Регион

Радев: Најважно е денеска да се гласа

 Најважно е денеска да се гласа, изјави бугарскиот претседател Румен Радев по гласањето во гимназијата „Џ.А. Мекгахан“ во Софија.

„Сите сакаме да заврши овој исцрпувачки маратон на континуирани избори, но да имаме одржлив и остварлив парламент, да имаме не само редовна, туку ефикасна редовна влада која може да носи храбри одлуки и да ја води земјата кон реализација на националните важни цели, важно е овие две институции - парламентот и владата - да имаат соодветен легитимитет. А сите знаеме дека овој легитимитет произлегува од масовното, солидно учество на граѓаните на изборите. Така што мојот апел до Бугарите денеска е да гласаат. Има уште пет часа, не е малку време, апелирам секој да најде неколку минути и да излезе и да гласа, додаде Радев.

Граѓаните на Бугарија денеска избираат 240 пратеници во 51. Народно собрание. Ова се шести предвремени парламентарни избори по редовните на 4 април 2021 година. Последните предвремени избори се одржаа на 9 јуни годинава.

Изборниот ден почна во 7 часот, а завршува во 20 часот, и може да се продолжи до 21 часот ако пред избирачкото место има гласачи кои не гласале. Гласањето во странство започнува во 7 часот и завршува во 20 часот, односно 21 часот по локално време.

На изборите за Национално собрание учествуваат 19 партии, девет коалиции и еден независен кандидат. /MИА

Фудбал

Кварацхелија повеќе не е недопирлив во Наполи

Наполи викендов во 9. коло од Серија А го совлада Лече со резултат 1:0 и е лидер во поредокот со 22 бода. Квича Кварацхелија му го отстапи местото во стартната постава на Бразилецот Давид Нерес и на теренот се појави дури во 72. минута.

Тренерот на наполитанците, Антонио Конте, јасно им порача на италијанските медиуми дека Кварацхелија треба да се насочи кон тимските интереси, а не кон продолжување на договорот со зголемување на платата.

„La Gazzetta dello Sport“ го оцени настапот на Кварацхелија со скромни 6,0 - исто како и на претходната средба со Емполи.

Во исто време, директниот конкурент на Грузиецот за место во составот, Нерес, кој беше заменет со Кварацхелија, доби 5,5.

Во вторник, 29 октомври, Наполи ќе игра против Милан во Серија А на „Сан Сиро“./МИА

Свет

Нетанјаху: Прецизниот и моќен напад врз Иран ги постигна сите свои цели

Израелскиот премиер Бенјамин Нетанјаху соопшти дека вчерашниот воздушен напад врз воените објекти во Иран ги постигнал сите цели.

„Нападот беше прецизен и моќен и ги постигна сите негови цели“, рече Нетанјаху денеска на церемонијата по повод првата годишнина според еврејскиот календар од нападот на палестинското исламистичко движење Хамас во јужен Израел на 7 октомври 2023 година.

„Иран го нападна Израел со стотици балистички ракети и нападот не успеа“, рече тој, мислејќи на иранскиот ракетен напад на 1 октомври, кога повеќето од истреланите проектили беа пресретнати од израелската противвоздушна одбрана.

„Потоа ветивме моќен одговор и вчера во зори го одржавме ветувањето. Воздухопловните сили го нападнаа Иран и ги погодија иранските одбранбени капацитети и капацитети за производство на ракети насочени кон нас“, додаде Нетанјаху. /МИА

Фудбал

Ла Лига го осуди расизмот против Јамал и ќе се жали во полиција

Раководството на Шпанското фудбалско првенство го осуди расизмот против Ламин Јамал.

- Поради настаните за време на натпреварот Реал Мадрид - Барселона, кои вклучија неприфатливо расистичко однесување, Ла Лига ќе пријави навреди и расистички гестови во полиција и ќе го извести обвинителот за криминал од омраза и дискриминација. Ла Лига силно ги осудува овие настани на „Сантијаго Бернабеу“ и останува цврста во својата посветеност да ги искорени сите манифестации на расизам и омраза на стадионите и пошироко. Нема место за ова зло во спортот, се вели во соопштението на Ла Лига.

Фудбалер на Барса бил подложен на навреди на расна основа по третиот гол на неговиот тим одигран синоќа на гостински терен со Реал Мадрид. /МИА

притисни ентер