Македонија

Спиропали: Жалиме за неисполнувањето на обврската преземена од Македонија за уставните измени

За двојазичноста, застапеноста на Албанците во институциите, промената на уставот, коридорот 8 – надвор од вообичаената дипломатска пракса, претседателката на албанскиот парламент Елиза Спиропали од македонското собрание даде низа коментари .

За двојазичноста, застапеноста на Албанците во институциите, промената на уставот, коридорот 8 – надвор од вообичаената дипломатска пракса, претседателката на албанскиот парламент Елиза Спиропали од македонското собрание даде низа коментари за внатрешните прашања на Македонија. На прес конференцијата со нејзиниот колега Гаши ги кажа нејзините очекувања, а меѓудругото рече дека и било жал што земјава ги нема спроведено уставните измени како дел од преземените обврски за евроинтеграциите.

„Во блиска иднина, императив е и за ЕУ, така и за земјите од Западен Балкан да ги потврдат меѓусебните заложби во процесот на пристапување. Во овој контекст, жалиме за неисполнувањето на обврската преземена од Македонија во однос на уставните измени. Тие овде и пошироко се гледаат како соодветна жртва со заслужената награда што недостасува.“

Спиропали ја коментираше и најавата на Уставен за преиспитување на уставноста на Законот за јазици – рече дека очекува нивната одлука да биде согласно Охридскиот рамковен договор.

„Албанскиот јазик, барем за нас Албанците, е свет и истиот има врска со суштината на нашиот идентитет. Неговото кршење во која било форма, очигледно многу боли и го нарушува токму овој идентитет. Целосно ја препознаваме и ја разбираме загриженоста на албанскиот фактор за можноста од можни промени, во зависност од очекуваната одлука на Уставниот суд, но очекуваме дека ваквите нарушувања ќе имаат решение согласно духот што го диктира Охридскиот рамковен договор.“

За законот за јазиците се огласи и лидерот на ДУИ Али Ахмети кој имаше средба со Спиропали. Според него употребата на албанскиот јазик не треба да се повредува и со отворањето на ова прашање вели може да се креираат длабоки кризи.

Законот за јазици беше изгласан во 2018 година и објавен во Службен весник без потпис на указот од претседателот Ѓорѓе Иванов. Дури потоа беше испратен до Венецијанската комисија, а во одговорот оттаму најмногу забелешки имаа за судските постапки, со оценка дека законот наметнува нереални правни обврски. Тогашната владејачка коалиција СДСМ и ДУИ ветуваше дека ќе ги имплементираат препораките, но во пракса тоа не се случи.

Неодамна претседателот на Уставен суд Дарко Костадиновски изјави дека поради бројните дилеми и недоверба во Законот, судиите следниот месец ќе носат уставно-правна и аргументирана одлука за овој предмет, кој е формиран уште во 2019та година по поднесени 13 иницијативи од граѓани, политички партии и здруженија.

Свет

Дуелот меѓу Камала и Трамп е најнезивесната претседателка трка во САД во последните 60 години

Претседателските избори во Америка, кои ќе се одржат на 5 ноември, ќе бидат најнеизвесните во последните 60 години.

Бидејќи Камала Харис, актуелниот потпретседател на САД и кандидат на Демократската партија, и Доналд Трамп, поранешниот претседател и кандидат на Републиканската партија, имаа дебата на 10 септември, анкетите на јавното мислење покажуваат дека разликата помеѓу тие се премногу мали за со сигурност да се предвиди победникот.

Како што јави Си-Ен-Ен, ситуацијата е особено неизвесна кога станува збор за освоените гласови на Изборниот колеџ, кој на крајот го избира претседателот во американскиот Конгрес.

Истражувањето спроведено од „CBS news“ и „NBC news“ покажува дека Камала Харис досега има најголема предност пред Трамп и води со четири до пет процентни поени.

Кога ќе се земат предвид сите истражувања спроведени по дебатата во која Камала Харис остави подобар впечаток, а кои ги спроведоа „ABC news/Ipsos“, Fox News“ и „The New York Times“, таа е во водство од три процентни поени.

На национално ниво ниту еден од кандидатите не успеа да се одлепи со повеќе од пет процентни поени. Ова го зема предвид и периодот кога Џо Бајден беше најверојатниот кандидат на Демократската партија.

Последен пат ваква неизвесна кампања беше во 1960 година, кога се натпреваруваа Џон Кенеди и Ричард Никсон. За прв пат на овие избори учествуваа 50 американски сојузни држави (прв пат учествуваа Алјаска и Хаваи), а Кенеди победи со само 112.827 гласови повеќе или 0,17 отсто.

Исто така, постои веројатност Камала Харис и Доналд Трамп да имаат еднаков број електорски гласови по изборите. Во тој случај, изборот се пренесува во Претставничкиот дом на американскиот Конгрес, каде секоја од делегациите на сојузните држави ќе има по еден глас.

Во тој случај Трамп би бил во подобра позиција бидејќи републиканците имаат контрола врз овој дом.

Кога сè е кажано и направено, таква неизвесна трка речиси и не е видена и секој мал потег може да направи разлика, што ќе се почувствува во светот.

Македонија

Илире Даути да го стави Законот за бранители на собраниска седница, бараат од ВМРО-ДПМНЕ

Пратениците на ВМРО-ДПМНЕ, ги повикуваат пратениците од Социјалдемократскиот сојуз (СДСМ), Илире Даути од коалицијата „Европски фронт“ да свика седница.

СДСМ и ВМРО ДПМНЕ и натаму меѓусебно се прозиваат околу Законот за припадниците на безбедносните сили..Пратеничката на ВМРО-ДПМНЕ,Митева најави дека доколку СДСМ одбијат да стават потпис на иницијативата тогаш како што изјави ќе се види вистинската намера на СДСМ да го политизира прашањето.

Од СДСМ пак ги обвинија од ВМРО-ДПМНЕ дека очајно сакаат да се спасат затоа што ги излажале семејствата на бранителите и потсетуваат дека Изет Меџити во интервју јасно кажаЛ дека постоЕЛ коалициски договор меѓу ВМРО-ДПМНЕ и ВРЕДИ Законот за бранители „да остане заглавен“.. ОД СДСМ потсетуваат дека пратеничката група упатила писмо до претседателот на Собранието, Африм Гаши, со кое регирале за несвикувањето на надлежната комисија.

„Зошто сега ВМРО-ДПМНЕ сака да го спаси Гаши од одговорност и повторно да ја врати постапката назад? ВЕЛАТ МЕГУДРУГОТО ОД СДСМ

Нема потреба од очајни маневри, многу е едноставно. Наместо да коленичи Мицкоски нека го повика Гаши да ја свика комисијата и да го почитува собранискиот деловник.

Носењето на Законот за бранители зависи од ВМРО-ДПМНЕ која има мнозинство во Собранието.“

Во меѓувреме, претседателката на Комисијата, Илире Даути за Канал 5 рече дека Законот нема да помине преку неа, освен ако не ги вклучи и војниците од ОНА.

„Во нашата работа ќе продолжиме да го почитуваме членот 9 од Уставот на Македонија, според кој сите граѓани според кој сите граѓани мора да бидат подеднакво третирани.“, вели Даути.

„Повторувам, се додека Законот не ги опфати војниците од ОНА, тој нема да помине преку мене.“

Изминатиот период Законот за бранителите предизвика многубројни реакции во јавноста. Во мегувремне ниту спикерот Гаши не свика комисиска седница како што тоа го направи за Законот за унгарскиот кредит..

Првично Предлог-измените за законот кој заглави во собраниските процедури, ги предложи Славјанка Петровска од СДСМ, а за гласањето на дневниот ред доби поддршка и од пратениците на ВМРО-ДПМНЕ.

Шоу биз

Мајкл Даглас би исплатил огромна сума, доколку се разведе од помладата сопруга

Предбрачниот договор можеби не е најромантичната работа за која треба да се разговара пред да се венчате со љубовта на вашиот живот, но за холивудските ѕвезди Кетрин Зета Џонс и Мајкл Даглас, тоа беше задолжително.

Актерското дуо започна да се забавува во 1999 година, а се венчаа во ноември 2000 година.

Според „The Guardian“, процесот на креирање на нов договор не бил сосема лесен. Било објавено дека ѕвездата од „Чикаго“ сакала повеќе од три милиони евра за секоја година брак, плус свој дом. Даглас, наводно, се повлекол, но на крајот дошле до договор кој гарантирал дека Зета-Џонс е добро заштитена доколку некогаш се разведат.

Ако Мајкл ја изневерил, таа би добила 5 милиони долари, покрај дополнителни 2,8 милиони долари за секоја година од бракот. Тоа е прилично сума, дури и за еден холивудски магнат кој има околу 350 милиони долари на своето име, според Celebrity Net Worth.

Иако Кетрин во текот на бракот го направи своето богатство, таа верува дека потпишувањето на предбрачниот договор било фер.

- Мислам дека предбрачните договори се одлични. Да се ​​омажев за некој посиромашен, кој беше 25 години помлад, ќе го направев токму истото. Јас сум многу среќна. Имам мои пари. Јас сум самодоволна и мислам дека тоа е добро за нашата врска. Никогаш не сум добила ниту цент од ниту еден маж и многу сум горда на тоа – изјавила Кетрин.

Кетрин и Мајкл се во брак 24 години, што значи дека доколку актерката сега се разведе, би добила отштета од 67,2 милиони долари, пренесува „NickiSwift“.

притисни ентер