Најлошо поминало седумгодишното момче Андреа Отеро, кое итно било префрлено во болница, каде лекарите се борат за неговиот живот откако избегнал сериозни повреди.

„Нашите мисли се со семејството и сите засегнати од овој настан. Контактиравме со семејството и ќе продолжиме да помагаме во собирањето докази“, се вели во соопштението на полициската управа во Орландо.

На социјалните мрежи се објавени неколку видеа од дронови кои паѓаат од небо. Најмалку еден од беспилотните летала удрил во посетители и паднал, објави магазинот People.

„Внимавајте, внимавајте“, се гледа на некои од снимките додека преплашените посетители се обидуваат да ги избегнат беспилотните летала.

Boy 'Fighting for His Life' After Being Injured as Drones Fell from the Sky During Florida Holiday Show - People https://t.co/ES57IRmQrR

— James Marion Gray (@GrayJMarion) December 23, 2024

Мајките Џесика Ламаж и Адријана Еџертон изјавиле дека нивниот син „се борел за живот во собата за итни случаи“, откако бил „удрен во лице од дронови“ за време на шоуто.

„Ве молам, молете се за мојот син, отидовме на шоу со дронови на езерото Еола, а еден од дроновите го удри во лицето“, напиша Џесика Ламаж на Фејсбук, покрај фотографијата на нејзиниот син во болница со крвава усна.

„Никогаш не сум била толку исплашена. Не можам да верувам дека шоуто со дронови во паркот Лејк Еола се претвори во ова. Преплашена сум за моето дете“, додаде таа.

Компанијата „Sky Elements Drones“ објави соопштение по инцидентот во кое изразува надеж за целосно и брзо закрепнување на сите инволвирани.

На речиси сите планински превои во западниот дел од Македонија има забрана за тешки товарни возила.

На превојот Стража, еден од најкритичните патишта за сообраќај, два камиона се заглавија во снегот и го блокираа сообраќајот, што доведе до значителен застој.

Поради сообраќајна незгода, во прекин е и сообраќајот на патот Ресен-Охрид преку планинскиот превој Буково.. Порталот Плусинфо јави дека на патот Маврово-Дебар се превртел автомобил, откако возилото се излизгало поради мразот на патот, но среќа нема повредени лица.

Силни врнежи на снег има и на автопатот Скопје – Гостивар, а отежнато е и движењето на Плетвар... Од попладнево забрана за тешки товарни возила е воведена и на патот Прилеп-Македонски брод..

Од МВР велат дека полицијата и надлежните институции постојано работат на расчистување на патиштата и обезбедување на безбедноста на граѓаните и повторно апелираат до сите возачи да бидат внимателни, да возат споро и да се придржуваат до сообраќајните правила…

Ќе биде 8 пати поблиску до нашата најблиска ѕвезда од Меркур, а за време на тој лет ќе го собори и сопствениот рекорд на брзина и ќе потврди дека е најбрзиот објект направен од човечка рака.

Сондата Паркер е лансирана во август 2018 година за да го проучува Сонцето одблизу. Оттогаш лета директно низ Сончевата корона, надворешниот дел од атмосферата, а новиот рекорд ќе биде пристигнувањето на растојание од 6,1 милиони километри од површината на ѕвездата, пишува LiveScience.

Во 12:53 часот на 24 декември, Паркер ќе достигне брзина од 700.000 километри на час и ќе се приближи до Сонцето што е можно поблиску. За да успее во тоа, сондата ќе треба да издржи температура од 1.371 степени, а се верува дека ќе успее во тоа благодарение на речиси неуништливиот штит.

- Ова е монументален потфат за целото човештво. Тоа е исто како слетувањето на Месечината во 1969 година - изјави претходно Нур Рауафи, астрофизичар од Универзитетот Џон Хопкинс.

Научниците се надеваат дека конечно ќе откријат зошто Сончевата корона е стотици пати потопла од површината, како и што ги придвижува сончевите ветрови.

Претходниот рекорд за брзина на сондата Паркер беше 635.266 километри на час. Ако вселенското летало на Земјата би имало ваква брзина, би можело да направи 15 кругови околу планетата за еден час или да лета од Њујорк до Лос Анџелес за нешто повеќе од 20 секунди.