаат дилема како да го поминат викендот ги поканувам овде во Штип да уживаат во штипскиот специјалитет, штипската пастрмајлија. И се надевам дека ќе остане ова традиција и понатаму. Меѓудругото денеска сме овде и на отворањето на шеталиштето, изјави Мицкоски.

Претседателот на Владата на Република Северна Македонија, Мицкоски најави дека во Штип ќе се реализира и капиталниот проект обиколница, а која ќе чини околу два милиони евра.

Овогодинешната „Пастрмалијада“ е со нов концепт, нова локација и со цел да се врати традицијата и суштина на манифестацијата со настани за сите генерации./МИА

Македонија

Коалиција „Менуваме“ бара исплата на средства за лични асистенти

Коалиција „менуваме“ бара исплата на средства за лични асистенти, во спротивно најавуваат протест.

Лицата со хендикеп бараат исплата на средствата за лична компензација, со кои се финансираат асистентите на лицата со оштетен вид, а кои им следуваат согласно законот за социјална заштита.

Претседателот на коалицијата „Менуваме’ тврди дека еден месец асистентите низ земјава не ги добиле овие средства, а оние во скопје веќе втор месец. Бараат средба со министерот за социјална политика и исплаќање на средствата најдоцна до среда, во спротивно велат дека ќе излезат на протест.

Здравје

Таравари -Вработувањето на братучедот на директорот на детска клиника за советник е законско

Денеска со донација за Детската клиника во Скопје нов модерен рентген апарат во вредност скоро 60 илјади евра. 

По бурата рекации дека по укинувањето на економските директори дел од новите медицински директори повторно ги враќаат како нивни советници како што е примерот со Детската клиника, министерот за здравство со пофалби до поранешниот економски директор на детската клиника Алајдин Мемеди кој сега е советник на директорот Реџеп Мемеди дека бил одличен менџер. Според министерот не е проблем да се ангажираат советници. И покрај тужбата дека тој имал повисок коефицнет на плата и требал на болничката каса да и врати 2.300 евра министерот посочи дека Алајдин го добил судскиот спор и немало проблем да биде советник на сегашниот директор.

Инаку Реџеп Мемеди и Алајдин Мемеди според информациите од клиниката се братучеди. Но сегашниот директор Мемеди не одговори во камера дали станува збор за непотизам и дали немало друг добар кадар што може да го советува. Тој кажа дека на клиниката има недостаток од кадар во администрацијата.

Според извори на Канал 5 еден советник зема хонорар од 30 илјади денари. Економските директори ги укина владата со цел да се намалат трошоците. Во целиот здравствен систем имаше вкупно 30 економски директори и се очекува да се заштедат од повеќе милион евра. А традиционално јапонската амбасда во Макеоднија со нова донација. Денеска со донација за детската клиника во Скопје нов модерен рентген апарат во вредност скоро 60 илјади евра.

притисни ентер