Фанија Костадинова, мајката на портпаролот на СДСМ, Костадин Костадинов и Кристијан Мисовски синот пратеникот Горан Мисовски си поднесоа отказ од работното место по силните реакции на јавноста. Синот на Мисовски бил вработен на определено време во Агенцијата за супервизија на осигурување..
Додека мајката на Костадинов била вработена во Централен регистар во Струмица, а оставката доаѓа по најавата на премиерот Заев дека дел од роднините на функционерите ќе се повлечат од своите работни места.
Дали ќе има и други откази, се уште не се знае. Од компанијата ЕЛЕМ, каде има најмногу вработени деца и роднинини на функционери информираат дека досега ниту еден вработен не се обратил до правната служба со најава за барање за раскинување на работниот однос.
Последен пример на непотизам кој беше обелоденет во јавноста се вработувањата на снаата, синот и братот на пратеничката на СДСМ од РАдовиш Милева Ѓоргиева. Од партијата велат дека тие не можат да им наложат на вработните да настапат по насоките на премиерот Заев.
,,Никој не треба да биде привилегиран, ниту дискриминиран. Ние ниту можеме да ургираме некој да се вработи, ниту имаме право да бараме да се откажат. Можеме да замолиме , а нивната одлука каква ќе биде ќе видиме.”
Од Центарот за истражување и креирање на политики велат дека во Македонија најзастапена е политичката дискриминација, особено во работните односи. Од таму истакнуваат дека државата мора да одбере по кој модел ќе работи јавната администрација.
Од Антикорупциска најдоцна до утре ќе ја испратат листата на потребни документи до ЕЛЕМ и останатите државни компании, преку кои треба да се утврди дали имало влијание при вработувањата за 18-те предмети кои пред неколку денови ги оформи Комисијата.