Синиша Алексовски имал три средби со семејствата момчињата кои беа убиени кај Смилковското. Поранешнот советник за национална безбедност од Кабинетот на Ѓорѓе Иванов, на денешното рочиште за Монстум сведочеше дека после тие средби двапати се видел и со Зоран Заев од кој што побарал да не се поврзува неговото име со грозоморното убиство.
,,Наќевски ме извести за средбата со лидерот на СДСМ, на која што тој упатил сериозни сомневања за инволвираност на високи полициски службеници во случајот со пасивно или активно однесување, инволвирајќи ме и мене, дека наводно некој мој телефон бил паднат кај езерото. Лидерот на СДСМ изнесува невистини и клевети.
На рочиштето сведочеше и екс директор на УБК Сашо Мијалков, кој рече дека не се сеќава дали странски служби ја информирале тајната полиција дека станува збор за лица кои биле на боиштата во Авганистан и Ал Каеда. Тврди дека по убиството кај Смилковското Езеро, УБК преземала само оперативни мерки.
,,Јас дознав околу половина час по убиството. УБК работеше на оперативно ниво за случајот Монструм. Собиравме информации и сознанија, но не можам да се сетам што точно беше преземено бидејќи е пред осум години. БЈБ го водеше случајот под водство на Јавното обвинителство. До моментот кога се случи настанот, немавме никакви информации, потоа имавме 20 дневно истражување.
Одбраната смета дека досега не се докажало дека мотив за случајот е радикален ислам, за обвинението да биде квалификувано како “тероризам”. Според адвокатите на семејствата на жртвите, денес сведоците не открија ништо непознато.
Следното рочиште е закажано за 10ти март, а ќе сведочат екс министерот за правда Блерим Беџети и поранешниот вицепремиер Муса Џафери.