Македонија

ССМ: Минималната синдикална кошница зголемена за 840 денари, во декември достигна 62.861 ден.

840 денари повеќе од претходниот месец му биле потребни на едно четиричлено семејство за да го преживее месец декември. 

Минималната синдикална кошничка скокна на 62 861 денар. Според пресметките на синдикатот само во делот на храна и пијалаци месецов споредбено со претходниот трошоците се зголемиле за речиси 400 денари, за што од ССМ велат трговците повторно го искористиле периодот пред стапување на сила на последната акција, која сами ја предложија, и ги зголемиле цените. Синдикатите бараат идните мерки да траат подолго и истите да бидат без најава од надлежните.

„Сојузот на синдикатите на Македонија бара мерките да траат подолго, за Владата значително да придонесе за зачувување на животниот стандард на граѓаните, а следната мерка да биде без за истата да бидат информирани трговците и стопанствениците за да не направат повторно злоупотреби на грбот на граѓаните и работниците,“ стои во соопштението од ССМ.

И од опозициската СДСМ обвинија дека наместо пониски во маркетите секојдневно имало повисоки цени. Според партијата основните прехрмабени производи сега станале луксуз.

„Цената на зејтинот порасна од 83 денари (цена од 1 октомври) на 97 денари. Јајцата, кои се продаваа од 75 до 85 денари, сега се над 100 денари, дури и до 140 денари за едно пакување. Кашкавалот од некои производители веќе надминува 600 денари за килограм. Јогуртот со 3,2% масленост достигнува над 72 денари.“- СДСМ

Заменик министерот за економија, Марјан Ристески вели берзанските порозиводи не се дел од кошничката, наспорти опозициската СДСМ тој е оптимист дека акцијата ќе даде резултат. Смета дека со кошничката која ја предложија самите трговци граѓаните ќе имаат значителна заштеда за новогодишните празници.

„Маслото и сите берзански производи не се опфатени во оваа кошница, бидејќи воопшто не можеме ние да влијаеме како држава на светските берзи на цените на кафето, какото, шеќерот, путерот, малсото, и ред други берзански производи. Ние и понатаму ќе ги поддржиме сите општествено одговорни акции, ќе направие анализа на сите оние податоци кои ќе излезат на крајот од акцијатаи се надевам дека на 1100 производи кои граѓаните точно може да ги таргетираат и одберат по маркетите ќе имаме позитивен и добар ефект по завршувањето на кошничката....“- Маријан Ристески – заменик министер за економија

Од пазарен и денеска велат инспекторите се постојано на терен, акцијата се следи и согласно законот за акциска продажба не се утврдени нерегуларности. Според инспекторатот, сите оние над 1000 производи кои се дел од кошничката, се намалени согласно најниската цена која ја имале изминативе 30 дена.

Регион

Протест на граѓаните на Загреб по нападот во основното училиште „Пречко“

Во центарот на Загреб од 18 часот се одржува протест кој има за цел да ја зголеми безбедноста во училиштата, по нападот што се случи во петокот кој го потресе целиот регион.

Во нападот што го извршил млад човек (19) со психички растројства загинало едно дете, а ранети се наставничка и неколку ученици.

На протестот во центарот на Загреб се собраа околу 200 луѓе, пренесува Индекс.

Граѓаните во центарот на Загреб носат транспаренти и палат свеќи.

Протестот го организираат три училишни синдикати, кои ја поканија јавноста да им се придружи.

Забава

Фановите на Џенифер Лопез се воодушевени од нејзиниот нов телохранител: Убаво ѝ прилега (ФОТО)

Папараците ја снимиле Џенифер Лопез за време на божиќниот шопинг во Лос Анџелес, а најголемо внимание привлече нејзиниот нов асистент и телохранител.

Социјалната мрежа Х е преплавена со коментари за неговиот изглед, а некои корисници велат дека Лопез на фотографиите изгледа „среќно покрај него“.

„Изгледа подобро покрај овој човек отколку што изгледала покрај Бен Афлек“, „Нејзиниот нов телохранител е толку убав, тој изгледа како витез покрај неа што ја штити“, „Се надевам дека таа ќе го освои“, беа само некои од коментарите.

Според странските медиуми, овој човек почнал да работи за Лопез откако таа објавила дека се разведува од Афлек.

„Тој е нов член на нејзиниот тим за обезбедување, но не е единствениот. Таа има неколку телохранители околу себе секогаш кога излегува, тие едноставно едвај се гледаат“, изјавил извор за Дејли Мејл во ноември.

Потсетуваме, познатата пејачка и актерка неодамна се осврна на разводот со Бен Афлек и објасни како ги надминува тешкотиите кои ѝ се случија неодамна.

„Мислам дека некои работи не ми се случуваат мене и се обидувам да сфатам која е лекцијата што треба да се научи во овој момент“, рече таа и додаде: „Кога размислувам за такви работи и останувам во еден вид попозитивен начин на размислување за тоа, полесно е да се сфати како лекција“.

Таа истакна дека секогаш размислува што треба да научи од животните ситуации кои ѝ се случуваат, а истакна дека не верува во случајности. „Ништо не се случува случајно. Сè се случува со причина“, додаде таа.

„Секогаш се прашувам што можам да научам и како да излезам на другата страна подобра, посилна, пообразована и некако да пораснам од таа точка“, заклучила таа.

Свет

Мажот кој со автомобил влета меѓу ученици во Кина, е осуден на условна смртна казна (ВИДЕО)

Маж од кинеската провинција Хунан, Хуанг Вен, е осуден на условна смртна казна бидејќи со својот автомобил влетал во ученици од основно училиште, објави кинеската новинска агенција Ксинхуа.

Нападот се случил на 19 ноември во седум часот наутро, кога Хуанг со своето возило прегазил 18 основци. Возилото застанало поради техничка грешка, а пријавениот излегол од возилото и продолжил да ги напаѓа луѓето во близина.

Во инцидентот повредени се вкупно 30 лица, а причинета е и голема материјална штета на јавен и приватен имот.

Според судот, Хуанг го сторил делото бидејќи претходно изгубил пари и се скарал со семејството.

Условната смртна казна значи дека казната може да се одложи или укине врз основа на одредени околности како што се нови докази или жалба.

притисни ентер