Славниот Аргентинец во кариерата настапуваше за Индепендиенте, Атлетико, Манчестер Сити и Барселона, а за аргентинската репрезентација одигра 101 натпревар и постигна 41 гол. Со Атлетико ја освои Лигата на Европа, а најславните денови ги помина во Сити со кој пет пати беше шампион на Англија.
Тој го постигна голот за 3-2 против КПР во судиското надополнување со кое Сити ја освои титулата во 2012 година. Последните денови од кариерата Агуеро ги помина во Барселона, каде што се пензионираше во 2021 година поради сериозни проблеми со срцето.
„Сан“ ја објави веста дека на Агуеро му оди многу добро во покер и дека славел на последниот GGPoker турнир и како главна награда зел 50 илјади евра. На тој турнир учествувале многу познати покер имиња, а главна ѕвезда бил Демијан Салас, играч кој во кариерата заработил повеќе од 3,5 милиони евра.
Агуеро го победил во игра на хед-ап покер, формат кој се состои од само двајца играчи кои се натпреваруваат еден против друг. Во текот на целиот турнир, Агуеро носел горен дел со качулка и очила за сонце за да го скрие својот идентитет. Но, на крајот новинарите го препознаа.