Албанската вицепремиерката и министерка за инфраструктура и енергетика Белинда Балуку информираше дека на аеродромот во Тирана регистрирана е рекордна бројка патници и најави дека до година во функција ќе биде и новиот аеродром во Валона.

- На меѓународниот аеродром „Мајка Тереза“ за девет месеци регистрирани се 8,25 милиони патници или 53,7 отсто повеќе споредено со истиот период минатата година. Туристичките текови ги надминаа очекувањата поставени на почетокот на годината и во секој поглед истата е рекордна, изјави Балуку.

Таа додаде дека прогнозите за бројот на патници на аеродромот до крајот на годината се 10,4 милиони патници и изрази уверување дека и оваа бројка ќе биде надмината.

- Предвидуваме дека годината ќе заврши со 69.000 летови, кои во текот на годината се рамномерно распоредени. Има зголемување и на бројот на нови дестинации кон Европа на 136, наспроти 109 колку што имаше во 2023 година, посочи министерката.

Таа најави дека следната година ќе биде пуштен во употреба новиот аеродром во приморскиот град Валона, со што Албанија ќе добие еден од најголемите аеродроми во регионот со писта од категорија Е, долга 3,2 километри.

- Очекуваме да имаме прекуокеански летови, кои ќе придонесат во зголемување на бројот на туристи кои доаѓаат од таму, посочи Балуку.

Пејачката настапи по веста дека Пејн починал, а заедно со него сними дует за филмот „Fifty Shades Freed“.

„Не можам да го пеам ова во моментов“, рече Ора за време на изведбата на „За тебе“ додека во позадина беше прикажана фотографија од неа и Лиам.

Пред тоа, пејачката се огласи на социјалните мрежи за да се збогува со пејачот.

„Уништена сум. Имаше најпрекрасна душа, никогаш нема да го заборавам. Многу сакав да работам со него, беше вистинско задоволство да се биде со него на сцената но и надвор од неа. Оваа трагична вест ми го скрши срцето. Нашата песна „За тебе“ сега добива сосема ново значење за мене“, напиша Ора.

For You (With Rita Ora)
リアム・ペイン，リタ・オラ

先程終わった大阪公演　の映像を拾う。
悲しみの中ほとんど歌えなかったみたい。@RitaOra @LiamPayne @liampaynejp
本日の大阪公演　#リタオラ はこの曲を歌えるのか？　追悼の言葉とか思い出話はあるのか？　#RITAORA #ritaora pic.twitter.com/b58a71caYu

— 肉　Jason 24 (@nikuniku2424241) October 17, 2024

Министрите за одбрана на Групата седум индустриски најразвиени земји (Г7) денеска упатија апел до Иран да престане да ја поддржува палестинската група Хамас, но и нејзините сојузници – Хезболах во Либан и Хутите во Јемен, кои се ангажирани на фронтовите против Израел.

- Г7 апелира Иран да се воздржи од давање поддршка на Хамас, Хезболах, Хутите и другите недржавни актери, како и од преземање какви било дополнителни мерки кои би можеле да го дестабилизираат регионот и да иницираат процес на „неконтролирана“ ескалација, се наведува во заедничката изјава по состанокот во Неапол.

Министрите повикаа и на „значително и одржливо зголемување“ на хуманитарната помош за Појасот Газа.

- Земјите од Г7 се обединети во нивната поддршка за потребата од итен прекин на огнот во Газа, ослободување на сите заложници, значително и одржливо зголемување на протокот на хуманитарна помош низ Појасот Газа и пат кон решение со две држави, се наведува во заедничка изјава.

Министрите ја потврдија својата „непоколеблива“ поддршка за Украина, вклучително и воена поддршка.

- Ја потврдуваме нашата непоколеблива поддршка за слободата, суверенитетот, независноста и територијалниот интегритет на Украина, сè додека е потребно. Ја нагласуваме нашата намера да продолжиме да обезбедуваме помош за Украина, вклучително и воена, на краток и долг рок, се додава во заедничката изјава.

Земји-членки на Г7 се САД, Франција, Германија, Италија, Канада, Велика Британија и Јапонија.