Живот

Случајно си пукнал со харпун во главата- му поминал низ черепот и мозокот: Имав среќа

Каиаторн Танкраток (14) од Тајланд случајно си пукал со харпун во глава, но за чудо преживеал.

Тој, наводно, пукал во водата, но стрелата удрила во карпите, се одбила и го погодила во главата, пишува Дејли Мејл.

Рендгенските снимки покажуваат дека стрелата завршила меѓу неговите веѓи, откако „го прободела черепот и поминала низ мозокот“.

Болничарите го пронашле момчето како се мачи додека лежело на земја со харпунот кој му излегувал од главата. Лекарите во болницата веднаш ги презеле потребните мерки, го отстраниле испакнатиот дел од харпунот, но го испратиле во поголема болница каде бил опериран.

Момчето се уште е под опсервација поради можен развој на бактериско воспаление на мозокот.

"Се сеќавам дека застрелав со харпунот во водата и тој ме удри во глава. После тоа паднав од силните болки. Сега се чувствувам подобро, но нема да го користам харпунот повторно за риболов", изјавило момчето.

Шефот на спасувачката единица истакнала дека селаните од Чакарат често користат харпуни наместо риболовни стапови.

„Имаше среќа што остана жив, харпунот му се заглави во черепот“, истакна тој.

Пред една година сличен инцидент се случил кога харпун беше испукан во лице на 30-годишен маж, а стрелата му ги прободела двата образи.

Фудбал

Халанд најбрзо до 40 гола во Лигата на шампионите

 Фудбалерот на Манчестер сити, Ерилнг Халанд синоќа беше стрелец во победата на неговиот тим против Лајпциг со 3:2 во натпреварот од 5. коло од групната фаза на Лигата на шампионите.

Норвежанецот на оваа средба го постигна својот 40-ти гол во 35-от натпревар од елитното фудбалско натпреварување.

Халанд е играчот кој најбрзо стигна до 40 гола во Лигата на шампионите. Тој го собори и рекордот на напаѓачот на ПСЖ, Килијан Мбапе и стана најмладиот играч кој постигнал 40 гола во Лигата на шампионите (23 години, 130 дена).

Оваа сезона, 23-годишниот Халанд забележа 20 настапи за Манчестер сити во сите натпреварувања, постигнувајќи 19 гола и четири асистенции.

Свет

Турција очекува да го ратификува приемот на Шведска во НАТО до крајот на годинава

Шефот на шведската дипломатија Тобијас Билстром изјави дека неговиот турски колега Хакан Фидан му рекол дека ратификацијата на приемот на Шведска во НАТО може да се случи „во рок од неколку недели“.

-Го чекаме спроведувањето на ратификацијата. Вчера имав билатерална средба со турскиот министер за надворешни работи Хакан Фидан, на која тој изјави дека очекува ратификацијата да се случи во наредните недели, рече Билстром.

Изјавата на шведскиот министер ги потврдува зборовите на висок функционер на Стејт департментот, според кои турскиот министер за надворешни работи вчера на своите колеги од НАТО им рекол дека напорно работи на ратификацијата на приемот на Шведска во алијансата и посочил како веројатен период до крајот на годината.

Регион

Независните пратеници кои ја напуштија СИРИЗА формираат пратеничка група

Единаесетмина пратениците, меѓу кои и поранешни министри, кои во изминатиот период ја напуштија грчката опозициска партија СИРИЗА формираат пратеничка група во Парламентот, јави дописничката на МИА од Атина.

Пратениците доцна синоќа одржаа состанок и како што беше очекувано и се најавуваше, се договорија да формираат нова пратеничка група за која го имаат доволниот број, со оглед на тоа дека за формирање потребни се најмалку десет пратеници.

Новата пратеничката група, официјално ќе биде промовирана в понеделник кога ќе биде соопштено и името, додека пак претседател ќе биде поранешниот министер Алексис Харицис.

Станува збор за пратеници од две фракции, кои си заминаа од СИРИЗА поради несогласувањата со новиот партиски лидер Стефанос Каселакис.

притисни ентер