Македонија

Синдикат на УПОЗ: Вработените од Јавното обвинителство немаат добиено плата за септември

Од Синдикалната организација на јавните обвинителства при Синдикатот на УПОЗ информираат дека вработените од Јавното обвинителство немаат добиено плата за септември. 

Посочуваат дека неколку месеци платите во ЈО се исплаќаат со задоцнување и пробивање на законски утврдениот рок до 15-ти во месецот.

- По доаѓањето на новата власт за јавнообвинителските службеници се исплаќаат додатоците на плата во износ од 20 отсто. Исплатата на платите за сите вработени, јавните обвинители и службата не оди без проблеми, односно според информациите со кои ние располагаме тешко се добива одобрувањето од Министерство за финансии за пренамена на средствата за да може да се земат додатоците на плата, што прави да се одолговлекува исплатата на платата. Ние сме свесни за целосно руинираниот буџетот на државата, но ние не бараме повеќе од она што ни следува по закон. Сакаме да ја запознаеме јавноста дека функционерите (обвинителите) и службениците воопшто не се исти. Службениците во обвинителствата ги извршуваат своите работни задачи, чесно, ефективно и ефикасно иако еден службеник извршува работни задачи за тројца или четворица, поради недостатокот на вработени. Ние како јавнообвинителски службеници не се мешаме во политиките на Владата, само бараме да се цени трудот на оние кои што си ја вршат работата ревносно и професионално и да не се дозволи да трпат сите оние кои што за ништо не се виновни ниту за довербата, ниту пак за функционирањето на обвинителството,велат од Синдикатот во објава на Фејсбук.

Просечната плата на вработените во јавнообвинителските службеници, како што се посочува во објавата, е 28.000 денари. Во јуни исплатени се 20 проценти додатоци на плата на 16 јули, во јули исплатата е направена на 8 август, а во август на 18 септември по донесувањето на ребалансот на буџетот.

Од Синдикатот на УПОЗ појаснуваат дека работодавач во Јавното обвинителство е републичкиот јавен обвинител, но одобрението за добивање на плата го дава Министерството за финансии. - Иако Јавното обвинителство има сопствен Буџет, кој треба да изнесува најмалку 0,4 проценти од БДП, Министерството за финансии одобрува и префрла едвај 0,2 проценти од БДП, се наведува во објавата.

Автомобилизам

Астон Мартин и Џејмс Бонд ја одбележаа 60 – годишнината од соработката со нов модел (ВИДЕО)

Производителите на премиум брендовите на автомобили повремено го зајакнуваат својот имиџ и продажбата со специјални модели.

Aston Martin, марката често промовирана во филмовите за Бонд, го претстави својот Aston Martin DB12 Goldfinger Edition.

Голдфингер во името се однесува на насловот на третиот филм за Бонд, снимен во 1964 година. Тоа беше и првиот филм во кој автомобилот на Бонд беше Aston Martin, сребрен DB5. Од тогаш до денес, Бонд во филмовите возел различни марки на автомобили, но најзастапен бил Астон Мартин, пишува Форбс.

Но, изгледот на автомобилот во филмот не е бесплатен за производителот. Во 2019 година, британски Мирор објави дека филмот „Нема време за умирање“ за промовирање на сите брендови заработил 75 милиони фунти. Станува збор за околу 90 милиони евра, а дел од промовираните компании се Хајнекен, Болингер, Омега и Астон Мартин.

Како што е вообичаено со повеќето филмови за Бонд, филмскиот автомобил од 1964 година беше специјално опремен. Имаше кафени митралези кои излегуваа од под предниот трепкач кога се активираше, штитник од куршуми на задното стакло, генератор на чад, пумпа за излевање масло за да ги лизне неговите гонители, седиште за исфрлање на патниците, тројна регистрација што можеше да се ротира по потреба, и други заштитни средства.

За снимањето и промоцијата на филмот се користени три специјално опремени Aston Martin DB5, а еден од нив моментално се наоѓа во музејот за автомобили Louwman во Хаг, Холандија.

За да го одбележи тој филм снимен пред 60 години, Aston Martin одлучи да произведе 60 специјални автомобили. Тие се одлучија за моделот DB12 на кој ја додадоа ознаката Goldfinger Edition. Автомобилите ќе бидат изработени во сребро и ќе бидат украсени со некои посебни карактеристики. Тоа се логото на Goldfinger, позлатените детали во внатрешноста, но и некои симболи поврзани со филмот. На пример, штитникот за сонце е извезен со осум карти за играње срце што се однесува на картата за играње видена во последното извлекување за време на познатата сцена во филмот.

Секој DB12 Goldfinger ќе има и подароци за сопственикот. Станува збор за специјален шампањ со четири ексклузивни чаши Bollinger 007, чанта Globe-Troter, специјално списание и други ексклузивни подароци.

DB12 Goldfinger има 4,0 литарски V8 твин-турбо мотор со моќност од 670 коњски сили. Цената на автомобилот се уште не е објавена, но јасно е дека ќе биде повисока од обичниот модел кој во Британија започнува од 220.000 евра.

Тенис

Фановите шокирани: Новак Ѓоковиќ се откажа од Париз

Српскиот тенисер Новак Ѓоковиќ одлучи да не учествува на познатиот Мастерс турнир во Париз кој се игра во салата „Берси“, а на програмата е од 28 октомври до 3 ноември, пренесува Спорт Клуб.

Веќе имаше многу прашања за тоа дали Новак Ѓоковиќ ќе настапи на овој турнир, како и дали ќе игра на завршниот Мастерс во Торино, додека веќе е познато дека нема да настапи ниту на турнирот во Белград.

Изгледа како Новак штотуку решил да се одмори и да се подготви за турнирот во Торино со кој ќе ја заврши оваа календарска година.

Да потсетиме, на турнирот во Ријад учествуваше и Новак Ѓоковиќ, каде го освои третото место победувајќи го Рафаел Надал, додека претходно во полуфиналето на овој турнир беше поразен од Јаник Синер.

Пред да отпатува за Ријад, тој играше и на Мастерсот во Шангај, каде стигна до финалето.

Ѓоковиќ досега седум пати славеше во Берси.

Живот

Дражавата им дава 38.000 долари на младоженците- тешка состојба во Јужна Кореја

Јужна Кореја, која се соочува со најниска стапка на наталитет во светот, сега се свртува кон финансиски стимулации за да се обиде да го врати својот демографски пад.

Областа Саха во Бусан започнува програма која им плаќа на жителите до датумот и венчавката, нудејќи до 38.000 американски долари на паровите кои ќе одлучат да се венчаат.

Иницијативата е дел од пошироката стратегија за борба против опаѓање на населението во земјата, кое достигна врвна точка, при што стапката на фертилитет опаднал на само 0,72 деца по жена.

притисни ентер