Ретко кој не сака лубеница, таа е здрава, освежителна, одлична за разладување во топлите летни денови, но има една работа која речиси никој не ја сака кај лубеницата, а тоа се семките.
Со години нè учеле дека треба да ги отстраниме, па сме минувале минути чистејќи ја лубеницата од секоја „црна точка“ што ја гледаме. Но, можеби правиме голема грешка.
Семките од лубеница му помагаат на нашето тело да се ослободи од токсините, па дури и може да се направи чај кој им помага на луѓето да го отстранат песокот од бубрезите.
Неверојатно здрави
За подготовка на овој чај потребни ви се четири лажици мелени или ситно сечкани семки од лубеница, секако свежи. Потоа се преливаат со половина литар врела вода и се чека вака приготвениот чај да се олади. Чајот потоа се цеди и се пие, а треба да се конзумира четири пати во седум дена.
Понатаму, освен за бубрезите, семките можат да ви помогнат да се ослободите од надуеноста бидејќи содржат влакна што го поттикнуваат варењето. Содржат и калиум, кој ја регулира количината на вода во телото и го намалува отокот на зглобовите и стапалата.
Семките од лубеница се богати со големи количини на витамини Б6, Б1, Ц, кои го зајакнуваат имунитетот. Се појавува и манган, кој е добар за здравјето на кожата и коските. Семките од лубеница исто така содржат и триптофан, кој го поттикнува производството на серотонин, хормонот на среќата, и се користи за намалување на стресот и лекување на клиничка депресија.