Тенис

Се враќа најубавата тенисерка на светот, од повредата се опоравува во Рим (ФОТО)

Титулата најубава тенисерка на светот, секако ја заслужи руската тенисерка Виталија Дијаченко, која не се истакна премногу на теренот, но мамеше воздишки кај многумина секогаш кога се појавуваше на турнирите.

Нејзиниот најголем успех на Грен слем турнирите е пласманот во третото коло на Вимблдон, додека двапати го мина првото коло на Ролан Гарос.

На Вимблдон во 2018 година, таа ја победи Марија Шарапова во дуелот на двете руски убавици.

Таа освои една ВТА титула во кариерата, а нејзиниот највисок пласман беше 71. во светот во сингл, додека во двојки беше рангирана во 2011 година.

Интересно е што своевремено не ѝ беше дозволено да се качи на авионот за Корзика преку Варшава во април 2023 година, кога поради војната меѓу Русија и Украина, полската авиокомпанија одби да ѝ издаде билет за летот, па таа не се појави на турнирот.

Виталија во последно време сѐ помалку ја гледаме на најголемите турнири. Таа најмногу играше челинџи и турнири од понизок ранг, а последниот го одигра во мај 2023 година, кога се повреди и направи голема пауза.

Од неодамна таа повторно е поактивна на Инстаграм, па може да се види дека долго време е во Рим. Таа ги следеше и натпреварите на Лацио и Рома на Олимпија и уживаше во убавината на „вечниот град“ и италијанската кујна.

Сепак, нејзиниот престој во Рим всушност се должи на нејзиното закрепнување по операцијата што ја направила.

– Шест недели подоцна почнав да ги мрдам нозете – напишала на видеото кое го објавила на својата „приказна“ на Инстаграм од теретана со својот физиотерапевт.

По неколкунеделниот специјален третман во Рим, судејќи според видеата, изгледа дека наскоро би можела да се врати на терените. Очигледно, атрактивната Русинка не сака да се збогува со тенисот и да остави нејзината кариера да заврши поради повреда, што е за почит, иако може добро да живее само од рекламирање како заштитно лице на многу компании што ги рекламира.

За време на престојот во Рим, таа објави и неколку провокативни фотографии со кои сакаше да покаже дека нејзиното тело се враќа во совршена форма.

Живот

Поминал само 3 минути во најгласната соба на светот и за малку полудел (ВИДЕО)

Во лабораторијата Орфилд во Минеаполис, освен најтивка на светот, има уште една просторија со сосема друга намена.

Значи, под ист покрив во Минеаполис се „најтивката соба“ и „најгласната соба“, како што опишува популарниот јутјубер Рајан Трахан. Решил да се тестира во комора специјално дизајнирана да ја рефлектира звучната енергија.

Додека „најтивката соба“ ќе ве шокира со целосен недостаток на звук, комората со одек ќе ја рефлектира бучавата, пренесува LadBible.

„Во оваа комора добивате приближно 100% рефлексија на звукот. Затоа, нивото на бучава останува исто, каде и да седите или стоите. Колку погласно зборувате, толку станува полошо“, објасни креаторот Стив Орфилд.

Тој му предложи на Јутјуберот да пушта класична музика (на повеќе звучници) додека е во собата и да види колку време е потребно за нивото на бучава да стане непријатно.

По првата минута, на Рајан му станало непријатно, а набрзо нервозно шетал низ собата, покривајќи ги ушите со раце. Едноставно, „сензорното оптоварување“ било преголемо и физички неподносливо.

Затоа по три минути и 37 секунди извикал дека „веќе не може“ и излегол надвор. Размислувајќи за непријатното искуство, тој истакнал дека не можел да остане „смирен“ поради нивото на бучава (измериле 120 децибели).

Забележете дека Рајан наведува дека ја пробал „најгласната соба на светот“. Сепак, титулата му припаѓа на RATF (Reverberant Acoustic Test Facility), кој е дел од истражувачкиот центар на американската агенција НАСА во Охајо.

Според Гинисовата книга на рекорди, во оваа специјализирана просторија, изградена од бетон, можно е да се произведе звук од 163 децибели.

Свет

Ангела Меркел напиша книга и стана милионерка: Таа е различна лига

Како политичка пензионерка, поранешната германска канцеларка Ангела Меркел добива пензија од нешто помала од 15.000 евра.

Со тие пари живее повеќе од удобно, но сега дојде нова фаза на благосостојба - таа стана нова милионерка благодарение на мемоарите „Слобода“.

Тие беа симултано објавени во 31 земја ширум светот - вклучително и Русија на Путин и Кина. Во Германија чинат 42 евра. „Франкфуртер зонтагс цајтунг“ пишува за „двоцифрената милионска сума“ што Меркел и нејзината коавторка и менаџерка Беате Бауман (61) ја добиле како аванс.

Билд пишува дека Меркел е загарантиран глобален продавач, што значи дека нејзината книга може да се продава на глобално ниво. Дополнително, фондациите, ЦДУ и институциите традиционално купуваат цела палета на такви книги. Дури и за неовластени биографии на германски политичари, издавачите им дале аванс на авторите од околу 100.000 евра.

„Ангела Меркел, сепак, е во сосема друга лига“, изјави експерт од индустријата за „Билд“.

Тој, исто така, претпоставува дека авансот ќе биде милионски.

„Само правата на германскиот јазик лесно вредат од 1,5 до 1,8 милиони евра“, додаде тој.

Пред повеќе од 20 години се зборуваше дека канцеларот Хелмут Кол (87) заработил хонорар од 2,5 милиони евра за неговата биографија „Мемоари“. Според друг експерт за издаваштво, Меркел заработила значително повеќе.

Меркел е исклучок меѓу германските политичари. Но, на меѓународен план, таа не може да се споредува со други лидери, како што се поранешниот американски претседател Барак Обама и Мишел Обама. За својата работа тие добија неверојатни 60 милиони евра.

Денеска Меркел ја потпишуваше книгата во продавницата „Дусман“ во Берлин. После тоа ќе има читачка тура низ земјата, а прва станица за читање ќе биде градот Штралзунд.

Свет

Страшна смрт: Ја следеле навигацијата, па паднале со автомобилот од недовршен мост (ВИДЕО)

Три лица загинаа во сообраќајна несреќа откако GPS-от на нивниот автомобил ги упатил да преминат преку недовршен мост, поради што излетале од работ на мостот и загинале.

Инцидентот се случил во градот Барили во Индија во саботата, кога жителите на блиското село отишле на брегот на реката и пронашле потопен автомобил заглавен во канал, пишува Метро.

По поблискиот увид мештаните биле шокирани кога ги откриле безживотните тела на тројца патници во возилото и брзо ја известиле полицијата.

По пристигнувањето на местото на несреќата, полициската истрага открила дека жртвите се враќале дома од свадба и го користеле ГПС уредот во своето возило за да се движат по патот.

Но, не знаеле дека ГПС ги упатил на недовршен мост, а поради големата брзина со која се движело возилото не можеле навреме да застанат. Наместо тоа, автомобилот паднал од височина од 7,5 метри во канал на дното на реката Рамганга и сите загинале на лице место.

Телата со брод биле пренесени во блиската мртовечница и испратени на обдукција. Подоцна починатите биле идентификувани како Каушал Кумаи, Вивек Кумар и Амит Кумар.

Сите тројца работеле како обезбедување, а наводно се обидувале да го скратат патот до куќата. Полицијата ги известила семејствата на починатите.

Незавршениот мост станал локално познат како „стапица на смртта“ откако бил уништен за време на поплавите во областа во 2022 година.

Оштетениот дел од мостот е затворен за сообраќај, но лошо поставената сообраќајна сигнализација и потпирањето на застарените дигитални мапи го направиле опасно место за возачите.

притисни ентер