Технологија

Роботи ги запознаваат срамежливите Јапонци (ВИДЕО)

Иако од една страна Јапонија е земја која е исклучително посветена кон  традицијата и обичаите, од друга страна таа е една од најтехнолошки напредните земји во светот.

Поради ова, Јапонија често ја нарекува земја на екстреми , како што е примерот со брзото запознавање на младите луѓе. Последниве години, Јапонија се бори со проблемот на сè поголем број осамени млади луѓе.

Тие живеат подолго со своите родители, а оние кои се разделени тешко се решаваат за брак и да основаат свое семејство.

Затоа не изненадува што станаа популарни "брзите запознавања" во кои учесниците се обидуваат да дознаат колку што е можно повеќе еден за друг во рок од три минути и, најверојатно, да ја најдат своја сродна душа.

Но, јапонските "брзи запознавања" се различни од другите. CyberAgent, информатичка компанија, воведе "роботизирано поврзување" или "брзо запознавање" со помош на роботи.

При оваа средба , потенцијалните парови седат еден наспроти друг, но не кажуваат ниту збор за тие три минути. Роботите тоа го прават за нив.

Пред состанокот, заинтересираните лица пополнуваат прашалник во кој ги даваат своите основни информации, опишуваат што сакаат и што не, а потоа тие одговори се вметнуваат во меморијата на роботите.

За многумина идејата да седите со некого на иста маса и да гледнете два робота кои зборуваат наместо нив, е страшно. Но, за многу Јапонци, кои се срамежливи, ова е одличен начин да се скрши мразот.

Македонија

Пронајдени мигранти од Ирак и Турција

Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).

Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.

Регион

Британскиот министер за надворешни работи, Камерон ќе ја посети Тирана

Поранешниот британски премиер Дејвид Камерон, сега државен секретар за надворешни работи во Владата на премиерот Риши Сунак, во средината на идната недела се очекува да допатува во Тирана.

Дипломатски извори во Лондон и Тирана за Топ чанел изјавиле дека оваа посета на лордот Камерон се очекува да се случи на 22 мај, доколку нема промена на агендата во зависност од случувањата во Велика Британија.

-Во фокусот на посетата не е некое конкретно прашање, туку продолжување на британската поддршка за Албанија. Во Тирана се очекува лордот Камерон да ја оцени координацијата со Министерството за внатрешни работи во спречувањето на илегалната имиграција и соработката на СПАК со НЦА против организираниот криминал, додава телевизијата.

Според истиот извор, премиерот Еди Рама деновиве имал телефонски разговор со неговиот колега Риши Сунак, под притисок на јавното мислење и неговото внатре во Конзервативната партија за минување на Ла Манш со гумени чамци на илегални имигранти.

Во 2022 година со моторни чамци на британско тло пристигнале 13 илјади албански граѓани, оваа бројка е намалена за 90 отсто во текот на 2023 година кога заминале само 900, а во периодот јануари-април годинава само 20 албански граѓани. /МИА

Фудбал

Тренерот на младинците ќе го води Јувентус до крајот на тековната сезона

Тренерот на тимот на Јувентус до 21 година, Паоло Монтеро ќе го предводи сениорскиот тим до крајот на сезоната, објави клубот од Торино на својот официјален сајт.

Педесет и двегодишниот Уругваец ќе го претставува тимот на натпреварите против Болоња и Монца.

Досегашниот тренер Масимилијано Алегри пред два дена доби отказ и покрај освоениот трофеј во Купот на Италија.

Алегри беше на чело на Јувентус од мај 2021 година. Под негово водство тимот освои 80 победи, 34 пати ремизираше и претрпе 35 порази.

На две кола пред крајот на сезоната во Серија А, Јувентус е на четвртото место со 67 бодови. /МИА

притисни ентер