Автомобилизам

Рено го најави новиот Рафале (ВИДЕО)

Познат е и датумот на премиерата.

Во Рено очигледно не се откажуваат од концептот на купе-SUV автомобил. По моделот Arkana, кој од очигледни причини кај нас ја носи ознаката Megane Conquest, Renault реши да претстави уште еден атрактивен кросовер во облик на купе.

Се одлучија за новиот модел на Rafale. Во 1933 година, Рено ја презеде компанијата Каудрон, која произведуваше авиони. Една година подоцна, Caudron-Renault го претстави Rafale, кој всушност беше преименуван C460. После тоа, името не се користеше до неодамна, кога Renault го понуди Rafale сивата нијанса на боја на моделот Megane E-Tech.

Како и да е, новиот Rafale доаѓа и покрај најавите дека Renault ќе го оживее името Avantime. А сѐ што знаеме е што се гледа во најавниот видео материјал. Се базира на CMF-CD платформата, а логиката налага дека Rafale ќе се базира на Espace.

Прашањето е само како малиот бензинец 1.2 со 130 КС и 205 Nm ќе се вклопи во ексклузивноста на моделот. Да почекаме до 18 јуни и премиерата на саемот во Париз, кога сѐ ќе биде многу појасно.

Фудбал

Гвардиола не планира наскоро да го напушти Манчестер сити

Тренерот на Манчестер сити, Пеп Гвардиола зборуваше за својата иднина во тимот.

- Имам договор и сакам да бидам тука. Мојот план е да останам во Манчестер следната сезона, изјави Гвардиола за „Мирор“.

Шпанскиот фудбалски стручњак го презеде Манчестер сити во 2016 година. Под негово водство тимот пет пати го освојуваше англискиот шампионат и еднаш Лигата на шампионите.

По 37 кола, во Премиер лигата води Манчестер сити со 88 бодови. Заостанувањето на второпласираниот Арсенал е два бода. Ливерпул (79) ги загуби шансите за евентуална шампионска титула. /МИА

Свет

„Билд“: Германското Министерство за одбрана бара од Владата уште 3,8 милијарди евра за Украина

Германското Министерство за одбрана побара од сојузната влада дополнителни 3,8 милијарди евра помош за Украина за оваа фискална година, пишува „Билд“.

Весникот наведува дека оваа година Германија обезбедила воена помош од 7,1 милијарди евра за Украина и дека овие пари се користат за плаќање на воена опрема што Украина ја купува директно од наменската индустрија и укажува дека на Украина и треба итно поголема поддршка за да не изгуби војната со Русија, поради што Министерството за одбрана побара дополнителни средства.

Министерот за одбрана Борис Писториус разговараше за тоа со канцеларот Олаф Шолц, а потоа се сретна со Кристијан Линднер, шеф на одделот за буџет во германското Министерство за финансии.

Дополнителните расходи треба во јуни да бидат поднесени до Бундестагот на усвојување, според „Билд“. /МИА

Македонија

Тешка сообраќајка на „Водњанска“, повредени седум лица

Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар.

-Сообраќајната несреќа се случила помеѓу автомобил „БМВ“, автомобил „Ауди“, и две паркирани патнички возила „Голф“ и „Мерцедес“, сите со скопски регистарски ознаки, соопштија од МВР..

Во незгодата со телесни повреди се здобиле седум лица констатирани во ГОБ „Св. Наум Охридски“ и Комплекс клиники Мајка Тереза во Скопје. Извршен бил увид од увидна екипа на СВР Скопје, но причините се уште не се познати.