Што прават скопјани на денот на избори?

Избори видени од сосема поинаков агол.. Што прават скопјани за време на денешниот неработен ден..

Иако за многумина денеска е неработен ден, занаетчијата Руфат Илијаз кој веќе 20 години чисти чевли на Скопскиот плоштад, денот ќе го мине работно. Вели занаетот е во изумирање, па стравува дека скулптурата на чистачот на чевли непосредно до неговиот штанд, ќе остане да ги потсетува луѓето на она што тој со години го прави. Илијаз вели дека и покрај денешните работни обврски, ќе го оствари своето право на глас.

„Моментално ја нема таа гужва, нема толку луѓе дека е неработен ден, луѓето коишто имаат обврски некои одат прво на гласање, па си ги завршуваат обврските, меѓутоа раздвиженост нема којзнае колку странци, туристи нешто има. Кога ќе одам дома ќе гласам со жената.“

Занаетот на Илијаз, како што самиот вели, најмногу ги привлекува странските туристи. Токму тие и беа најприсутни денеска на Скопски плоштад. Дел од нив пред камерата на Канал 5 кажаа дека прв пат ја посетуваат државата и се пријатно изненадени.

„Навистина ми се допаѓа, не е како што замислував. Ќе бидеме само во Скопје, но добро е, ми се допаѓа, се чувстутваме безбедно овде и е многу убаво.

„Прв пат сум во Македонија и ми се допаѓа. Ќе го шетаме градот, Кањонот и можеби ќе одиме во Охрид. Убаво, е топло, многу потопло од Шведска.

Најголемиот дел од граѓаните кои ги анкетиравме, велат дека веќе го искористиле своето право на глас, а остатокот од неработниот ден ќе го минат на кафе и на прошетка со пријателите.

За непречено одвивање на изборниот процес, Владата донесе одлука двата изборни денови да бидат неработни. Учениците овие денови ќе ги обработуваат во текот на работната недела преку подолг престој во училиштата.

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер